Summer Special : आंब्याचा सीजन अन् तुम्ही मँगो मस्तानी खाल्ली नाही तर काय केलं? 100 वर्षे जुना आहे हा पदार्थ

Mango Mastani Recipe : उन्हाळ्यातील एकमेव आनंद म्हणजे आंबा... यापासून अनेक पदार्थ बनवले जातात आणि यातीलच एक म्हणजे मँगो मस्तानी! हे पुणे शहरातील एक लोकप्रिय पेय आहे.

• मँगो मस्तानी हा पदार्थ खास करुन पुण्यात फार लोकप्रिय.
• आंब्याचे अनेक पदार्थ तुम्ही खाल्ले असतील.
• पण हा पदार्थ अजून चाखला नसेल तर तुम्ही मोठी गोष्ट मिस करत आहात.

उन्हाळ्याचा सीजन आता सुरु झाला असून सीजनल फळांचीही आता बाजारात रेलचेल दिसून येत आहे. उन्हाळ्यात वातावरणात वाढणारी उष्णता आपल्यासाठी त्रासदायक ठरतो. याकाळात आपल्याला मिळणारा एकमेव सुखद आनंद म्हणजे आंबा. हे फळ उन्हाळ्यातच बाजारात येते ज्यामुळे याकाळात मनभरुन आपण याचा आस्वाद घेऊ शकतो. आंब्यापासून शेक, आमरस, ज्यूस असे अनेक पदार्थ बनवले जातात पण आज आम्ही तुम्हाला पुण्याच्या खास मँगो डिशची रेसिपी सांगणार आहोत जिला चाखताच तुम्हाला स्वर्गाहून कमी वाटणार नाही.

बेसनाचा नाही यंदा घरी बनवा तांदळाचा चिला, याची कुरकरीत आणि खमंग चव नाश्त्यासाठी ठरेल एकदम परफेक्ट

आजच्या या डिशचं नाव आहे मँगो मस्तानी. हे पुणे शहरातील एक लोकप्रिय थंडगार पेय आहे. यात आंब्याचा रस, आईस्क्रिम आणि सुक्यामेव्याचा वापर केला जातो. बाजारात तुम्हाला हे पेय फार महाग विकलं जाईल पण आम्ही तुम्हाला सांगतो की फक्त निवडक साहित्यापासून तुम्ही हे प्रसिद्ध ड्रिंक घरीच तयार करु शकता. चला जाणून घेऊया मँगो मस्तानीची रेसिपी.

साहित्य

• १ मोठ्या आकाराचा आंबा
• व्हॅनिला आईस्क्रिम किंवा मँगो आईस्क्रिम २ स्कूप
• टुटी फ्रुटी १ ते दिड टेबलस्पून
• ड्रायफ्रुट्स

लोणच्यापेक्षा लागेल भारी चव! गरमागरम भाकरीसोबत खाण्यासाठी झटपट बनवा आंबट तिखट कैरीचा ठेचा, नोट करा रेसिपी

कृती

• मँगो मस्तानी बनवण्यासाठी सर्वप्रथम आंबा धुवून घ्या.
• आता अर्ध्या आंब्याचा रस तयार करा. यासाठी आंब्याचा गर काढून त्यात बर्फ आणि दूध घालून मिक्सरला फिरवा.
• उरलेल्या अर्ध्या आंब्याचे तुम्हाला बारीक तुकडे करायचे आहेत.
• आता एक ग्लास घ्या आणि त्यात सर्वात खाली आंब्याच्या रसाचा थर लावा.
• मग यावर थोडं व्हॅनिला किंवा मँगो आईस्क्रिम घाला.
• पुन्हा एकदा यावर आंब्याच्या रसाचा थर लावा.
• यावर शेवटी तुम्ही थोडी बाजारात मिळणारी टुटी फ्रुटी देखील घालू शकता.
• मग यावर तुमच्या आवडीच्या ड्रायफ्रुट्सचे तुकडे घाला. यात तुम्ही काजू, बदाम, पिस्ता यांचा वापर करु शकता.
  शेवटी पुन्हा
• तुमची चविष्ट आणि गारेगार मँगो मस्तीनी तयार आहे.
• घरी आलेल्या पाहुण्यांना तुम्ही ही डिश सर्व्ह करु शकता.