Tawa Pulao Recipe: सिक्रेट मसाल्याचा वापर करून घरी सोप्या पद्धतीमध्ये बनवा स्ट्रीट स्टाईल तवा पुलाव, सगळेच खातील आवडीने

Tawa Pulao Recipe: जेवणात कायमच तेच ठराविक पदार्थ खाऊन कंटाळा आल्यास सोप्या पद्धतीमध्ये तुम्ही झणझणीत तवा पुलाव बनवू शकता. हा पदार्थ घरातील लहान मुलांसह मोठेसुद्धा अतिशय आवडीने खातील.

सिक्रेट मसाल्याचा वापर करून घरी सोप्या पद्धतीमध्ये बनवा स्ट्रीट स्टाईल तवा पुलाव, लहान मुलांसह सगळेच खातील आवडीने

Follow Us:

Follow Us:

Tawa Pulao Recipe: मुंबईतील सगळ्यात फेमस पदार्थ म्हणजे गरमागरम, मसालेदार आणि झणझणीत तवा पुलाव. हा पदार्थ पाहिल्यानंतर सगळ्यांच्या तोंडाला पाणी सुटते. वेगवेगळ्या भाज्या, भात आणि मसाल्यांचा वापर करून बनवलेला चविष्ट पदार्थ सगळ्यांचं खूप जास्त आवडतो. जेवण बनवण्याचा कंटाळा आल्यानंतर काय बनवावे सुचत नसेल तर झटपट तुम्ही गरमागरम तवा पुलाव बनवू शकता. स्ट्रीट तवा पुलाव मुंबईकरांच्या अतिशय आवडीचा आहे. कायमच चपाती भाजी खाऊन कंटाळा आल्यास झटपट तुम्ही तवा पुलाव बनवू शकता. चला तर जाणून घेऊया तवा पुलाव बनवण्याची सोपी रेसिपी. (फोटो सौजन्य – istock)

Recipe : हॉटेलसारखी मिक्स व्हेज भाजी घरीच बनवा; जाणून घ्या सोपी रेसिपी

साहित्य:

• शिजवलेला भात
• कांदा
• टोमॅटो
• लाल तिखट
• हिरवे वाटाणे
• कोबी
• बीटरूट
• हळद
• पावभाजी मसाला
• कोथिंबीर
• कसुरी मेथी
• बटर
• लिंबाचा रस
• बटाटा

कृती:

• स्ट्रीट स्टाईल तवा पुलाव बनवण्यासाठी सर्वप्रथम, मिक्सरच्या भांड्यात भिजवलेल्या लाल मिरच्या, हिरव्या मिरच्या, लसूण आणि मीठ घालून जाडसर बारीक वाटून घ्या.
• कढई किंवा मोठ्या तव्यावर तेल आणि बटर घालून गरम करून घ्या. त्यानंतर त्यात हिंग आणि जिरं घाला. त्यानंतर त्यात लांब चिरलेला कांदा, शिमला, टोमॅटो, कोबी, किसलेले बीट घालून मंद आचेवर शिजवा.
• भाज्यांना एक वाफ आल्यानंतर त्यात चवीनुसार थोडस मीठ घाला. शिजवलेल्या भाज्यांमध्ये तयार केलेली चटणी, लाल तिखट, हळद, पावभाजी मसाला घालून मंद आचेवर मिक्स करा.
• मसाले शिजल्यानंतर त्यांना तेल सुटेल. त्यानंतर त्यात शिजवून घेतलेला बटाटा आणि थोडस पाणी, लिंबाचा रस घालून सर्व ग्रेव्ही व्यवस्थित शिजवा.
• ग्रेव्ही घट्टसर झाल्यानंतर त्यात शिजवलेला मोकळा भात, शिजवलेले मटार घालून मंद आचेवर एक वाफ येण्यासाठी ठेवा.
• सगळ्यात शेवटी तयार केलेल्या भातामध्ये बारीक चिरून घेतलेली कोथिंबीर घाला आणि सर्व्ह करा.
• तयार आहे गरमागरम स्ट्रीट स्टाईल चमचमीत तवा पुलाव.

Web Title: Tawa pulao recipe make street style tawa pulao at home using a secret masala everyone including children will love it

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com