भारतातील ‘ही’ गावे आहेत Google वर ट्रेंडिंग; जाणून घ्या का परदेशी पर्यटकांना पडली आहे भुरळ

Sustainable rural tourism India : भारत हा एक अतिशय सुंदर देश आहे जिथे जगभरातून लोक भेट देण्यासाठी येतात. चला तुम्हाला देशातील अशा गावांबद्दल सांगूया जिथे जगभरातून पर्यटक येण्यास उत्सुक असतात.

भारतातील 'ही' गावे आहेत Google वर ट्रेंडिंग; जाणून घ्या का परदेशी पर्यटकांना पडली आहे भुरळ ( फोटो सौजन्य : सोशल मीडिया)

Follow Us:

Follow Us:

Sustainable rural tourism India : भारत हा जगभरातील प्रवाशांसाठी एक अद्वितीय आकर्षण आहे. ऐतिहासिक किल्ले, मंदिरे, निसर्गसंपन्न प्रदेश आणि रंगीबेरंगी संस्कृती यामुळे भारताला ‘अतुल्य’ म्हटले जाते. पण शहरांइतकेच, भारतातील काही गावे देखील परदेशी पर्यटकांच्या मनाचा ठाव घेतात. या गावांमध्ये निसर्गसौंदर्य, स्थानिक परंपरा, अनोख्या चालीरीती आणि शांत जीवनशैलीचा सुंदर संगम दिसतो. त्यामुळे ही गावे जगभरातून येणाऱ्या प्रवाशांसाठी एक अविस्मरणीय अनुभव ठरतात.

१) मलाना (हिमाचल प्रदेश)

हिमाचल प्रदेशातील पार्वती खोऱ्यात वसलेले मलाना गाव हे आपल्या गूढ संस्कृती आणि प्राचीन परंपरांसाठी जगप्रसिद्ध आहे. येथील लोक स्वतःला अलेक्झांडर द ग्रेटच्या सैन्याचे वंशज मानतात. गावात बाहेरच्या लोकांसाठी विशिष्ट नियम आहेत, आणि ही वेगळीच जीवनशैलीच परदेशी प्रवाशांना आकर्षित करते. शांत पर्वतशिखरे आणि निरभ्र आकाश यामुळे मलाना हे रहस्यमय ठिकाण प्रवाशांच्या यादीत अग्रस्थानी आहे.

हे देखील वाचा : Best Ropeway in India : आकाशातून निसर्ग पाहण्याचा अनोखा अनुभव घ्यायचा असेल तर ‘या’ आहेत भारतातील सर्वोत्तम Ropeway Rides

२) खोनोमा (नागालँड)

नागालँडमधील खोनोमा गाव हे आशियातील पहिले ‘ग्रीन व्हिलेज’ म्हणून प्रसिद्ध आहे. पर्यावरणसंवर्धन, स्वच्छता आणि हिरवाईबाबतची जागरूकता या गावाला विशेष बनवते. येथील आदिवासी जीवनशैली आणि हिरवेगार निसर्गदृश्य पाहून परदेशी पर्यटक मंत्रमुग्ध होतात.

३) मावलिनॉन्ग (मेघालय)

‘आशियातील सर्वात स्वच्छ गाव’ हा किताब मिळवलेले मावलिनॉन्ग हे पर्यटकांसाठी जणू एक स्वर्गीय अनुभवच आहे. येथील लोक स्वच्छतेला सर्वाधिक प्राधान्य देतात. संपूर्ण गाव रंगीबेरंगी फुलांनी सजलेले असून, येथे असलेला ‘जिवंत मुळांचा पूल’ पाहण्यासाठी पर्यटक लांबून येतात.

४) किब्बर (स्पिती व्हॅली, हिमाचल प्रदेश)

जगातील सर्वात उंच वस्ती असलेले गाव म्हणजे किब्बर. बर्फाच्छादित पर्वत, निळाशार आकाश आणि प्राचीन बौद्ध मठ ही येथील खास वैशिष्ट्ये आहेत. साहसी पर्यटन आणि शांततेचा अनुभव घेऊ इच्छिणारे परदेशी प्रवासी येथे मोठ्या संख्येने येतात.

५) कुरुंग गाव (अरुणाचल प्रदेश)

कुरुंग गाव आपल्या अनोख्या आदिवासी संस्कृती आणि हिरव्या दरींसाठी प्रसिद्ध आहे. पारंपरिक जीवनशैली, स्थानिक कला आणि लोकपरंपरा परदेशी प्रवाशांना एक वेगळाच अनुभव देतात. हे गाव जणू भारतीय परंपरेचा जिवंत आरसा आहे.

हे देखील वाचा : Work From Anywhere : रिमोट वर्कसाठी भारतातील ‘ही’ 6 ऑफबीट ठिकाणे आहेत सर्वात Trending

६) चोपटा (उत्तराखंड)

‘भारताचे मिनी स्वित्झर्लंड’ म्हणून ओळखले जाणारे चोपटा हे उत्तराखंडातील एक स्वर्गीय ठिकाण आहे. तुंगनाथ मंदिर आणि चंद्रशिला ट्रेकसाठी येथे मोठी गर्दी असते. बर्फाच्छादित पर्वत, हिरवाई आणि शांत वातावरणामुळे परदेशी पर्यटकांची ही पहिली पसंती ठरते.

Web Title: These villages in india are trending on google find out why foreign tourists are fascinated

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com