ओठांचे सौंदर्य कायम टिकवून ठेवण्यासाठी गुलाबाच्या पाकळ्यांचा वापर करून ‘या’ पद्धतीने बनवा सुंदर गुलाबी लिपस्टिक

सुंदर ओठांची काळजी घेताना कोणत्याही केमिकल युक्त प्रॉडक्टचा वापर करण्याऐवजी घरगुती पदार्थांपासून तयार केलेल्या वस्तूंचा वापर ओठांसाठी करावा. गुलाबी ओठांसाठी या पद्धतीने बनवा गुलाबी लिपस्टिक.

सर्वच महिला सुंदर दिसण्यासाठी सतत काहींना काही उपाय करत असतात. त्वचेच्या आरोग्याची काळजी घेण्यासाठी वेगवेगळे फेसपॅक, फेसमास्क, क्रीम्स इत्यादी अनेक गोष्टी लावल्या जातात. मात्र ओठ किंवा चेहऱ्यावरील इतर अवयवांची जास्त काळजी घेतली जात नाही. उन्हाळ्यासह इतर सर्वच ऋतूंमध्ये ओठ फाटणे किंवा ओठांवरील त्वचा काळी पडणे इत्यादी अनेक समस्या उद्भवू लागतात. या समस्या उद्भवल्यानंतर सुद्धा महिला दुर्लक्ष करतात. मात्र ओठांच्या आरोग्याची काळजी घेणे सुद्धा आवश्यक आहे. उन्हाळा वाढल्यानंतर ओठ काळे आणि कोरडे पडून जातात. अशावेळी बाजारात मिळणारे व्हॅसलिन किंवा इतर कोणत्याही गोष्टी लावल्या जातात. यामुळे काहीवेळा ओठ आणखीनच खराब होऊन जातात.(फोटो सौजन्य – iStock)

उन्हाळ्यात घामामुळे मान जास्त काळवंडलेली आहे? ‘हे’ घरगुती उपाय करून त्वचा करा स्वच्छ, टॅनिंग होईल कमी

सुंदर दिसण्यासाठी महिला बाहेर जाताना किंवा ऑफिसला जाताना किंवा इतर वेळी लिपस्टिक लावली जाते. लिपस्टिक लावल्यामुळे ओठ सुंदर आणि उठावदार दिसतात. मात्र कोणत्याही चुकीच्या ब्रॅण्डच्या लिपस्टिक लावल्यामुळे ओठ खराब होण्याची जास्त शक्यते असते. बाजारात उपलब्ध असलेल्या हानिकारक लिपस्टिक लावण्यापेक्षा घरी बनवलेल्या लिपस्टिकचा वापर नियमित करावा. केमिकल युक्त प्रॉडक्ट ओठांचे सौंदर्य कमी करून टाकतात. याशिवाय नारळाचे तेल आणि गुलाबाच्या पाकळ्यांमध्ये असलेले गुणधर्म ओठ सुंदर आणि चमकदार करण्यासाठी मदत करतात.  त्यामुळे आज आम्ही तुम्हाला गुलाबी ओठांसाठी सोप्या पद्धतीमध्ये लिपस्टिक बनवण्याची कृती सांगणार आहोत. या पद्धतीने तयार केलेली लिपस्टिक ओठांसाठी हानिकारक ठरणार नाही. यामुळे तुमचे ओठ अधिक सुंदर आणि चमकदार दिसतील.

गुलाबाच्या पाकळ्यांपासून लिपस्टिक बनवण्याची सोपी कृती:

साहित्य:

• गुलाबाच्या पाकळ्या
• गरम पाणी
• खोबऱ्याचे तेल
• व्हॅसलिन

उन्हाळ्यात त्वचेची काळजी कशी घेणार? ऍलर्जी होण्याचे प्रकार आणि कारणे कोणती? जाणून घ्या उपचार

कृती:

• गुलाबाच्या पाकळ्यांपासून लिपस्टिक बनवण्यासाठी सर्वप्रथम, गुलाबाच्या पाकळ्या स्वच्छ धुवून घ्या.
• त्यानंतर टिशू पेपरवर ठेवून पाकळ्या कोरड्या करून सुकवून घ्या.
• त्यानंतर खलबत्यामध्ये गुलाबाच्या पाकळ्या टाकून बारीक पावडर तयार करून घ्या. तयार करून घेतलेले सर्व मिश्रण वाटीमध्ये काढून घ्या.
• गुलाबाच्या पाकळ्यांच्या पावडरमध्ये खोबऱ्याचे तेल आणि व्हॅसलिन टाकून मिक्स करा.
• गरम पाणी मोठ्या बाऊलमध्ये घेऊन त्यात तयार केलेल्या लिप्स्टिकची वाटी ठेवून मिश्रण पातळ करून घ्या.
• तयार करून घेतलेली लिपस्टिक काचेच्या डब्यात भरून तुम्ही नियमित ओठांवर लावू शकता. यामुळे तुमचे ओठ गुलाबी दिसतील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.