होळीच्या रंगांमुळे केस खराब होऊन जातात? केसांची काळजी घेण्यासाठी ‘या’ टिप्स करा फॉलो, केस राहतील निरोगी

होळी खेळताना केसांची योग्य पद्धतीने काळजी घेणे आवश्यक आहे. अन्यथा केस खराब होण्याची शक्यता असते. त्यामुळे आज आम्ही तुम्हाला होळी खेळताना केसांची काळजी घेण्यासाठी काही सोप्या टिप्स सांगणार आहोत.

होळी आणि रंगपंचमी सणाला अवघे काही तास शिल्लक राहिले आहेत. संपूर्ण देशभरात होळी वेगवेगळ्या पद्धतीने साजरा केली जाते. रंगपंचमीच्या दिवशी सगळीकडे एकमेकांना रंग लावला जातो. याशिवाय पाण्याच्या पिचकाऱ्या, बंदुकी, हर्बल रंग इत्यादी अनेक गोष्टी आणल्या जातात. पण होळी खेळताना एकमेकांना रंग लावताना कोण कोणाला कोणता रंग लावेल हे सांगता येत नाही. त्यामुळे होळी खेळताना स्वतःच्या आरोग्याची त्वचा आणि केसांची जास्त काळजी घेणे आवश्यक आहे. अनेकदा होळीच्या केमिकलयुक्त रंगांमुळे केस आणि त्वचेला हानी पोहचण्याची शक्यता असते. केमिकलयुक्त रंगांमुळे त्वचा आणि केसांचे नुकसान होण्याची शक्यता असते.(फोटो सौजन्य – iStock)

Holi 2025: केवळ भारतातच नाही या देशांमध्येही जल्लोषात साजरी केली जाते ‘होळी’

केमिकलयुक्त रंगाचा वापर होळी खेळताना केमिकलयुक्त रंगाचा वापर करण्याऐवजी हर्बल आणि नैसर्गिक पद्धतीने बनवण्यात आलेल्या रंगाचा वापर करावा. यामुळे केस आणि त्वचेचे नुकसान होत नाही. त्यामुळे आज आम्ही तुम्हाला होळी खेळताना केसांची कशी काळजी घ्यावी? याबद्दल सविस्तर माहिती सांगणार आहोत. या टिप्स फॉलो केल्यामुळे केसांचे कोणतेही नुकसान होणार नाही.

रंगपंचमी खेळताना या पद्धतीने घ्या केसांची काळजी:

• होळी खेळ्याआधी केस आणि त्वचेच्या आरोग्याची जास्त काळजी घ्यावी. अन्यथा केसांचे नुकसान होऊन केस कोरडे आणि निस्तेज होऊन जातील. होळी खेळायला जाण्याआधी केसांना भरपूर तेल लावावे. केसांना तेल लावल्यामुळे केसांचे नुकसान होणार नाही. याशिवाय केसांच्या मुळांपासून ते अगदी शेवटच्या टोकापर्यंत सगळीकडे केसांना व्यवस्थित तेल लावावे. यामुळे केसांच्या मुळांमध्ये थेट रंग जाणार नाही.
• होळी खेळायला जाताना केस मोकळे सोडून जाऊ नये. यामुळे केसांचे नुकसान होऊ शकते. केमिकलयुक्त रंगाचा वापर केल्यामुळे केसांची गुणवत्ता खराब होऊन जाते. त्यामुळे होळी खेळायला जाताना वेणी किंवा घट्ट अंबाडा बांधून जावे.
• होळी खेळायला जाताना रंग लावून उन्हात जाणे टाळावे. ऊन आणि केमिकलयुक्त रंगांमुळे केसांचे जास्त नुकसान होते.
• होळी खेळायला जाताना डोक्यात कोणी रंग टाकला तर डोक्यात लगेच पाणी टाकावे. यामुळे केसांमधील रंग लगेच निघून जाईल आणि केस काही प्रमाणात स्वच्छ होतील. याचा केस आणि डोक्यावर कोणताच परिणाम दिसून येणार नाही.
• रंग खेळून आल्यानंतर केसांमधील रंग स्वच्छ करण्यासाठी शँम्पूचा जास्त वापर करू नये. शँम्पूच्या अतिवापरामुळे केसांचे नुकसान होण्याची शक्यता असते. केस तुटणे किंवा केसांमध्ये कोंडा होऊ शकतो.

Holi 2025: होलिका दहनदरम्यान बहुतेक लोक करतात या चुका

• केस धुवून झाल्यानंतर केसांना कंडिशनर लावावे. कंडिशनर लावल्यामुळे केस स्मूथ आणि मुलायम होतात. केसांमध्ये जास्त प्रमाणात रंग टाकल्यामुळे केस कोरडे होऊ शकतात. त्यामुळे केसांना कोरफड जेल लावावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.