समोरुन टक्कल पडून हेअरलाईन मागे गेली आहे? केस विरळ होण्याची 'ही' आहेत कारण, दुर्लक्ष केल्यास केसांचे होईल नुकसान
Hair Care Tips: सर्वच महिलांना आपले केस कायमच सुंदर आणि मजबूत हवे असतात. केसांच्या घनदाट वाढीसाठी सतत काहींना काही केले जाते. कधी बाजारात उपलब्ध असलेले महागडे शाम्पू वापरले जातात, तर कधी केस स्मूथ होण्यासाठी कंडिशनरचा वापर केला जातो. पण बऱ्याचदा कपाळाच्या दोन्ही बाजूंनी केस कमी होऊन भांग रुंद दिसू लागतो किंवा पुढच्या बाजूने केसांची घनता कमी होऊन जाते. केसांची हेअरलाईन कमी झाल्यानंतर सुरुवातीच्या दिवसांमध्ये फारसा बदल दिसून येत नाही, पण कालांतराने केस खूप जास्त विरळ दिसतात आणि कपाळावर टक्कल पडल्यासारखे वाटते. केसांची हेअरलाईन कमी झाल्यानंतर कपाळ मोठे दिसू लागते. त्यामुळे केसांसंबधित दिसून येणाऱ्या लक्षणांकडे अजिबात दुर्लक्ष न करता वेळीच योग्य ते उपचार करणे आवश्यक आहे.
कपाळाच्या वरच्या बाजूला आणि दोन्ही कानांच्या दिशेने असलेल्या केसांच्यापुढील भागाला हेअरलाईन असे म्हणतात. केस हळूहळू कमी होऊन केसांची रेषा मागे सरकू लागते. काहींच्या कपाळावरील केस कमी होतात तर काहींचा भांग कमी होऊन अरुंद दिसू लागतो. ही समस्या केवळ महिलांमध्येच नाहीतर पुरुषांमध्ये सुद्धा दिसू लागते. प्रत्येकाची हेअरलाईन वेगवेगळी असते. त्यामुळे केस खूप जास्त विरळ झाल्यानंतर मेडिकलमधील कोणत्याही प्रॉडक्टचा वापर करण्याऐवजी डॉक्टरांच्या सल्ल्याने योग्य ते उपचार करावेत.
हेअरलाईन मागे जाण्यास आनुवंशिकता सुद्धा कारणीभूत असते. कुटुंबातील इतर व्यक्तींमध्ये केस विरळ आणि हेअरलाईन मागे असल्यास घरातील मुलांपासून ते अगदी मोठ्यांपर्यंत सगळ्यांच्या हेअरलाईनमध्ये बदल होतात. शरीरात होणारे हार्मोनल बदल आणि केसांच्या मुळांची विशिष्ट हार्मोन्सप्रती असलेली संवेदनशीलता इत्यादी अनेक गोष्टींचा परिणाम केसांच्या वाढीवर दिसून येतो. याशिवाय शरीरात निर्माण झालेली लोहाची कमतरता, थायरॉईडचे विकार, पुरेशा प्रमाणात प्रथिने न मिळणे, कमी वेळात वजन कमी होणे इत्यादी कारणांमुळे सुद्धा केस गळण्याची शक्यता असते. ताप, मोठा आजार, शस्त्रक्रिया, मानसिक ताण आणि अपुरी झोप इत्यादी गोष्टींच्या परिणामामुळे केसांच्या समस्या वाढू लागतात.
शरीरात होणारे बदल, केस खूप जास्त घट्ट बांधणे, वेणी किंवा अंबाडा बांधणे, केस वारंवार ओढले जाणे, केमिकल ट्रीटमेंट इत्यादी अनेक गोष्टींच्या परिणामामुळे केसांच्या समस्या वाढू लागतात. खूप मोठ्या प्रमाणावर केस गळत असतील तर डॉक्टरांचा सल्ला घेणे फार आवश्यक आहे. केसांची काळजी घेताना केसांच्या मुळांवर तणाव येणार नाही याची काळजी घ्यावी. केस अतिशय सैल बांधावेत. केस सरळ करण्यासाठी किंवा कुरळे करण्यासाठी कमीत कमी उष्णता असलेल्या यंत्राचा वापर करावा.
Ans: आनुवंशिकता, हार्मोन्समधील बदल, पुरुषांमध्ये आढळणारे पॅटर्न बाल्डनेस, काही पोषक घटकांची कमतरता, ताणतणाव आणि काही वैद्यकीय समस्या यांमुळे केस विरळ होऊ शकतात.
Ans: कपाळाच्या दोन्ही बाजूंनी केस कमी होणे, हेअरलाईन हळूहळू मागे जाणे, केसांचा घनपणा कमी होणे आणि टाळू अधिक दिसू लागणे ही संभाव्य लक्षणे आहेत.
Ans: होय. आनुवंशिकतेमुळे होणारे केसगळतीचे प्रमाण पुरुष आणि महिलांमध्ये वेगवेगळे असू शकते. पुरुषांमध्ये याचा परिणाम अनेकदा कपाळाजवळील हेअरलाईनवर दिसतो.
.png "Videos"){kind=small}
