Haircare Tips : घामामुळे केस चिकट होतात? जाणून घ्या स्कॅल्प हेल्दी ठेवण्याचे सोपे उपाय

Summer Care Tips : उन्हाळ्यात सतत येणाऱ्या घामामुळे आपल्या केसांचे आरोग्य खराब होऊ लागते. यामुळे केस तेलकट, चिकट होऊ लागतात शिवाय मुळांपर्यंत घाम पसरल्याने याचा आपल्या टाळूवरही परिणाम होऊ लागतो. चला उन्हाळ्यात केसांची काळजी कशी घ्यायची ते जाणून घेऊया.

• उष्णतेमुळे केसांमध्ये वाढणारा तेलकटपणा आणि अस्वस्थता कमी करण्यासाठी काही सवयी बदलणं गरजेचं आहे.
• टाळू सतत ओलसर राहिल्यास अनेक त्रास सुरू होऊ शकतात; त्यामुळे स्वच्छता आणि योग्य काळजी महत्त्वाची ठरते.
• उन्हाळ्यात हलके हेअर प्रॉडक्ट्स, योग्य हायड्रेशन आणि नैसर्गिक उपाय केस निरोगी ठेवण्यास मदत करतात.

उन्हाळ्यात उष्णता भरपूर वाढते ज्यामुळे घामाचा त्रास जाणवू लागतो. या घामामुळे फक्त त्वचेचे नाही तर केसांचेही नुकसान होत असते. सततच्या या घामामुळे केसांमध्ये ओलावा निर्माण होतो ज्यामुळे आपली केस चिकट होऊ लागतात. केसांमध्ये तेलकटपणा जाणवू लागतो. यामुळे दिवसातून दोनदा आंघोळ करावीशी वाटते. इतकंच नाही तर या घामाचा आपल्या टाळूवरही परिणाम होत असतो. केसांच्या मुळांमध्ये घाम साचल्याने अनेक समस्या निर्माण होतात ज्यामुळे याकाळात केसांची विशेष काळजी घेतली पाहिजे. योग्य प्रकारे आपल्या स्कॅल्पची काळजी राखल्यास तुम्ही केसांना निरोगी ठेवू शकता आणि डॅमेजपासून त्यांचे संरक्षण करु शकता.

India’s Mini Israiel: कमी बजेटमध्ये विदेश यात्रा करायचीये? मग भारतातील या ठिकाणाला भेट द्या

टाळूवर खाज आणि कोंडा का होतो ?

घामामुळे स्कॅल्प तसाच ओलसर राहतो. आणि वेळेवर डोकं स्वच्छ नाही केलं, तर हा ओलसरपणा बुरशीला कारणीभूत ठरते. त्यामुळे कोंडा, कोरड्या त्वचेसारखे खवले निघणं आणि सतत खाज येण्याची समस्या निर्माण होते.

तेलकटपणा आणि दुर्गंधीची समस्या

जास्त घाम आला आणि तो टाळूतील नैसर्गिक तेलात मिसळला की केस लगेचच चिकट आणि तेलकट दिसायला लागतात. टाळूही जड वाटू लागते आणि कधी कधी वासही येतो. त्यामुळे केस फ्रेश आणि स्वच्छ दिसत नाहीत.

केस गळण्याची शक्यता

टाळूवर सतत घाम आणि घाण राहिली तर केसांच्या मुळांना त्रास होतो. त्यामुळे केस कमकुवत होतात आणि जास्त गळू लागतात. म्हणून टाळू स्वच्छ ठेवणं खूप गरजेचं आहे.

हायड्रेशन आणि आहार महत्त्वाचा

पुरेसं पाणी प्या आणि संतुलित आहार घ्या. यामुळे केस आणि टाळू आतून निरोगी राहतात. जास्त प्रॉडक्ट्स टाळा: जेल, स्प्रे किंवा जड स्टायलिंग प्रॉडक्ट्स वापरल्यास घाम आणि धूळ केसांमध्ये अडकते. त्यामुळे शक्यतो हलके प्रॉडक्ट्स वापरा.

नियमित स्वच्छता ठेवा

आठवड्यातून २-३ वेळा सौम्य शाम्पूने केस धुवा. घाम आल्यानंतर केस कोरडे ठेवण्याचा प्रयत्न करा. हवेची देवाणघेवाण होईल अशी हेअरस्टाईल ठेवा. घट्ट हेअरस्टाईल्सऐवजी सैल वेणी, पोनीटेल किंवा बन ठेवल्यास टाळूला हवा मिळते.

Skin Care Tips: डोळ्यांखाली वाढलेल्या सुरकुत्या आणि डार्क सर्कल्समुळे त्वचा निस्तेज झाली आहे? मग नियमित प्या ‘हे’ गुणकारी पेय

नैसर्गिक घटकांचा वापर करा

कोरफड, कडुलिंब किंवा टी ट्री ऑइलयुक्त उत्पादनं टाळू स्वच्छ ठेवायला आणि जळजळ कमी करायला मदत करतात.

ओला टाळू ठेवू नका

घाम आल्यानंतर किंवा केस धुतल्यानंतर टाळू जास्त वेळ ओला ठेवू नका.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)