साधी, सोपी, चवदार डिश! घरी बनवा आंबट-गोड कढी पकोडा; चवीला मजेदार… सर्व कुटूंबियांना करेल खुश

तुम्ही जर आजवर भारताची पारंपरिक डिश कढी पकोड्याची चव चाखली नसेल तर आजच रेसिपी नोट करून हा पदार्थ घरी ट्राय करा. आंबट-गोड कढीमध्ये सॉफ्ट झालेले बेसनाचे पकोडे आणि त्यासह गरमा गरम भात मनाला सुखावून जातो.

कढी पकोडा ही एक पारंपारिक आणि चविष्ट अशी डिश आहे जी दह्यापासून तयार केली जाते. आंबट-गोड चवीने भरलेल्या या डिशमध्ये कुरकुरीत बेसनाचे पकोडे टाकले जातात जे या डिशची चव आणखीनच बहारदार बनवतात. कढी बहुतेकदा गरमा गरम भातासोबत खाल्ली जाते पण तुम्हाला हवं असल्यास तुम्ही चपातीसोबतही याचा आस्वाद घेऊ शकता.

Breakfast Recipe: सकाळच्या नाश्त्यासाठी झटपट बनवा हेल्दी टेस्टी ओट्स स्मूदी, नोट करून घ्या पदार्थ

ही एक झटपट आणि काही मिनिटांतच तयार होणारी रेसिपी आहे ज्यामुळे रात्रीच्या जेवणासाठी हा एक उत्तम पर्याय ठरतो. खमंग तडका देऊन तयार केलेली डिश आणि त्यात सॉफ्ट झालेले पकोडे यांचा संगम चवीला खरोखर सुखावून जातो. काही साधं, सोपं खावंस वाटत असल्यास कधी पकोड्याची ही रेसिपी एकदा घरी नक्की बनवून पहा. लगेच नोट करून घेऊयात यासाठी लागणारे साहित्य आणि कृती.

साहित्य:

पकोड्यासाठी:

• बेसन – 1 कप
• कांदा (चिरलेला) – 1 मध्यम
• हळद – ¼ टीस्पून
• लाल तिखट – ½ टीस्पून
• जिरं – ½ टीस्पून
• मीठ – चवीनुसार
• तेल – तळण्यासाठी
• पाणी – गरजेप्रमाणे

कढीसाठी:

• ताक – 2 कप (आंबट ताक वापरावे)
• बेसन – 2 टेबलस्पून
• हळद – ¼ टीस्पून
• मीठ – चवीनुसार
• पाणी – 2 कप
• तेल – 1 टेबलस्पून
• मोहरी – ½ टीस्पून
• जिरं – ½ टीस्पून
• हिंग – 1 चिमूट
• हळद – ¼ टीस्पून
• सुकी लाल मिरची – 1-2
• कढीपत्ता – 7-8 पाने
• आले-लसूण पेस्ट – 1 टीस्पून
• हिरव्या मिरच्या – 1-2 (चिरलेल्या)

श्रावणातील नैवेद्यासाठी घरीच बनवा पारंपरिक पद्धतीने पंचामृत, पदार्थाला लगेच आजीच्या हाताची चव

कृती:

• यासाठी सर्वप्रथम एका बाऊलमध्ये बेसन, कांदा, हळद, तिखट, मीठ, जिरे आणि थोडे पाणी घालून मिश्रण मिक्स करा
• गरम तेलात छोटे पकोडे सोडून तळून घ्या. हे कुरकुरीत आणि सोनसळी रंगाचे होईपर्यंत तळा. बाजूला ठेवा.
• एका बाऊलमध्ये ताक, बेसन, हळद, मीठ आणि पाणी एकत्र करून गुठळ्या होणार नाहीत याची काळजी घेत मिक्स करा.
• एका पातेल्यात तेल गरम करून त्यात मोहरी, जिरे, हिंग, लाल मिरची, कढीपत्ता, आले-लसूण पेस्ट आणि
• हिरव्या मिरच्या टाका. फोडणी चांगली खमंग होईपर्यंत परतून घ्या.
• तयार ताकाचं मिश्रण फोडणीत ओता आणि मध्यम आचेवर उकळू द्या. सतत ढवळत रहा. कढी थोडी घट्ट होईपर्यंत शिजवा (१०-१२ मिनिटं).
• कढी शिजल्यावर त्यात पकोडे घालून ४-५ मिनिटं एकत्र शिजवा.
• चवीनुसार मीठ तपासा. कढी पकोडा गरम गरम भातासोबत, किंवा चपातीसोबत सर्व्ह करा.
• पकोडे अजून कुरकुरीत हवे असतील तर त्यांना दोनदा तळा.
• ताक नसेल तर दही आणि पाणी मिसळून याचे मिश्रण यात वापरता येते.