उन्हाळ्यात चिकन खावे की मटण? कोणत्या पदार्थांच्या सेवनामुळे शरीरात वाढते उष्णता, जाणून घ्या शिजवण्याची योग्य पद्धत

उन्हाळ्याच्या दिवसांमध्ये शरीरात वाढलेल्या उष्णतेचा परिणाम आरोग्यावर लगेच दिसून येतो. त्यामुळे चिकन मटण खाताना योग्य काळजी घ्यावी. जाणून घ्या उन्हाळ्यात चिकन खावे की मटण खावे?

उन्हाळ्यात चिकन खावे की मटण?
चिकन खाण्याचे फायदे आणि तोटे?
उन्हाळ्यात मटण खावे की नाही?

राज्यासह संपूर्ण देशभरात सगळीकडे उन्हाळाच्या झळा वाढल्या आहेत. वाढत्या उन्हाळ्यात शरीराची योग्य काळजी घेणे फार आवश्यक आहे. कडक उन्हात कुठेही बाहेर जाऊन आल्यानंतर शरीरात उष्णता निर्माण होते. त्यामुळे या दिवसांमध्ये सहज पचन होणाऱ्या पदार्थांचे सेवन करावे. उन्हाळा ऋतूला सुरुवात झाल्यानंतर पचनास हलक्या पण चविष्ट पदार्थांचे सेवन केले जाते. बऱ्याचदा आहारात चिकन खावे की मटण खावे? असे अनेक प्रश्न मनात निर्माण होतात. चिकन लिन प्रोटीन असल्यामुळे ते पचायला हलके असते. यामुळे शरीरात कमी उष्णता निर्माण होते. तर मटण हे पचायला अतिशय जड असल्यामुळे अनेक लोक मटण खाणे टाळतात. आहारात खाल्लेले पदार्थ शरीराच्या प्रकृतीनुसार शरीरावर परिणाम करतात. त्यामुळे मांसाहारी पदार्थ शिजवताना योग्य ती काळजी घ्यावी. चिकन आणि मटण या दोन्ही पदार्थांमध्ये प्रथिने भरपूर प्रमाणात आढळून येतात. त्यामुळे आज आम्ही तुम्हाला उन्हाळ्यात चिकन खावे की मटण खावे? मांसाहारी पदार्थ शिजवण्याची योग्य पद्धत? याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य – istock)

डायबीटीज कंट्रोलमध्ये नाही ! शुगर कमी करण्यासाठी रोज कितीवेळ चालावं ?

पचनशक्ती आणि शारीरिक उष्णता:

चिकन हे लिन प्रोटीन मानले जाते. यामध्ये सॅच्युरेटेड फॅटचे प्रमाण असते, ज्यामुळे चिकन सहज पचन होण्यास मदत होते. उन्हाळ्याच्या दिवसांमध्ये शरीराची नैसर्गिक पचनक्रिया मंदावलेली असते. ज्यामुळे चिकन खाल्ल्यानंतर शरीरावर जास्तीचा तणाव येत नाही. पण याउलट लाल मांस खाल्ल्यामुळे शरीराची पचनक्रिया बिघडण्याची जास्त शक्यता असते. लाल मांस लवकर पचन होत नाही. यामध्ये तंतुमय ऊती आणि चरबीचे प्रमाण खूप जास्त असते. मटण पचवण्यासाठी शरीराला जास्त मेहनत घ्यावी लागते. दीर्घकाळ पचनक्रियेमुळे शरीरात उष्णता वाढते आणि उन्हाळ्याच्या दिवसांमध्ये आरोग्य बिघडण्याची जास्त शक्यता असते.

चिकन पचनासाठी हलके असले तरीसुद्धा मटण खाल्ल्यामुळे शरीराला भरमसाट फायदे होतात. मटणामध्ये लोह, झिंक आणि विटामिन B12 चे प्रमाण चिकनपेक्षा जास्त असते. ॲनिमिया किंवा जास्त कष्टाची कामे करणाऱ्या व्यक्तींनी मटण खाण्यास प्राधान्य द्यावे. उन्हाळ्याच्या दिवसांमध्ये शरीर हायड्रेट ठेवण्यासाठी आणि हलके ठेवण्यासाठी चिकन खाण्याचा सल्ला दिला जातो. वजन कमी करणाऱ्या व्यक्तींनी आहारात मटण खाण्याऐवजी चिकन खावे. यामुळे स्नायूंची बांधणी चांगली होते.

बद्धकोष्ठता होईल कायमची नष्ट! आहारात नियमित खा ‘ही’ फायबर युक्त फळे, सकाळी उठल्यानंतर पोट होईल स्वच्छ

चिकन मटण शिजवण्याची योग्य पद्धत:

कोणतेही मांसाहारी पदार्थ आणल्यानंतर ते सगळ्यात आधी व्यवस्थित स्वच्छ करून घ्यावे. चिकन शिजवताना त्यात जास्त तेल टाकू नका. चिकनची जास्त तेलकट ग्रेव्ही किंवा चिकन फ्राय अजिबात बनवू नये. चिकन शिजवण्याआधी मॅरिनेशनसाठी दही, पुदिना, कोथिंबीर आणि लिंबू यांसारख्या थंड पदार्थांचा वापर करावा. यामुळे पदार्थांमधील उष्णता कमी होते. तसेच उन्हाळ्याच्या दिवसांमध्ये मटण खाणे टाळावे. मटण शिजवताना ते सगळ्यात आधी कुकरच्या भांड्यात टाकून ५ किंवा ६ शिट्या काढून शिजवून घ्या. याशिवाय मटण शिजवताना आले, लसूण, बडीशेप आणि जिरे इत्यादी मसाल्यांचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.