सकाळी उठल्यानंतर शरीरात थकवा जाणवतो? मग उपाशी पोटी करा ‘या’ पेयाचे सेवन, कायमच राहाल फ्रेश आणि हेल्दी

बऱ्याचदा सकाळी उठल्यानंतर सुद्धा अनेकांना फ्रेश वाटतं नाही. कायमच थकल्यासारखे वाटू लागते. शरीरात निर्माण झालेल्या अशक्तपणा आणि थकव्यामुळे कोणतेही काम करण्याचा उत्साह शरीरात राहत नाही.

सकाळी उठल्यानंतर शरीरात थकवा जाणवतो? मग उपाशी पोटी करा 'या' पेयाचे सेवन

Follow Us:

Follow Us:

• सकाळी उठल्यानंतर शरीरात थकवा का जाणवतो?
• शरीरात वाढलेला थकवा, अशक्तपणा कमी करण्यासाठी कोणते पेय प्यावेत?
• शरीर कायम हेल्दी ठेवण्यासाठी गुणकारी उपाय.

दिवसभर काम केल्यानंतर शरीरात सतत थकवा, अशक्तपणा जाणवू लागतो. याशिवाय धावपळीच्या जीवनशैलीमुळे आरोग्याकडे व्यवस्थित लक्ष देण्यास मिळत नाही. सतत कामाचा वाढलेला तणाव, आहारात होणारे बदल, सतत धावपळ इत्यादी अनेक गोष्टींचा परिणाम आरोग्यावर लगेच दिसून येतो. त्यामुळे शरीरात होणाऱ्या बदलांकडे योग्य लक्ष देणे आवश्यक आहे. बऱ्याचदा सकाळी उठल्यानंतर सुद्धा अनेकांना फ्रेश वाटतं नाही. कायमच थकल्यासारखे वाटू लागते. शरीरात निर्माण झालेल्या अशक्तपणा आणि थकव्यामुळे कोणतेही काम करण्याचा उत्साह शरीरात राहत नाही. संपूर्ण शरीर गळून पडल्यासारखे वाटू लागते. तसेच अंथरुणावर पडल्यानंतर अजिबात उठण्याची इच्छा होत नाही. म्हणूनच आज आम्ही तुम्हाला शरीरात वाढलेला थकवा आणि अशक्तपणा कमी करण्यासाठी उपाशी पोटी कोणते पेय प्यावे, याबद्दल सविस्तर माहिती सांगणार आहोत.(फोटो सौजन्य – istock)

पोट आणि मांड्यांचा आकार बदलला आहे? मग उपाशी पोटी करा ‘या’ गुणकारी पानांचे सेवन, काही दिवसांमध्ये झरझर घटेल वजन

शरीरातील थकवा दूर करण्यासाठी उपाय:

दिवसभर काम करून थकल्यानंतर शरीरात सतत थकवा, अशक्तपणा जाणवू लागतो. अशावेळी दिवसाची सुरुवात आनंदी आणि उत्साही करण्यासाठी मेथी दाण्यांचे पाणी प्यावे. मेथी दाण्यांचे पाणी प्यायल्यामुळे शरीरातील थकवा अशक्तपणा कमी होतो. याशिवाय शरीरात साचून राहिलेले विषारी घटक बाहेर पडून जातात. यासाठी एक ग्लास पाण्यात अर्धा चमचा मेथी दाणे टाकून रात्रभर भिजत ठेवा. त्यानंतर सकाळी उठल्यानंतर मेथी दाण्यांचे पाणी गाळून सेवन करावे. हा उपाय महिनाभर नियमित केल्यास शरीरात अनेक बदल दिसून येतील.

मेथी दाण्यांचे पाणी आरोग्यासाठी अतिशय प्रभावी आहे. रक्तात वाढलेले साखरेचे प्रमाण नियंत्रणात ठेवण्यासाठी मेथी दाण्यांचे सेवन केले जाते. याशिवाय पोटाच्या समस्या उद्भवू लागल्यानंतर मेथी दाण्यांचे पाणी प्यायल्यास पोटाच्या सर्व समस्या दूर होतात. पचनक्रिया सुधारते आणि शरीरातील विषारी घाण बाहेर पडून जाते.

छातीमध्ये वारंवार चमक येते? दैनंदिन आयुष्यातील ‘या’ चुकीच्या सवयी शरीरासाठी ठरतील घातक, घरगुती उपाय ठरतील प्रभावी

धण्यांचे पाणी:

आरोग्यासंबंधित अनेक समस्यांपासून आराम मिळवण्यासाठी धण्यांचे पाणी गुणकारी ठरते. यासाठी एक ग्लास पाण्यात रात्रभर अर्धा चमचे धणे भिजत ठेवा. त्यानंतर सकाळी उठून पाण्याला उकळी काढून पाण्याचे सेवन करावे. यामुळे लघवीच्या सर्वच समस्यांपासून सुटका होते. शरीर डिटॉक्स करण्यासाठी धण्यांचे पाणी पिण्याचा सल्ला दिला जातो. यामुळे शरीरात वाढलेली उष्णता कमी होते.

FAQs (संबंधित प्रश्न)

थकवा म्हणजे काय?

थकवा म्हणजे शारीरिक किंवा मानसिक उर्जेची कमतरता, ज्यामुळे दैनंदिन कामे करणे कठीण होते.

थकवा आणि आळस यात काय फरक आहे?

थकवा हा शारीरिक किंवा मानसिक उर्जेची कमतरता आहे, तर आळस हा काम करण्याची इच्छा नसणे किंवा टाळणे आहे.

थकवा येण्याची काही मानसिक कारणे आहेत का?

नैराश्य, चिंता आणि इतर मानसिक आरोग्य समस्यांमुळे थकवा येऊ शकतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Feeling tired in the body after waking up in the morning then consume this drink on an empty stomach

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com