सणासुदीला बनवली जाणारी गोव्याची खास स्वीट डिश… तुम्ही कधी ‘मन गण’ खाल्ला आहे का? आजच नोट करा रेसिपी

Mangan Recipe : गोवा मासांहारी पदार्थांसाठी खूप लोकप्रिय आहे. मन गण हा देखील गोव्याचा एक पारंपरिक गोड पदार्थ आहे. खिरीसारखाच असलेला हा पदार्थ चणाडाळ, साबुदाणा, नारळाचे दूध, गूळ आणि ड्रायफ्रुट्सपासून बनवला जातो.

मन गण

Follow Us:

Follow Us:

• अनेकांना ठाऊक नाही गोव्याच्या या पारंपारिक पदार्थाची चव.
• मन गण हा एक चवदार, गोड पदार्थ आहे जो सणाच्या दिवशी तयार केला जातो.
• आज आपण अनेकांना ठाऊक नसणाऱ्या या पदार्थाची रेसिपी जाणून घेणार आहोत.

Summer Special : विकतंच कशाला? उन्हाळ्यात घरीच बनवा थंडगार ‘मँगो आईस्क्रिम’, लहनांसह मोठेही होतील खुश

घट्टसर पोत, गोड चव आणि याचा सुगंध एकंदरीतच पदार्थाच्या खासियेत आणखी भर घालतो. गोवन रेसिपीज प्रामुख्याने नाॅनव्हेज पदार्थांसाठी लोकप्रिय आहेत पण फार कमी लोकांना ‘मन गण’ या गोड पदार्थाची माहिती आहे. निवडक साहित्यापासून, झटपट तयार होणारी ही रेसिपी आपण एकदा तरी नक्कीच ट्राय करायला हवी. चला या रेसिपीसाठी लागणारे साहित्य आणि कृती जाणून घेऊया.

साहित्य

• 50 ग्रॅम चण्याची डाळ
• 25 ग्रॅम साबुदाणा
• 1 कप नारळाचे घट्ट दूध
• 1/2 कप बारीक चिरलेला गूळ
• 6 बदाम
• 6 काजू
• 5 पिस्ता
• 7-8 मनुके
• 1/2 टी स्पून वेलची पावडर
• 1/4 टी स्पून जायफळ पावडर
• चवीनुसार मीठ

कृती

• यासाठी सर्वप्रथम डाळ स्वच्छ पाण्यात धुवून एक तासभर भिजवून ठेवावी. दुसरीकडे साबुदाणा आणि स्वच्छ पाण्यात धुऊन त्यातले पाणी काढून बाजूला झाकून ठेवा.
• एका तासानंतर डाळ चांगली भिजली की ती कुकरला लावून त्यात थोडे पाणी टाकून एक शिट्टी काढून घ्यावी. लक्षात ठेवा डाळ आपल्याला खूप शिजवायची नाही आहे फक्त मऊ झाली पाहिजे आणि बोटांमध्ये डाळीचा दाणा दाबला गेला पाहिजे.
• आता पातेल्यात एक टेबलस्पून तूप घ्या. तूप गरम झाले त्यामध्ये कापलेले ड्रायफ्रुट्स तळून बाजूला ठेवून द्या.
• यानंतर शिजवलेली डाळ दोन ते तीन मिनिटं कढईत परतून घ्या. परतलेल्या डाळीमध्ये साबुदाणा टाका आणि तोही चांगला परतून घ्या.
• दोन्ही जिन्नस चांगले परतून झाले की त्यामध्ये अर्धा कप पाणी टाकावे. आणि त्याच्यात चांगले ढवळून घ्यावे.पाण्याला जराशी उकळी आली की गॅस बंद करा आणि त्यामध्ये नारळाचे काढलेले एक कप दूध टाकून मिसळून घ्या. यानंतर गॅस पुन्हा सुरु करुन मंद आचेवर शिजवत ठेवा.
• दोन मिनिटं दूध त्याच्यात चांगले मिसळून गेले की त्यामध्ये बारीक चिरलेला गूळ टाका. सतत मंद गॅसवर ढवळत राहा.
• दूधात संपूर्ण साहित्या छान शिजलं की मग त्यात वेलची पावडर आणि जायफळ पावडर घाला.
• शेवटी यात तळलेले ड्रायफूट्स घाला, काहीवेळ शिजवत एक उकळी काढा आणि गॅस बंद करुन तयार पदार्थ खाण्यासाठी सर्व्ह करा.
• तुम्ही हा पदार्थ गरमा गरम पुरीसोबत खाण्यासाठी सर्व्ह करु शकता.
• ही रेसिपी cookpad वरुन घेण्यात आली आहे.

Web Title: Traditional goan sweet dish mangan recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com