किडनीच्या आजाराची लागण झाल्यानंतर त्वचेवर दिसून येतात ‘ही’ गंभीर लक्षणे, वेळीच सावध होऊन शरीराची घ्या काळजी

शरीरात साचून राहिलेले विषारी घटक बाहेर पडून न गेल्यास किडनीच्या कार्यात अनेक अडथळे निर्माण होतात. त्यामुळे कायमच हेल्दी राहणे आवश्यक आहे. जाणून घ्या किडनी खराब झाल्यानंतर त्वचेवर दिसून येणारी लक्षणे.

किडनीच्या आजाराची लागण झाल्यानंतर शरीरात दिसणारी लक्षणे?
किडनी निरोगी ठेवण्यासाठी सोपे उपाय?
किडनी खराब किंवा निकामी होण्याची कारणे?

शरीरातील सगळ्यात महत्वाचा अवयव म्हणजे किडनी. शरीरात जमा झालेले विषारी घटक बाहेर काढून टाकण्यासाठी किडनीचे कार्य कायमच सक्रिय असणारे आवश्यक आहे. किडनी रक्त शुद्ध करण्यापासून ते अगदी शरीरातील विषारी घटक लघवीवाटे बाहेर काढून टाकण्यासाठी मदत करतात. किडनी स्वच्छ झाल्यामुळे संपूर्ण आरोग्य कायमच निरोगी राहते. पण बऱ्याचदा शरीराला गंभीर आजारांची लागण झाल्यानंतर संपूर्ण शरीराच्या कार्यावर परिणाम दिसून येतात. किडनीच्या आजारांचा थेट परिणाम त्वचा, डोळे, ऍलर्जी इत्यादी अनेक गोष्टींवर होतो. पण बऱ्याचदा शरीरात होणाऱ्या छोट्या मोठ्या बदलांकडे व्यवस्थित लक्ष दिले जात नाही. म्हणूनच आज आम्ही तुम्हाला किडनीच्या आजारांची लागण झाल्यानंतर त्वचेवर कोणती लक्षणे दिसून येतात, याबद्दल सविस्तर माहिती सांगणार आहोत. ही लक्षणे दिसताच वेळीच सावध होऊन डॉक्टरांच्या सल्ल्याने उपचार करावेत, अन्यथा किडनी निकामी होऊ शकते.(फोटो सौजन्य – istock)

सुपारीच्या पानाचा हा देसी जुगाड छातीतील सर्व श्लेष्मा 7 दिवसांत काढेल बाहेर, खोकलाही होईल दूर; स्वतः डॉक्टरांनी दिला सल्ला

किडनीची कार्यक्षमता कमी होणे:

चुकीच्या वेळी जेवणे, पाण्याची कमतरता, धु्म्रपान इत्यादी जीवनशैलीतील बदलांचा परिणाम शरीरावर लगेच दिसून येतो. वय वाढल्यानंतर शरीराच्या कार्यात अनेक अडथळे निर्माण होतात. तसेच शरीराचे कार्य मंदावते. पण कामाच्या धावपळीमध्ये शरीराची व्यवस्थित काळजी घेतली जात नाही. असे केल्यामुळे अनेक छोटे आजार गंभीर स्वरूप घेतात. किडनीला कमी वेळामध्ये खूप जास्त काम करावे लागते, त्यामुळे किडनी निकामी होणे, किडनी कमकुवत होणे इत्यादी समस्या उद्भवतात.

किडनीच्या आजाराची लक्षणे:

• थकवा येणे
• चेहऱ्यावर सूज येणे
• पायांवर सूज येणे
• वारंवार लघवीला होणे
• उच्च रक्तदाब
• मधुमेह
• किडनी खराब झाल्यानंतर सगळ्यात आधी चेहऱ्यावर लक्षणे दिसून येतात. त्यामुळे त्वचेवर दिसणाऱ्या लक्षणांकडे दुर्लक्ष न करता आरोग्याची योग्य काळजी घ्यावी.

स्किन अ‍ॅलर्जी:

किडनीच्या कार्यात अडथळे निर्माण झाल्यानंतर किडनी व्यवस्थित रक्त शुद्ध करत नाही. शरीरातील विषारी घटक बाहेर पडून न गेल्यामुळे हे घटक रक्तात मिक्स होतात. ज्याच्या परिणामांमुळे चेहऱ्यावर डाग येणे, पुरळ येणे, डोळे पिवळे पडणे, कावीळ झाल्यासारखी लक्षणे त्वचेवर दिसू लागतात. त्वचेच्या रंगात फरक दिसू लागल्यानंतर वेळीच डॉक्टरांचा सल्ला घ्यावा. अंगावर लाल चट्टे किंवा वारंवार पुरळ किडनी निकामी झाल्यानंतर येतात.

शरीरावरील घाण स्वच्छ करण्यासाठी अंघोळीच्या पाण्यात मिक्स करा ‘हे’ पदार्थ, घामाच्या दुर्गंधीपासून मिळेल कायमची सुटका

किडनी निरोगी राहण्यासाठी उपाय?

• सकाळी उठल्यानंतर नियमित ३० मिनिटं व्यायाम करणे.
• वाढलेले वजन नियंत्रणात ठेवणे
• भरपूर पाण्याचे सेवन करणे
• आहारात फळे, भाज्या आणि संपूर्ण धान्यांचा समावेश करणे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.