7000 रुपयांत करा कामाख्या देवीचे दर्शन; जाणून घ्या कुठे बुक करता येईल सर्वात स्वस्त टूर पॅकेज

गुवाहाटीच्या नीलांचल टेकडीवर स्थित कामाख्या देवी मंदिर हे पवित्र शक्तिपीठ आहे. येथे देवीची मूर्ती नसून योनीशिळेची पूजा होते. सच्च्या श्रद्धेने मागितलेल्या मनोकामना येथे पूर्ण होतात, अशी भक्तांची श्रद्धा आहे.

• आसामची राजधानी गुवाहाटी येथील नीलांचल पर्वतावर कामाख्या देवीचे मंदिर वसले आहे.
• हे भारतातील प्राचीन शक्तिपीठांपैकी एक आहे.
• तुम्ही टूर पॅकेजचा फायदा घेत अवघ्या 7000 रुपयांतच कामाख्या देवीच्या मंदिराला भेट देऊ शकता.

आसामची राजधानी गुवाहाटी येथे नीलांचल पर्वतावर वसलेले कामाख्या देवी मंदिर हे भारतातील अतिशय प्राचीन आणि पवित्र शक्तिपीठांपैकी एक मानले जाते. पौराणिक मान्यतेनुसार, याच ठिकाणी देवी सतीचा योनीभाग पडला होता. त्यामुळे येथे देवीची पारंपरिक मूर्ती नसून, योनीच्या आकाराच्या पवित्र शिळेची पूजा केली जाते. श्रद्धेने मागितलेली इच्छा माता कामाख्या पूर्ण करतात, अशी भक्तांची ठाम श्रद्धा आहे. लग्नानंतर अनेक महिला संतानप्राप्तीसाठी येथे दर्शनाला येतात. दरवर्षी देश-विदेशातून लाखो भाविक कामाख्या देवीच्या दर्शनासाठी गुवाहाटीला पोहोचतात. विशेषतः अंबुबाची मेळ्याच्या काळात मंदिर परिसरात प्रचंड गर्दी पाहायला मिळते.

भारताच्या या शहराला म्हटले जाते चॉकलेट सिटी; 99% लोकांना माहिती नाही याच नाव…

कामाख्या देवी दर्शन टूर पॅकेजची माहिती

भाविकांच्या सोयीसाठी खास तयार करण्यात आलेले हे धार्मिक टूर पॅकेज गुवाहाटी येथून सुरू होते. या पॅकेजचा कालावधी १ रात्र व २ दिवस असा आहे. या यात्रेचा मुख्य उद्देश केवळ मां कामाख्या देवीचे सुलभ आणि शांत दर्शन घडवून आणणे हा आहे, त्यामुळे अनावश्यक फिरस्तीचा समावेश करण्यात आलेला नाही.

या टूरची सुरुवात २६ फेब्रुवारीपासून होत आहे.

• २६ फेब्रुवारीनंतर तुम्ही दररोज या पॅकेजमधून प्रवास करू शकता.
• मंदिर दर्शनासाठी प्रवाशांना कॅबद्वारे नेले जाईल.
• शहरातील प्रमुख ठिकाणे पाहण्यासाठी बस सुविधाही उपलब्ध करून देण्यात आली आहे.
• हे पॅकेज भाविकांच्या गरजा लक्षात घेऊन आखलेले आहे.

पॅकेजचे अधिकृत नाव आहे –
DIVYA MAA KAMAKHYA DARSHAN TOUR EX-GUWAHATI
या नावाने सर्च केल्यास संपूर्ण तपशील सहज मिळू शकतो.

पॅकेज शुल्क

• २ जणांसाठी प्रवास केल्यास प्रति व्यक्ती पॅकेज शुल्क: ₹7,000
• ३ जणांच्या ग्रुपसाठीही प्रति व्यक्ती शुल्क: ₹7,000
• मुलांसाठी पॅकेज शुल्क: ₹6,200
• रेल्वे प्रवासासाठी तिकिटे भारतीय रेल्वेच्या अधिकृत वेबसाइटवरून सहज बुक करता येतात.

Char Dham Yatra 2026 : चार धाम यात्रेला जायचंय? कधी उघडणार कपाट? रजिस्ट्रेशन, मार्ग… सर्व माहिती जाणून घेऊया

पॅकेजमध्ये समाविष्ट सुविधा

• १ रात्रीचे हॉटेलमध्ये राहण्याची सोय
• ठराविक मेन्यूनुसार नाश्ता आणि रात्रीचे जेवण
• दर्शन व फिरण्यासाठी कॅब सुविधा
• प्रवास विमा, टोल, पार्किंग आणि GST शुल्क समाविष्ट
• प्रत्येक प्रवाशाला दररोज १ लिटर बाटलीबंद पाणी