‘या’ व्यक्तींनी चुकूनही करू नका कलिंगडचे सेवन! पोटातील आतड्यांमध्ये तयार होईल विष, वाढेल इन्फेक्शनचा धोका

शरीरात वाढलेली उष्णता कमी करण्यासाठी उन्हाळ्याच्या दिवसांमध्ये कलिंगड खाण्याचा सल्ला दिला जातो. मात्र काही लोकांच्या आरोग्यासाठी कलिंगड अतिशय घातक ठरते. कलिंगड खाल्यानंतर पचनसंबंधित समस्या उद्भवू शकतात. त्यामुळे आज आम्ही तुम्हाला कलिंगड खाल्यामुळे शरीराला नेमके काय फायदे होतात? कोणत्या लोकांनी आहारात कलिंगड खाऊ नये? याबद्दल सविस्तर माहिती सांगणार आहोत. चला तर जाणून घेऊया सविस्तर माहिती.

शरीरासाठी प्रभावी:

उन्हाळ्यात शरीरातून सतत घाम निघून गेल्यामुळे शरीरात पाण्याची कमतरता निर्माण होते. ज्यामुळे सतत थकवा आणि अशक्तपणा जाणवू लागतो. शरीरात निर्माण झालेला थकवा आणि अशक्तपणा कमी करण्यासाठी कलिंगडचे सेवन करावे. कलिंगड खाल्यामुळे शरीरात पाण्याची पातळी वाढते. याशिवाय यामध्ये विटामिन सी, बी 6 आणि अ‍ॅमिनो अ‍ॅसिड इत्यादी घटक आढळून येतात, ज्यामुळे शरीराची ऊर्जा वाढण्यास मदत होते.

हृदयाचे आरोग्य सुधारते:

हृदयाचे आरोग्य निरोगी ठेवण्यासाठी आहारात कलिंगडाचे सेवन करावे. कलिंगड खाल्यामुळे शरीराचे कार्य सुधारते. याशिवाय यामध्ये असलेले पोटॅशियम आणि अ‍ॅमिनो अ‍ॅसिड्स हृदयाचे कार्य सुधारण्यास मदत करते. शरीरात वाढलेला रक्तदाब कमी करण्यासाठी कलिंगड किंवा कलिंगडच्या रसाचे सेवन करावे. हायपरटेन्शनच्या समस्येपासून बचाव करण्यासाठी कलिंगड खावे.

ओठांवर वारंवार फोड येतात? ओठांचा कॅन्सर झाल्यानंतर शरीरात दिसून येतात ‘ही’ गंभीर लक्षणे, वेळीच घ्या उपचार

कोणत्या व्यक्तींनी कलिंगडचे सेवन करू नये:

अनेकांना जेवल्यानंतर फळे खाण्याची सवय असते. पण जेवणानंतर चुकूनही कलिंगडचे सेवन करू नये. कलिंगड कधीही जेवण्याच्या आधी खावा. अन्नपदार्थांचे सेवन केल्यानंतर कलिंगड खाल्यास शरीराची पचनक्रिया बिघडते आणि शरीरात आम्ल्पित तयार होते. त्यामुळे कोणत्याही वेळी कलिंगड खाऊ नये. हवामानातील बदल, सर्दी, खोकला आणि इतर समस्यांपासून त्रस्त असलेल्या लोकांनी कलिंगड खाऊ नये. यामुळे सर्दी खोकला आणखीनच वाढू शकतो. उन्हाळ्याच्या दिवसांमध्ये कलिंगड योग्य वेळी खावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या