वयाच्या ५० व्या वर्षीसुद्धा कायमच राहाल फिट आणि हेल्दी! आतडे स्वच्छ करण्यासाठी नियमित खा ‘हे’ खास पदार्थ, शरीराला मिळेल पोषण

वय वाढल्यानंतर शरीराची काळजी घेणे फार आवश्यक आहे. पोषक आहार, शांत झोप आणि मानसिक आरोग्य चांगले राहिल्यास वाढत्या वयात सुद्धा कायमच हेल्दी आणि फिट दिसाल. चला तर जाणून घेऊया सविस्तर.

वाढत्या वयात उद्भवणाऱ्या समस्या?
शरीर निरोगी ठेवण्यासाठी काय खावे?
आहारात कोणते पदार्थ खाल्ल्यास शरीर निरोगी राहते?

वय वाढल्यानंतर शरीरात अनेक बदल दिसू लागतात. हाडांमध्ये वेदना, सतत वाढलेले आजारपण, मानसिक तणाव, चेहऱ्यावर सुरकुत्या किंवा पिंपल्स येणे, मधुमेह, उच्च रक्तदाब, खराब कोलेस्ट्रॉल इत्यादी समस्या वाढू लागतात.कारण या वयात शरीरातील हार्मोन्सची पातळी कमी जास्त होत असते ज्याच्या परिणामामुळे शरीरात गंभीर बदल होतात. त्यामुळे वयाच्या पन्नासाव्या वर्षानंतर शरीराला पोषणाची फार आवश्यकता असते. वय वाढल्यानंतर शरीराची पचनक्रिया मंदावते, हृदयाचे आरोग्य किंवा शरीरातील इतर अवयवांचे आरोग्य बिघडण्याची जास्त शक्यता असते. त्यामुळे शरीरात होणाऱ्या बदलांकडे दुर्लक्ष न करता वेळीच योग्य उपचार करणे फार गरजेचे आहे.(फोटो सौजन्य – istock)

Iodine Deficiency: आयोडीनची कमतरता ठरू शकते धोकादायक! शरीरावर होतात ‘हे’ गंभीर परिणाम

स्नायूंची ताकद, हाडांचे आरोग्य, पचनसंस्था सुरळीत चालू राहण्यासाठी शरीराची काळजी घेणे फार आवश्यक असते. दैनंदिन आहारात खाल्लेल्या पदार्थांचा थेट परिणाम शरीरावर लगेच दिसून येतो. त्यामुळे आहारात जंक फूड, स्ट्रीट फूड किंवा वारंवार तेलकट, तिखट पदार्थांचे सेवन न करता शरीरास सहज पचन होणाऱ्या पदार्थांचे योग्य प्रमाणात सेवन करावे. शरीराला पोषण देण्यासाठी कोणत्याही महागड्या अन्नपदार्थांची किंवा सप्लिमेंट्सची अजिबात आवश्यकता नाही. सहज पचन होणारे पदार्थ खाल्ल्यास आरोग्य चांगले राहील. आज आम्ही तुम्हाला वाढत्या वयात सुद्धा हेल्दी आणि तरुण राहण्यासाठी कोणत्या पदार्थांचे सेवन करावे, याबद्दल सविस्तर माहिती सांगणार आहोत. हे पदार्थ नाश्त्यात किंवा भूक लागल्यानंतर खाल्ल्यास कायमच निरोगी राहाल.

ग्रीक योगर्ट:

वयाच्या पन्नाशीनंतर डॉक्टरसुद्धा आहारात ग्रीक योगर्ट खाण्याचा सल्ला देतात. कारण यामध्ये असलेल्या घटकांमुळे पचनक्रिया मजबूत राहते आणि शरीराला सुद्धा फायदे होतात. एका कप ग्रीक योगर्टमध्ये सुमारे १७ ग्रॅम प्रथिने असतात, त्यामुळे हाडांना आवश्यक पोषण मिळते. यामध्ये असलेले जिवंत प्रोबायोटिक्स पचनसंस्थेतील बॅक्टेरियांचा समतोल राखण्यास मदत करतात. याशिवाय पचनक्रिया सुधारणे, रोगप्रतिकारशक्ती मजबूत करणे इत्यादी अनेक फायदे शरीराला होतात.

डाळी आणि कडधान्ये:

रोजच्या आहारात वेगवेगळ्या डाळींचा समावेश करावा. डाळीमध्ये मोठ्या प्रमाणावर फायबर आढळून येते आणि पचनक्रिया मजबूत राहण्यास मदत होते. ऑस्टियोपोरोसिससारख्या हाडांच्या आजारांपासून शरीराचा बचाव करण्यासाठी डाळी आणि कडधान्यांचा आहारात समावेश करावा. सूप, सॅलड किंवा नेहमीची आमटी बनवून सुद्धा खाऊ शकता.

महिलांमध्ये वाढतोय ब्रेस्ट कॅन्सरचा धोका? रोजच्या या हेल्दी सवयी ठरू शकतात संरक्षण कवच

बेरीज:

लहान आकाराच्या चवदार बेरीज शरीरासाठी वरदान आहेत. स्ट्रॉबेरी, ब्लॅकबेरी यांसारख्या फळांमध्ये भरपूर अँटीऑक्सिडंट्स आणि फायबर आढळून येते, त्यामुळे आठवड्यातून एकदा तरी बेरीजचे सेवन करावे. अक्रोड आणि बेरीज एकत्र खाल्ल्याने मेंदू आणि हृदयाचे आरोग्य चांगले राहते आणि रक्तातील साखरेचे प्रमाण झपाट्याने वाढत नाही. याशिवाय आहारात फळे, भाज्या, होल ग्रेन्स, हेल्दी फॅट्स आणि प्रथिने असलेल्या पदार्थांचे सेवन करावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.