उच्च रक्तदाबामुळे महिलांमध्ये वाढतोय heart attack चा धोका! हृद्यासंबंधित आजारापासून सुटका मिळवण्यासाठी ‘हे’ उपाय ठरतील प्रभावी

शरीरात वाढलेला उच्च रक्तदाब आरोग्यासाठी अतिशय घातक आहे. यामुळे हृदयाला हानी पोहचण्याची जास्त शक्यता असते. उच्च रक्तदाब वाढल्यानंतर हार्ट अटॅक किंवा हृद्यासंबंधित आजार होऊ शकतात.

• महिलांमध्ये का वाढत आहे उच्च रक्तदाबाची समस्या?
• उच्च रक्तदाब वाढल्यानंतर शरीरात दिसून येणारी लक्षणे?
• उच्च रक्तदाब नियंत्रणात ठेवण्यासाठी हे उपाय ठरतील प्रभावी.

धावपळीच्या जीवनशैलीचा परिणाम महिलांसह पुरुषांच्या आरोग्यावर लगेच दिसून येतो. हल्ली महिलांना सुद्धा वेगवेगळ्या आजारांची लागण होत आहे. कामाचा वाढलेला तणाव, आहारात होणारे बदल, मासिक पाळीच्या चक्रातील बदल इत्यादी अनेक गोष्टींचा परिणाम आरोग्यावर लगेच दिसून येतो. याशिवाय महिला स्वतःच्या आरोग्याकडे जास्त लक्ष देत नाहीत. त्यामुळे महिलांमध्ये हृद्यासंबंधित आजारांचे प्रमाण वाढले आहे. हा आजार कोणत्याही वयातील महिलांना होऊ शकतो. त्यामुळे आरोग्याची योग्य काळजी घेणे गरजेचे आहे. हृद्यासंबंधित आजाराची लागण झाल्यानंतर लवकर लक्षणे दिसून येत नाहीत. त्यामुळे शरीरात दिसणाऱ्या लक्षणांकडे अजिबात दुर्लक्ष करू नये.(फोटो सौजन्य – istock)

सकाळी उठल्यानंतर शरीरात थकवा जाणवतो? मग उपाशी पोटी करा ‘या’ पेयाचे सेवन, कायमच राहाल फ्रेश आणि हेल्दी

शरीरात वाढलेल्या उच्च रक्तदाबामुळे हृदयाला हानी पोहचते. उच्च रक्तदाब वाढल्यानंतर हृदयाच्या किंवा मेंदूच्या रक्तवाहिन्या फुटण्याची शक्यता असते. त्यामुळे शरीरात उच्च रक्तदाबाची लक्षणे दिसू लागल्यास तातडीने डॉक्टरांचा सल्ला घेऊन उपचार करावे. याशिवाय उच्च रक्तदाब नियंत्रणात ठेवणे अतिशय महत्वाचे आहे. आज आम्ही तुम्हाला उच्च रक्तदाबामुळे कोणत्या आजारांची शरीराला लागण होते? यावर कोणते उपाय प्रभावी ठरतील, याबद्दल सविस्तर माहिती सांगणार आहोत.

उच्च रक्तदाबामुळे होणारे आजार:

• हार्ट अ‍ॅटॅक किंवा स्ट्रोक
• हार्ट फेलियर
• किडनी संबंधी समस्या
• डोळ्यांसंबंधी समस्या
• मेटाबॉलिक सिंड्रोम
• डिमेंशिया

उच्च रक्तदाब नियंत्रणात ठेवण्यासाठी काय करावे?

उच्च रक्तदाब नियंत्रणात ठेवण्यासाठी नियमित सकाळी उठल्यानंतर व्यायाम किंवा ध्यान करणे आवश्यक आहे. व्यायाम केल्यामुळे हृदयाचे आरोग्य निरोगी राहते. यामुळे कमीत कमी मेहनतीने तुम्ही हृदयाचे ठोके निरोगी ठेवू शकता. याशिवाय आहारात कडधान्य, फळं, पालेभाज्या आणि कमी फॅट असलेल्या पदार्थांचे सेवन करावे. तसेच आहारात कमीत कमी मिठाचे सेवन करावे. उच्च रक्तदाब नियंत्रणात ठेवण्यासाठी कायमच ७ ते ८ तासांची झोप घेणे आवश्यक आहे.

Superfood For Women : महिलांच्या आरोग्यासाठी वरदान ठरतील ‘हे’ पदार्थ, नियमित सेवन करून कायमच राहा आनंदी

FAQs (संबंधित प्रश्न)

उच्च रक्तदाबाची लक्षणे काय आहेत?

उच्च रक्तदाबाची लक्षणे अनेकदा दिसत नाहीत, त्यामुळे त्याला ‘साइलेंट किलर’ म्हणतात. काही लोकांना डोकेदुखी, चक्कर येणे, धाप लागणे किंवा छातीत दुखणे यासारखी लक्षणे जाणवू शकतात.

उच्च रक्तदाब म्हणजे काय?

उच्च रक्तदाब म्हणजे तुमच्या रक्तवाहिन्यांमध्ये रक्ताचा दाब जास्त असणे. जेव्हा हृदय रक्त पंप करते, तेव्हा ते रक्तवाहिन्यांवर दाब टाकते. हा दाब जास्त असेल, तर उच्च रक्तदाब होतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.