पावसाळ्यात व्हिटॅमिन ई कॅप्सूलचा वापर कसा करावा? तज्ञांकडून जाणून घ्या योग्य पद्धत

Monsoon Tips : त्वचेवर अनेकजण 'व्हिटॅमिन ई'चा सर्रास वापर करतात. पण चेहऱ्यावर याचा चुकीचा वापर अनेक समस्यांना आमंत्रण देऊ शकतो हे तुम्हाला माहिती आहे का? तज्ञांकडून त्वचेसाठीच्या खास टिप्स वेळीच समजून घ्या.

• पावसाळ्यात त्वचेची काळजी घेताना कोणती चूक टाळावी?
• व्हिटॅमिन ईचा वापर करण्यापूर्वी त्वचेचा प्रकार जाणून घ्या
• त्वचेवर लालसरपणा किंवा जळजळ झाल्यास काय करावे?

त्वचेत ओलावा टिकवून ठेवण्यासाठी आणि त्वचेतील कोरडेपणा दूर करण्यासाठी व्हिटॅमिन ई कॅप्सूलचा वापर खूप फायद्याचा मानला जातो. पावसाळ्यात ओलावा, घाम आणि धूळीमुळे त्वचेचा बॅलेन्स बिघडत असतो. अशात व्हिटॅमिन ई कॅप्सूलचा डायरेक्ट चेहऱ्यावर वापर अनेक समस्यांना आमंत्रण देऊ शकतो. अशातच आज आम्ही तुम्हाला पावसाळ्यात त्वचेची निगा राखण्यासाठी व्हिटॅमिन ई कॅप्सूलचा वापर करावी याची टिप शेअर करणार आहोत. याची माहिती पॅसिफिक वन हेल्थ हॉस्पिटलमधील त्वचारोगतज्ञ डॉ. मोलिशा भंडारी यांनी दिली आहे.

मेहंदी किंवा डाय न वापरता पांढरे केस काळे कसे करायचे? योगगुरू ‘नित्यानंदम श्री’ने शेअर केला नॅचरल उपाय

पावसाळ्यात वाढू शकतात मुरुमे

डाॅक्टर मोलिशा सांगतात की, व्हिटॅमिन ई त्वचेच्या प्रत्येक समस्येचे निराकरण करण्यास मदत करते. हे एका अँटीऑक्सिडंटप्रमाणे काम करते आणि त्वचेला नैसर्गिकरित्या प्रोटेक्ट करण्यास मदत करते. तथापि, कॅप्सूलमधील तेल हे डायरेक्ट त्वचेवर लावणे चुकीचे आहे. प्रत्येक स्कीन टाईपसाठी याचा डायरेक्ट वापर चांगला ठरत नाही. विशेषत: पावसाळ्यात त्वचा तेलकट झाल्यानंतर आणि यावर पिंपल्सची समस्या जाणवल्यानंतर यावर त्वचेवर व्हिटॅमिन ई कॅप्सूलचा वापर योग्यपणे करावा.

व्हिटॅमिन ई कॅप्सूलचा वापर डायरेक्ट का करु नये?

एक्सपर्टनुसार, व्हिटॅमिन ई कॅप्सूल खाण्यासाठी बनवला जातो. त्यातील तेल हे त्वचेवर लावण्यासाठी असलेल्या उत्पादनाचा पर्याय नाही. दोन्हींचे प्रमाण आणि कंपोजिशन वेगवेगळे आहेत ज्यामुळे कॅप्सूलचा डायरेक्ट चेहऱ्यावर वापर टाळण्य्याचा सल्ला देतो.

व्हिटॅमिन ई कॅप्सूलचा चेहऱ्यावर कसा वापर करायचा?

• यासाठी प्रथम आपल्या स्किन टाईपला समजून घ्या. यात ड्राय, ऑईली, संवदेनशील अशा प्रकारांचा समावेश होतो.
• कॅप्सूलऐवजी त्वचेसाठी तयार करण्यात आलेल्या प्रोडक्ट्सची निवड करा. त्वचारोगांच्या सल्ल्यानुसार याचा वापर करणे फायद्याचे ठरेल.
• त्वचेच्या लहान भागावर थोड प्रोडक्ट लावून त्वचेवर त्याचा काय परिणाम होत आहे ते तपासा. जर त्वचा लालसर पडत असेल, जळजळ होत असेल किंवा त्वचेवर खाज येत असेल तर वापर बंद करा.
• त्वचेवर फार कमी प्रमाणात याचा वापर करा. पावसाळ्यात त्वचेवर जाड थर लावणे टाळा.
• दिवसा उन्हापासून त्वचेचा बचाव करा. व्हिटॅमिन ई हा सूर्यप्रकाशासाठी वाचवण्यासाठीचा दुसरा पर्याय आहे.

व्हिटॅमिन ई कॅप्सून खाल्ल्याने त्वचा चमकदार होते का?

तज्ञांच्या मते, त्वचेवर चमक आणण्यासाठी व्हिटॅमिन ई कॅप्सूलचे सेवन करणे चुकीचे आहे. यातील पोषक घटक ड्राय फ्रुट्स, बियाणे किंवा हिरव्या पालेभाज्यांच्या सेवनातून सहज शरीराला मिळू शकतात. याचबरोबर याचे जास्त सेवन केल्याने त्वचा चमकदार बनते असं मानणं पूर्णपणे चुकीचं आहे.

चेहऱ्यावरील बारीक रेषा महिनाभरात होतील गायब! ‘या’ पदार्थाचा वापर करून घरीच तयार करा घरगुती रेटिनॉल क्रीम

पावसाळ्यात त्वचेची काळजी कशी घ्यावी?

चेहऱ्यावर आपल्या गरजेनुसार माईल्ड फेसवाॅशचा वापर करा.
तेलकट त्वचा असल्यास माॅईश्चरायझरचा वापर करा.
घामाला आपल्या शरीरावर अधिक काळ टिकून देऊ नका, घाम आला की कापडाने लगेच पुसा.