टेस्टी आहे पण हेल्दी आहे… चाॅकलेट सोडा, काही मिनिटांतच घरी बनवा ‘डेट्स बार’

Dates Bar Recipe : घरच्या घरी तयार केलेले हे हेल्दी डेट्स बार केवळ चविष्टच नाहीत तर शरीराला आवश्यक ऊर्जा आणि पोषण देणारे आहेत. तुम्ही एकदाच घरी बनवून अनेक महिनोंमहिने यांची मजा लुटू शकता.

• डेट्ल बार विकत देखील मिळतात.
• पण जी गोष्ट सहजतेने घरी बनू शकते ती खेरदी कशाला करायची?
• तुम्ही घरीच डेट्स बार बनवून रोज याची चव घेऊ शकता.

आजच्या धावपळीच्या जीवनशैलीत शरीराला पटकन ऊर्जा देणारा आणि त्याचवेळी पौष्टिक असलेला आहार निवडणे खूप महत्त्वाचे झाले आहे. बाजारात सहज मिळणारे एनर्जी बार्स आकर्षक दिसतात, पण त्यात साखर, प्रिझर्वेटिव्ह्ज आणि कृत्रिम घटकांचे प्रमाण जास्त असू शकते. अशा वेळी घरच्या घरी तयार केलेले डेट्स बार हा एक उत्कृष्ट आणि नैसर्गिक पर्याय ठरतो.

रेस्टाॅरंट कशाला… घरीच बनवा तोंडाला पाणी आणणारं ‘हरियाली चिकन टिक्का’, पार्टी स्नॅक्ससाठीचा परफेक्ट पर्याय

खजूर म्हणजेच डेट्स हे नैसर्गिक गोडवा देणारे, फायबर, आयर्न आणि विविध खनिजांनी समृद्ध असे फळ आहे. त्यामुळे या बारमध्ये वेगळी साखर घालण्याची गरजच भासत नाही. ड्रायफ्रूट्स आणि बिया यांसोबत खजूर एकत्र केल्यास शरीराला आवश्यक असलेले पोषण सहज मिळते. हे बार लहान मुलांपासून मोठ्यांपर्यंत सगळ्यांसाठी योग्य आहेत. सकाळच्या घाईत नाश्त्यासाठी, वर्कआउटनंतर एनर्जी मिळवण्यासाठी किंवा मधल्या वेळेत हेल्दी स्नॅक म्हणून हे डेट्स बार उत्तम पर्याय ठरतात. शिवाय, हे बार दीर्घकाळ टिकतात आणि बनवायलाही अतिशय सोपे आहेत. चला रेसिपी जाणून घेऊया.

साहित्य :

• 1 कप खजूर (बारीक चिरलेले)
• ½ कप बदाम (चिरलेले)
• ½ कप काजू (चिरलेले)
• ¼ कप अक्रोड
• 2 टेबलस्पून तीळ
• 2 टेबलस्पून भोपळ्याच्या बिया किंवा सूर्यफूल बिया
• 1 टेबलस्पून तूप
• ½ टीस्पून वेलची पावडर (ऑप्शनल)

Recipe : मऊ, स्वादिष्ट… सर्वांच्या आवडीची रेस्टॉरंट स्टाईल ‘पनीर नान’ बनवा घरच्या घरी, आजच नोट करा रेसिपी

कृती :

• सर्वप्रथम कढईत तीळ, बदाम, काजू आणि अक्रोड हलक्या आचेवर कोरडे भाजून घ्या. बाजूला काढून ठेवा.
• त्याच कढईत तूप गरम करून त्यात चिरलेले खजूर घाला. खजूर मऊ होईपर्यंत सतत हलवत परतून घ्या.
• खजूर नरम झाल्यावर त्यात भाजलेले ड्रायफ्रूट्स आणि बिया घालून चांगले मिक्स करा.
• आता वेलची पावडर घालून मिश्रण नीट एकजीव करा.
• गॅस बंद करून हे मिश्रण तुप लावलेल्या ट्रे किंवा प्लेटमध्ये काढा.
• वरून हलक्या हाताने दाबून समतल करा.
• थंड झाल्यावर हवे त्या आकारात बार किंवा चौकोनी तुकडे कापा.
• हे डेट्स बार हवाबंद डब्यात ठेवले तर 7-10 दिवस टिकतात.
• अधिक चव वाढवण्यासाठी तुम्ही थोडेसे कोको पावडर किंवा ड्राय फ्रूट पावडरही घालू शकता.
• पूर्णपणे साखरमुक्त असल्यामुळे हे बार हेल्दी स्नॅक म्हणून उत्तम आहेत.