Summer Special : कडक उष्ण वातावरणात शरीराला मिळवून द्या थंडावा, घरी बनवा मलाईदार ‘लस्सी’

Lassi Recipe : दहीपासून तयार केली जाणारी मलाईदार लस्सी उन्हाळ्याच्या दिवसांत आवर्जून पिली जाते. ही थंडगार आणि रिफ्रिशिंग लस्सी तुम्ही घरच्या घरी देखील तयार करु शकता. चला याची रेसिपी जाणून घेऊया.

• उन्हाळ्याच्या दिवसांत वातावरणात एक वेगळीच उष्णता जाणवते.
• या वातावरणात थंडगार पेयांचे सेवन मनाला शांती मिळवून देते.
• अशात याकाळात तुम्ही घरीच थंडगार आणि घट्टसर अशी लस्सी घरीच बनवू शकता.

उन्हाळ्याच्या कडक उष्णतेत शरीराला थंडावा देणारे आणि ताजेतवाने ठेवणारे पेय म्हणजे लस्सी. दहीपासून बनणारी ही पारंपरिक पेयपद्धती भारतात खूप लोकप्रिय आहे. एक ग्लास लस्सी प्यायल्यावर पोट भरल्यासारखे वाटते आणि शरीराला लगेच ऊर्जा मिळते. बाजारात मिळणाऱ्या गोड पेयांपेक्षा घरच्या घरी बनवलेली लस्सी अधिक आरोग्यदायी आणि पौष्टिक असते.

पोषकतत्वांनी भरलेला हा लाडू, विना साखर घरी बनवा स्वादिष्ट असे ‘Dryfruits Ladoo’; चव जी लहानांपासून मोठ्यांना करेल खुश

विशेष म्हणजे, जास्त साखर टाळूनही आपण नैसर्गिक गोडी असलेली चविष्ट लस्सी तयार करू शकतो. खजूराचा वापर केल्याने लस्सीला नैसर्गिक गोडवा मिळतो आणि ती अधिक पौष्टिक बनते. काही मिनिटांत तयार होणारी ही मलाईदार लस्सी उन्हाळ्यात शरीराला थंडावा देण्यासोबतच पचनासाठीही फायदेशीर ठरते. चला याची रेसिपी नोट करून घेऊयात.

साहित्य:

• अर्धा लिटर ताजे आणि घट्ट दही
• बर्फाचे काही तुकडे
• १० ते १२ खजूर
• १ छोटा चमचा वेलची पावडर
• केशराचे काही धागे
• बारीक चिरलेले पिस्ता आणि बदाम
• थोडीशी मलाई (ऑप्शनल)

जेवणात तोंडी लावण्यासाठी बनवा मसालेदार शेवग्याच्या शेंगांचे लोणचं, चवीसोबत शरीराला मिळेल भरपूर पोषण

कृती:

• सर्वप्रथम घट्ट आणि ताजे दही घ्या. लस्सी चविष्ट आणि क्रीमी बनण्यासाठी दही ताजे असणे खूप महत्त्वाचे आहे.
• खजूर १० मिनिटे कोमट पाण्यात भिजवून मऊ करून घ्या. त्यानंतर ब्लेंडरमध्ये दही, भिजवलेले खजूर, बर्फाचे तुकडे आणि वेलची पावडर घाला.
• सर्व मिश्रण चांगले ब्लेंड करा. लस्सी एकसारखी, गुळगुळीत आणि घट्ट होईपर्यंत फिरवा.
• यामध्ये पाणी घालण्याची गरज नाही. घट्ट लस्सीच अधिक चविष्ट लागते.
• तयार लस्सी ग्लासमध्ये ओता. शक्य असल्यास मातीच्या ग्लासमध्ये सर्व्ह केल्यास चव अधिक छान लागते.
• वरून थोडी मलाई, केशराचे धागे आणि बारीक चिरलेले पिस्ता-बदाम घालून सजवा.
• तुमची नैसर्गिक गोडीची, थंडगार आणि मलाईदार लस्सी काही मिनिटांत तयार आहे. लगेच सर्व्ह करा आणि उन्हाळ्याचा आनंद घ्या.