विकेंडची मजा करा द्विगुणित; घरी बनवा हॉटेल स्टाईल Chicken Tikka Masala; खवय्यांची आवडती डिश आता थेट तुमच्या घरी

चिकन टिक्का मसाला ही भारताची एक लोकप्रिय डिश आहे जी भारतातच नाही तर परदेशातही खूप आवडीने खाल्ली जाते. याची रिच आणि मसालेदार चव तुमच्या विकेंडची मजा आणखीनच वाढवेल. चला जाणून घेऊया रेसिपी!

आजचा रविवार अनेक नोकरदार वर्गांसाठी फार खास असतो, कारण हाच तो दिवस आहे जेव्हा लोक आपल्या सुट्टीची मजा घेत घरी काहीतरी चविष्ट करू पाहतात आणि आपल्या सुट्टीची मजा आणखीन वाढवतात. नॉनव्हेज लव्हर्ससाठी तर हा दिवस खूपच खास असतो. यादिवशी अनेकांच्या घरी चिकनचा प्लॅन बनतो, अशात आज आम्ही तुमच्यासाठी चिकनची एक खास आणि लोकप्रिय डिश घेऊन आलो आहोत जी तुमच्या विकेंडची मजा आणखीनच वाढेल.

१० मिनिटांमध्ये झटपट बनवा झणझणीत कोल्हापुरी तिखट चटणी, नोट करून घ्या गावरान पदार्थ

चिकन टिक्का मसाला ही एक लोकप्रिय आणि खवय्यांची आवडती उत्तर भारतीय डिश आहे. ह्या डिशमध्ये मसाल्यांमध्ये मॅरिनेट केलेले, कोळशावर किंवा ओव्हनमध्ये भाजलेले चिकनचे तुकडे (टिक्का) स्वादिष्ट टोमॅटो-काजूच्या ग्रेव्हीत शिजवले जातात. क्रीमी, मसालेदार आणि खमंग चव असलेली ही डिश नान, पराठा किंवा भाताबरोबर खाण्यास अतिशय स्वादिष्ट लागते. चला जाणून घेऊया यासाठी लागणारे साहित्य आणि कृती.

साहित्य

• बोनलेस चिकन – 500 ग्रॅम
• दही – ½ कप
• आले-लसूण पेस्ट – 1 टेबलस्पून
• लाल तिखट – 1 टीस्पून
• हळद – ¼ टीस्पून
• मीठ – चवीनुसार
• गरम मसाला – ½ टीस्पून
• लिंबाचा रस – 1 टेबलस्पून
• तेल – 1 टेबलस्पून

ग्रेव्हीसाठी

• बटर – 2 टेबलस्पून
• कांदा (बारीक चिरलेला) – 1 मध्यम
• आले-लसूण पेस्ट – 1 टीस्पून
• टोमॅटो प्युरी – 1 कप
• काजू पेस्ट – 2 टेबलस्पून
• लाल तिखट – 1 टीस्पून
• हळद – ¼ टीस्पून
• गरम मसाला – ½ टीस्पून
• कसूरी मेथी – 1 टीस्पून
• साखर – 1 टीस्पून
• मीठ – चवीनुसार
• फ्रेश क्रीम – 2 टेबलस्पून

कृती

• चिकन टिक्का मसाला बनवण्यासाठी सर्वप्रथम एका बाऊलमध्ये दही, मसाले, लिंबाचा रस व आले-लसूण पेस्ट एकत्र करा
• त्यानंतर यात चिकनचे तुकडे घाला आणि 1 तासासाठी मॅरिनेट करून ठेवा.
• ग्रिल पॅनवर किंवा ओव्हनमध्ये चिकनचे तुकडे खरपूस भाजून घ्या. तवा वापरत असल्यास थोडं तेल वापरा.
• कढईत बटर गरम करून त्यात आले-लसूण पेस्ट व कांदा परतून घ्या
• कांदा गुलाबीसर झाल्यावर टोमॅटो प्युरी, काजू पेस्ट व मसाले घालून तेल सुटेपर्यंत परतवा.
• शिजवलेले चिकन या ग्रेव्हीत घालून 5-7 मिनिटे मध्यम आचेवर शिजवा. वरून कसूरी मेथी व क्रीम टाका.
• गरमागरम चिकन टिक्का मसाला कोथिंबीर घालून सजवा आणि खाण्यासाठी सर्व्ह करा
• तयार चिकन टिक्का मसाला नान, पराठा किंवा स्टीम्ड भातासोबत सर्व्ह करा.