Tomato Rasam: दुपारच्या जेवणासाठी करा आंबट तिखट टोमॅटो रस्सम, घरातील प्रत्येक व्यक्ती आवडीने खाईल पदार्थ

Tomato Rasam: दुपारच्या जेवणात गरमागरम भातासोबत कायमच डाळ खाऊन कंटाळा आल्यास झटपट तुम्ही टोमॅटो रस्सम बनवू शकता. हा पदार्थ कमीत कमी साहित्यात झटपट तयार होतो.

Tomato Rasam: सुट्टीच्या दिवशी दुपारच्या जेवणात नेहमीच काय बनवावं बऱ्याचदा सुचत नाही. कायमच तेच ठराविक पदार्थ खाऊन कंटाळा आल्यानंतर मुलं हॉटेलमध्ये जेवायला जाण्याचा हट्ट करतात. पण नेहमीच तेलकट तिखट पदार्थ खाणे शरीरासाठी अजिबात चांगले नाही. त्यामुळे घरातच नवनवीन रेसिपी मुलांसाठी बनवाव्यात. आज आम्ही तुम्हाला सोप्या पद्धतीमध्ये टोमॅटो रस्सम बनवण्याची रेसिपी सांगणार आहोत. टोमॅटो रस्सम बनवताना सगळ्यात आधी टोमॅटो शिजवावे लागतात. पण या पद्धतीने टोमॅटो रस्सम बनवण्यासाठी टोमॅटो शिजवण्याची किंवा भाजण्याची अजिबात आवश्यकता नाही. गरमागरम भातासोबत टोमॅटो रस्सम अतिशय सुंदर लागते. चला तर जाणून घेऊया टोमॅटो रस्सम बनवण्याची सोपी रेसिपी.(फोटो सौजन्य – istock)

Tawa Pulao Recipe: सिक्रेट मसाल्याचा वापर करून घरी सोप्या पद्धतीमध्ये बनवा स्ट्रीट स्टाईल तवा पुलाव, सगळेच खातील आवडीने

साहित्य:

• टोमॅटो
• कढीपत्ता
• धणे
• तेल
• मोहरी
• लसूण
• लाल तिखट
• मीठ
• कोथिंबीर
• चणा डाळ
• काळीमिरी पावडर
• लाल सुक्या मिरच्या
• मेथी दाणे
• चिंच
• गूळ

Kabab: चटपटीत, कुरकुरीत अन् स्वादिष्ट! संध्याकाळच्या स्नॅक्ससाठी परफेक्ट हरा-भरा कबाब; रेसिपी नोट करा

कृती:

• टोमॅटो रस्सम बनवण्यासाठी सर्वप्रथम, पॅनमध्ये धणे , मोहरी, जिरं, लाल सुक्या मिरच्या, काळीमिरी, चणाडाळ, मेथी दाणे घालून खमंग लालसर होईपर्यंत भाजा.
• त्यानंतर त्यात कढीपत्त्याची पाने घाला. सर्व साहित्य भाजून थंड झाल्यानंतर मिक्सरच्या भांड्यात टाकून वाटून घ्या.
• कढईमध्ये तेल गरम त्यात लसूण, टोमॅटो, कढीपत्ता घालून मिक्स करा आणि थोडस पाणी घालून उकळी काढून घ्या. टोमॅटोच्या मिश्रणाला एक उकळी आल्यानंतर त्यात बारीक चिरून घेतलेली कोथिंबीर आणि चिंच गर घाला.
• त्यानंतर लाल तिखट, हळद, तयार केलेला मसाला, गूळ आणि चवीनुसार मीठ घालून सर्व मिश्रण व्यवस्थित मिक्स करून घ्या.
• तयार आहे सोप्या पद्धतीमध्ये बनवलेले टोमॅटो रस्सम. या पद्धतीने बनवलेले रस्सम गरम गरम भातासोबत अतिशय सुंदर लागेल.