Navratri 2026 : शारदीय नवरात्रीत उपवास करण्यााचा विचार आहे? व्रतात काय खावे आणि काय टाळावे ते आधीच जाणून घ्या

Upvas Tips : नवरात्रीचा उपवास धार्मिकदृष्ट्या फार महत्त्वाचा मानला जातो. तथापि, या उपवासात काही गोष्टींचे सेवन वर्ज्य असते. उपवासात कोणते पदार्थ खावेत आणि कोणते टाळावेत तसेच व्रतावेळी तुम्ही कोणत्या चुकांना तुम्ही टाळू शकता ते सविस्तर जाणून घेऊया.

• नवरात्रीच्या उपवासात कोणते पदार्थ खावेत आणि कोणते टाळावेत?
• उपवास करताना आहाराशी संबंधित कोणत्या गोष्टी लक्षात ठेवाव्यात?
• घटस्थापना केल्यानंतर कोणत्या चुका टाळणे आवश्यक आहे?

यंदा ११ ओक्टोबर रोजी शारदीय नवरात्रीचा (Shardiya Navratri 2026) सण साजरा केला जाणार आहे. ११ ऑक्टोबरला नवरात्रीचा पहिला दिवस तर १९ ऑक्टोबर रोजी नवरात्रीचा शेवटचा दिवस साजरा केला जाणार आहे. या सणानिमित्त देवी दर्गेच्या नऊ रुपांची पूजा केली जाते. तसेच काही भाविक या नऊ दिवसांत व्रत-वैकल्या, उपवास करतात. धार्मिक मान्यतेनुसार, देवी दुर्गेच्या पूजेत व्रत केल्याने भक्तांना सुख-समृद्धी आणि शांती लाभते. तसेच जीवनातील संकट दूर होण्यास मदत होते. तथापि, व्रत करताना काही गोष्टींची खास काळजी घ्यावी लागते. कारण कोणताही उपवास करताना काही पदार्थ खाणे वर्ज्य असते. तुम्ही उपवासात काही निवडक पदार्थांचे सेवन करु शकता. या लेखात आपण नवरात्रीच्या उपवासात कोणते पदार्थ खाल्ले पाहिजेत आणि कोणते पदार्थ टाळायला हवेत याची माहिती जाणून घेणार आहोत.

Navratri Colors: गरबा नाइट्ससाठी राहा रेडी! नवरात्री २०२६ चे ९ रंग ठरले; जाणून घ्या महत्त्व आणि संपूर्ण दिनविशेष!

शारदीय नवरात्रीच्या उपवासात कोणत्या पदार्थांचे सेवन टाळावे?

• व्रतात गहू किंवा कोणत्याही प्रकारच्या डाळीचे सेवन करु नये.
• कांदा, लसूण, अंडी, मांस, मासे आणि मद्य यांचे सेवन करण्यास पूर्णपणे मनाई असते.
• उपवासादरम्यान वांगी, फणस, मशरूम आणि भेंडी यांसारख्या भाज्यांचे सेवन देखील टाळावे.

शारदीय नवरात्रीच्या व्रतात कोणत्या पदार्तांचे सेवन करावे?

• व्रतावेळी शुद्ध आणि सात्विक आहाराचे सेवन करायचे असते.
• तुम्ही कुट्टूचे पीठ, शिंगाड्याच्या पिठ किंवा राजगिऱ्याच्या पिठाचे सेवन करु शकता.
• याशिवाय साबुदाणा, भगर, बटाट्याची उसळ, फळे यांचे सेवन देखील करता येते.
• हलक्या भूकेसाठी तुम्ही दही, ताक, लस्सी, उपवासाचा चिवडा किंवा बटाट्याचे आणि केळ्याचे चिप्स यांचे सेवन करु शकता.
• व्रताचे जेवण तयार करताना साध्या मीठाचा नाही तर सैंधव मीठाचा वापर करावा.

Navratri Upvas Food : साबुदाणा खिचडीच नाही तर नवरात्रीच्या व्रतात सामील करा हे 5 भन्नाट उपवासाचे पदार्थ

चुकूनही या गोष्टी करु नका

शारदीय नवरात्रीच्या वेळी चुकूनही दाढी, मिशा आणि नखे कापू नये. नवरात्रीत या गोष्टी केल्याने जीवनात अशुभ परिणामांचा सामना करावा लागतो अशी धारणा आहे. तसेच जर तुम्ही घरी घटस्थापना केली असेल तर घराला कधीही रिकामे ठेवून घराबाहेर पडू नका. घरात एकाची तरी उपस्थिती महत्त्वाची आहे.