दिवसाची सुरुवात होईल आनंदाने! सकाळच्या धावपळीमध्ये नाश्त्यासाठी बनवा चविष्ट दही सँडविच, नोट करून घ्या रेसिपी

सकाळच्या नाश्त्यासाठी तुम्ही सोप्या पद्धतीमध्ये दही सँडविच बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. चला तर जाणून घेऊया दही सँडविच बनवण्याची सोपी रेसिपी.

दिसवाची सुरुवात आनंद आणि उत्साहाने होण्यासाठी नाश्त्यात कायमच पौष्टिक पदार्थांचे सेवन केले जाते. नाश्त्यात कांदापोहे, उपमा, शिरा खाऊन सगळ्यांचं कंटाळा येतो. अशावेळी काहींना काही चमचमीत पदार्थ खाण्याची सगळ्यांचं खूप जास्त इच्छा होते. म्हणूनच आज आम्ही तुम्हाला सोप्या पद्धतीमध्ये दही सँडविच बनवण्याची सोपी रेसिपी सांगणार आहोत. सकाळी उठल्यानंतर प्रत्येकालाच खूप जास्त घाई असते. घाईच्या दिवशी नाश्त्यात चहा चपाती किंवा चहा बिस्कीट खाल्ले जाते. पण पदार्थ खाऊन पोट तर भरत नाही पण याउलट शरीरात ऍसिडिटी वाढतो. म्हणूनच नाश्त्यात सहज पचन होणाऱ्या पौष्टिक पदार्थांचे सेवन करावे. सँडविच बनवताना त्यात वेगवेगळ्या भाज्यांचा वापर केला जातो. भाज्या खाल्यामुळे आरोग्याला अनेक फायदे होतात. चला तर जाणून घेऊया सोप्या पद्धतीमध्ये दही सँडविच बनवण्याची रेसिपी.(फोटो सौजन्य – pinterest)

सध्या जेवणाची चव वाढवेल झणझणीत अन् चटपटीत ‘मसाला मिरची’; जाणून घ्या रेसिपी

साहित्य:

• ब्रेड
• दही
• कोबी
• कांदा
• टोमॅटो
• शिमला मिरची
• काळीमिरी पावडर
• मीठ
• कोथिंबीर
• चाट मसाला
• बटर
• चीज

तांदूळ डाळीचा वापर न करता सोप्या पद्धतीमध्ये नाश्त्यासाठी बनवा लुसलुशीत व्हेजिटेबल इडली! नोट करून घ्या रेसिपी

कृती:

• दही सँडविच बनवण्यासाठी सर्वप्रथम, मोठ्या वाटीमध्ये दही घेऊन त्यात चवीनुसार मीठ टाकून दही व्यवस्थित फेटून घ्या. दह्यात अजिबात गुठळ्या ठेवू नये.
• त्यानंतर त्यात बारीक चिरलेला कांदा, टोमॅटो, शिमला मिरची, बारीक चिरलेला कोबी आणि कोथिंबीर घालून व्यवस्थित मिक्स करा.
• त्यानंतर त्यात काळीमिरी पावडर, चाट मसाला आणि ओरिगानो घालून मिक्स करून घ्या.
• ब्रेडला बटर लावून त्यावर तयार केलेले मिश्रण एकसमान लावून घ्या. त्यानंतर त्यावर किसलेले चीज टाकून ब्रेड स्लाइस ठेवून गरम तव्यावर सँडविच दोन्ही बाजूने कुरकुरीत भाजा. सँडविच भाजताना तव्यावर बटर टाकावे.
• तयार आहे सोप्या पद्धतीमध्ये बनवलेले चविष्ट दही सँडविच. हा पदार्थ घरातील प्रत्येकालाच खूप जास्त आवडेल.