पोट साफ करण्यासाठी फायदेशीर आहे हे ड्रिंक, घरीच केरळातील फेमस कुलुक्की सरबत कसे बनवायचे ते जाणून घ्या

Kulluki Drink Recipe : तुम्ही कधी कुलुक्की सरबताविषयी ऐकले आहे का? हे केरळातील एक लोकप्रिय पेय आहे ज्याचे सेवन पाचनक्रियेसाठी फायदेशीर मानले जाते. चला याची रेसिपी नोट करुन घेऊयात .

• उन्हाळ्यात पोटाच्या समस्या वाढतात.
• या काळात शरीराला हायड्रेशनची गरज असते.
• तुम्हाला माहितीये का तुम्ही काळात केरळाचा फेमस ड्रिंक कुलुक्की ट्राय करु शकता.

उन्हाळ्यात शरीराला थंडावा देणारे आणि ताजेतवाने वाटणारे पेय म्हणजे कुलुक्की सरबत. केरळमध्ये विशेष लोकप्रिय असलेले हे पेय आता अनेक ठिकाणी आवडीने बनवले जाते. “कुलुक्की” या शब्दाचा अर्थ हलवणे किंवा शेक करणे असा होतो. या शरबतामध्ये लिंबाचा आंबटपणा, हिरव्या मिरचीची हलकी तिखट चव, पुदिन्याचा फ्रेश स्वाद आणि बर्फाचा गारवा यामुळे एक वेगळीच चव अनुभवायला मिळते. साध्या लिंबूपाण्यापेक्षा हे पेय अधिक झणझणीत आणि रिफ्रेशिंग लागते.

Recipe : आईस्क्रिम नाही, उन्हाळ्यात कलिंगडापासून बनवा गोड बर्फी; चव अशी की मोठमोठ्या मिठाईंनाही मागे टाकेल

विशेष म्हणजे हे शरबत बनवण्यासाठी फार वेळ लागत नाही आणि घरात सहज उपलब्ध असणाऱ्या पदार्थांपासून ते तयार होते. गरमीमुळे थकवा जाणवत असेल किंवा काहीतरी वेगळं आणि चविष्ट प्यायचं असेल तर कुलुक्की शरबत हा उत्तम पर्याय ठरतो. पाहुण्यांसाठीही हे पेय आकर्षक आणि हटके वाटते. चला थंडगार कुलुक्की सरबताची रेसिपी जाणून घेऊया.

साहित्य

• 2 लिंबांचा रस
• 2 ते 3 हिरव्या मिरच्या बारीक चिरलेल्या
• 8 ते 10 पुदिन्याची पाने
• 2 चमचे साखर किंवा मध
• 1/2 चमचा चिया सीड्स
• बर्फाचे तुकडे
• 2 ग्लास थंड पाणी
• चिमूटभर मीठ

Recipe: उरलेल्या भातापासून बनवा क्रिस्पी मंचुरियन, नोट करा झटपट आणि चविष्ट रेसिपी

कृती

• यासाठी सर्वप्रथम चिया सीड्स किंवा तुळशीच्या बिया 10 मिनिटे पाण्यात भिजवून ठेवा.
• एका मोठ्या ग्लास किंवा शेकर्समध्ये लिंबाचा रस घाला.
• मग त्यात साखर, मीठ, हिरवी मिरची आणि पुदिन्याची पाने घाला.
• आता त्यामध्ये भरपूर बर्फाचे तुकडे टाका.
• थंड पाणी आणि भिजवलेल्या बिया घालून मिश्रण चांगले हलवा किंवा शेक करा.
• सर्व फ्लेवर्स एकत्र मिसळल्यावर सरबत एका ग्लासमध्ये ओता.
• वरून पुदिन्याची पाने घाला आणि तुमचे थंडगार कुलुक्की सरबत तयार आहे.
• याला थंड असतानाच प्या आणि याच्या चवीचा आनंद लुटा.