पालक खायला आवडत नाही, मग यापासून बनवा कुरकुरीत आणि चटपटीत चाट; चव चाखाल तर पदार्थाचे फॅन व्हाल

Palak Chaat Recipe : पिठात कुरकुरीत तळलेल्या पालकाच्या पानांवर दही आणि चटण्यांचे ते आवरण पदार्थाची चव आणखीन सुंदर बनवते. संध्याकाळच्या नाश्त्यासाठी तुम्ही ही पालक पत्ता चाट बनवून खाऊ शकता.

(फोटो सौजन्य – Pinterest)

Follow Us:

Follow Us:

• हिवाळ्यात पालेभाज्या स्वस्त होतात, यांचे सेवन आरोग्यासाठीही फायद्याचे ठरते
• पालकाची भाजी आवडत नसल्यास यापासून चटपटीत चाट तायर करता येऊ शकते
• चटणी, दही, कुरकुरीत पालक, मसाले आणि वरुन ते शेवेचे आवरण पदार्थाची चव द्विगुणत करते

Christmas 2025 : सणाचा गोडवा वाढवा, ओरिओ बिस्किटांपासून घरी बनवा ‘ख्रिसमस केक’

पालक ही भाजी आरोग्यासाठी अतिशय फायदेशीर मानली जाते. त्यामध्ये लोह, कॅल्शियम, फायबर आणि अनेक जीवनसत्त्वे असतात. अनेकांना पालकाची भाजी किंवा भाजीचे पदार्थ आवडत नाहीत, पण पालक चाटच्या रूपात ती अगदी चवीने खाल्ली जाते. कुरकुरीत तळलेले पालक, गोड चिंचेची चटणी, हिरवी तिखट चटणी, दही आणि विविध मसाल्यांचा मेळ यामुळे या चाटला खास चव येते. पाहुण्यांसाठी स्टार्टर म्हणून किंवा कुटुंबासाठी संध्याकाळच्या स्नॅक्सला ही रेसिपी नक्कीच सर्वांना आवडेल.

 साहित्य

• पालकाची मोठी पाने – 15 ते 20
• बेसन – अर्धा कप
• तांदळाचे पीठ – 2 टेबलस्पून
• मीठ – चवीनुसार
• लाल तिखट – अर्धा टीस्पून
• हळद – चिमूटभर
• ओवा – चिमूटभर
• पाणी – आवश्यकतेनुसार
• तेल – तळण्यासाठी

• दही – अर्धा कप (फेटलेले)
• चिंचेची गोड चटणी – 3 ते 4 टेबलस्पून
• हिरवी चटणी – 2 टेबलस्पून
• चाट मसाला – चवीनुसार
• भाजलेले जिरे पूड – अर्धा टीस्पून
• शेव किंवा बारीक फरसाण – सजावटीसाठी

कृती

• यासाठी सर्वप्रथम पालकाची पाने स्वच्छ धुऊन पूर्ण कोरडी करून घ्या. देठ काढून बाजूला ठेवा.
• एका भांड्यात बेसन, तांदळाचे पीठ, मीठ, लाल तिखट, हळद आणि ओवा मिसळा. थोडं थोडं पाणी घालून जाडसर पीठ तयार करा.
• प्रत्येक पालकाचं पान या पिठात नीट बुडवून घ्या.
• कढईत तेल गरम करून मध्यम आचेवर पालकाची पाने कुरकुरीत होईपर्यंत तळून घ्या. कागदावर काढून अतिरिक्त तेल काढा.
• सर्व्हिंग प्लेटमध्ये तळलेली पालकाची पाने ठेवा. त्यावर फेटलेलं दही ओता.
• आता त्यावर चिंचेची गोड चटणी आणि हिरवी चटणी घाला.
• चाट मसाला, भाजलेली जिरे पूड टाका.
• शेव किंवा फरसाण घालून लगेच सर्व्ह करा.
• पालक पूर्ण कोरडी असतील तरच पीठ नीट चिकटते आणि चाट अधिक कुरकुरीत होते.
• जास्त वेळ ठेवून दिल्यास पालक नरम पडतात, म्हणून चाट तयार झाल्यावर लगेच खावी.
• दही फार आंबट नसावे, नाहीतर चाटची चव बदलते.
• ही कुरकुरीत आणि चटपटीत पालक चाट एकदा घरी करून पाहा, नक्कीच सर्वांच्या पसंतीस उतरेल.

Web Title: Tasty evening snack know how to make palak chaat at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com