मणका आणि पाठीच्या कण्याला सूज आली आहे? जाणून घ्या सर्व्हायकल स्पॉन्डिलायसिसची लक्षणे आणि उपाय

शरीरात निर्माण झालेला शारीरिक हालचालींचा अभाव आणि चुकीच्या जीवनशैलीमुळे सर्व्हायकल स्पॉन्डिलायसिसची समस्या उद्भवते. ही समस्या उद्भवू लागल्यानंतर पाठीच्या वरच्या कण्याला, मणका आणि मानेला सूज येते. सर्व्हायकल स्पाईनमध्ये समस्या उद्भवू लागल्यानंतर अनेक लोक त्याकडे दुर्लक्ष करतात. मात्र दुर्लक्ष न करता डॉक्टरांच्या सल्ल्याने उपचार करावे. बैठी जीवनशैली, चुकीच्या पद्धतीने बसणे, चुकीच्या पद्धतीने झोपणे इत्यादी अनेक गोष्टींमुळे सर्व्हायकल स्पाईनमध्ये वेदना होण्याची शक्यता असते.

सर्व्हायकल स्पॉन्डिलायसिसची लक्षणे:

• मान दुखणे
• पाठीचा कणा दुखणे
• पाठ आणि मणक्याला सूज येणे
• सतत डोकं दुखणे
• गिळण्यास किंवा श्वास घेण्यास त्रास होणे
• मानेमध्ये कडकपणा जाणवणे
• पाठ आणि मानेच्या मर्यादित हालचाली

सर्व्हायकल स्पॉन्डिलायसिसची कारणे:

वारंवार होणाऱ्या डोकेदुखीमुळे त्रस्त आहात? आरोग्यासंबंधित उद्भवू शकतात ‘हे’ गंभीर आजार, वेळीच घ्या डॉक्टरांचा सल्ला

सर्व्हायकल स्पॉन्डिलायसिसपासून आराम मिळवण्यासाठी घरगुती उपाय:

सर्व्हायकल स्पॉन्डिलायसिसची समस्या उद्भवल्यानंतर डॉक्टरांच्या सल्ल्याने योग्य ते औषध उपचार करावे. इलेक्ट्रोमायोग्राफी, एक्स-रे, एमआरआय इत्यादी तपासण्यांमधून सर्व्हायकल स्पॉन्डिलायसिसचे निदान केले जाते. ही समस्या उद्भवल्यानंतर नियमित व्यायाम, मुद्रा, योगासने आणि शारीरिक हालचाली करणे आवश्यक आहे. व्यायाम केल्यामुळे पाठ आणि मानेवरील तणाव कमी होईल. याशिवाय शरीराच्या वाढलेल्या वजनामुळे देखील सर्व्हायकल स्पॉन्डिलायसिसची समस्या उद्भवू शकते. त्यामुळे वाढलेले वजन नियंत्रणात ठेवावे. मान किंवा पाठीमध्ये जास्त वेदना होण्यास सुरुवात झाल्यानंतर गरम किंवा थंड पाण्याचा शेक घ्यावा. यामुळे वेदना आणि जळजळ कमी होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या