Fry Tomato Recipe: जेवणात चटपटीत तडका हवाय? झटपट बनवा खमंग ‘टोमॅटो फ्राय’

Fry Tomato Recipe: रोजच्या जेवणासाठी भाजी काय करायची असा प्रश्न पडत असेल, तर घरातील टोमॅटो आणि नेहमीच्या मसाल्यांपासून फक्त १० मिनिटांत चटपटीत टोमॅटो फ्राय बनवता येतो. यासाठी मध्यम आकाराचे थोडे कडक टोमॅटो, कढीपत्ता, जिरे, मिरची पावडर, हळद, मीठ आणि तेल एवढेच साहित्य लागते.

रोज सकाळी भाजी काय करायचा असा प्रश्न प्रत्येक स्त्रीच्या मनातचा येतोच. घरातील एका व्यक्तीला ही भाजी आवडतं नाहीतर, दुसऱ्याला ती भाजी त्यामध्ये काहीतरी चटपटीत खाण्याची इच्छा होते त्यासाठी झटपटीत तयार होणारे टोमॅटो फ्राय (Fry Tomato) आहे. एकदम सोपे आणि केवळ 10 मिनिटांमध्ये तयार होते. बाजरातून कोणते महागडे साहित्य आणण्याची गरज नाही आणि जर तूम्ही नवीन स्वंयपाक करायला शिकत असाल तर हा पदार्थ तुम्ही सहज शिकून शकता. चपाती, भाकरी किंवा सध्या वरण-भातासोबत खाऊ शकता. Fry Tomato Recipe:

साहित्य

2 मध्यम आकाराचे टोमॅटो ( टोमॅटो पिकलेले नसावे थोडे कडक घ्यावे)
थोडा कढीपत्ता
अर्धा चमचा जिरे
एक चमचा मिरची पावडर
पाव चमचा हळद
चवीनुसार मीठ
2 चमचे तेल

कृती

सगळ्यात आधी टोमॅटो स्वच्छ धुऊन घ्या. त्याचे गोल-गोल काप करा. खूप पातळ पण नको आणि खूप जाड पण नको, मध्यम कापा. त्यामुळे ते छान तळले जातील.आता गॅसवर तवा ठेवा. तवा चांगला गरम होऊ द्या पण गॅस बारीकच ठेवा. मोठ्या गॅसवर मसाला जळून जाण्याची शक्यता असते. तवा गरम झाला की त्यावर थोडं तेल टाका. तेलात जिरे टाका, ते तडतडले त्यामध्ये कढीपत्ता, हळद, मिरची पावडर आणि मीठ टाका. हे सगळं चमच्याने हलकं हलवून घ्या. मसाला करपणार नाही याची काळजी घ्या, नाहीतर कडू लागेल.मसाला तयार झाला की त्यावर एक-एक करून टोमॅटोचे काप ठेवा. एक काप दुसऱ्या कापावर ठेवू नका, सगळे सुटे सुटे ठेवा म्हणजे सगळ्या बाजूने छान तळले जातील.आता बारीक गॅसवर टोमॅटो होऊ द्या. 2-3 मिनिटात टोमॅटोला रंग यायला लागेल. कडेला थोडा खरपूसपणा दिसला की हळूच उलटून घ्या. दुसरी बाजू पण तशीच होऊ द्या. दोन्ही बाजूने लालसर आणि थोडे कुरकुरीत झाले की समजा तुमचा टोमॅटो फ्राय तयार आहे. गॅस बंद करा.

Tomato Rasam: दुपारच्या जेवणासाठी करा आंबट तिखट टोमॅटो रस्सम, घरातील प्रत्येक व्यक्ती आवडीने खाईल पदार्थ

खायला कसा लागतो?

गरम गरम टोमॅटो फ्राय पोळीसोबत खायला एक नंबर लागतो. भाकरी सोबत सुद्धा चांगला लागतो. काही लोक भात आणि वरणा सोबत पण खातात. तोंडी लावायला म्हणून पण एकदम बेस्ट ऑप्शन आहे. यात तुम्हाला हवं असेल तर थोडा वेगळा प्रयोग पण करू शकता. वरून थोडी कोथिंबीर टाकली तरी चालेल, किंवा चाट मसाला टाकला तरी चव अजून वाढते.यासाठी वेगळा खर्च नाही. घरात टोमॅटो असतातच. आणि मसाले तर प्रत्येकाच्या स्वयंपाक घरात असतातच.तर मग वाट कसली बघताय? आज संध्याकाळीच ही रेसिपी एकदा ट्राय करून बघा. घरात सगळ्यांना नक्की आवडेल.’

Tawa Pulao Recipe: सिक्रेट मसाल्याचा वापर करून घरी सोप्या पद्धतीमध्ये बनवा स्ट्रीट स्टाईल तवा पुलाव, सगळेच खातील आवडीने

(टीप- तिखट तुम्हाला जसं लागतं तसं कमी जास्त करू शकता. लहान मुलांसाठी करत असाल तर मिरची थोडी कमी टाका.)