उन्हाळ्यात दैनंदिन आहारात कोणत्या फळांचे सेवन करावे? जाणून घ्या फळे खाण्याची योग्य वेळ आणि प्रमाण

कडक उन्हात कुठेही बाहेर जाऊन आल्यानंतर शरीरातील पाण्याची पातळी कमी होऊन जाते. अशावेळी आहारात वेगवेगळ्या पाणीदार फळांचे सेवन करावे. चला तर जाणून घेऊया फळे खाण्याची वेळ आणि फायदे.

• उन्हाळ्यात फळे खाण्याचे फायदे?
• उन्हाळ्याच्या दिवसांमध्ये कोणती फळे खावीत?
• फळांवर चाट मसाला किंवा मीठ टाकून खाल्ल्यास होणारे परिणाम?

राज्यासह संपूर्ण देशभरात उन्हाचा कडाका वाढला आहे. वाढत्या उन्हाळ्यात शरीरातील पाण्याची पातळी कमी झाल्यानंतर आरोग्य बिघडून जाते. या दिवसांमध्ये शरीरातील पाण्याची पातळी टिकवून ठेवणे खूप मोठे आव्हान आहे. घामावाटे शरीरातील पाणी कमी झाल्यानंतर आरोग्य बिघडण्याची जास्त शक्यता असते. थकवा, अशक्तपणा किंवा अचानक चक्कर येणे इत्यादी लक्षणे दिसू लागतात. त्यामुळे उन्हाळ्यात भरपूर पाणी प्यावे. दिवसभरात ३ ते ४ लिटर पेक्षा जास्त पाणी प्यावे. पाणी पिण्यासोबतच दैनंदिन आहारात वेगवेगळ्या पदार्थांचे सेवन करणे आवश्यक आहे. शरीरातील पाण्याची पातळी वाढवण्यासाठी आहारात वेगवेगळ्या पदार्थांचे सेवन केले जाते. आहारात फळांचे सेवन केल्यास शरीराला भरपूर फायदे होतात. फळांमध्ये असलेले नैसर्गिक गुणकारी घटक उन्हाळयात शरीर फ्रेश ठेवण्यास मदत करतात. त्यामुळे आज आम्ही तुम्हाला उन्हाळ्याच्या दिवसांमध्ये कोणत्या फळांचे सेवन करावे? फळांचे सेवन कधी आणि किती प्रमाणात करावे? याबद्दल जाणून घेऊया सविस्तर माहिती.(फोटो सौजन्य – istock)

गर्भाशयाच्या मुखाला ‘या’ कारणांमुळे येते सूज! शरीरात दिसणाऱ्या लक्षणांकडे दुर्लक्ष केल्यास वाढेल गंभीर आजारांचा धोका

उन्हाळ्यात शरीर हायड्रेट ठेवण्यासाठी करा ‘या’ फळांचे सेवन:

उन्हाळ्याच्या दिवसांमध्ये घामावाटे शरीरातील पाणी आणि क्षार बाहेर पडून जातात. ज्यामुळे काहीवेळा थकवा, अशक्तपणा जाणवू लागतो. शरीरात निर्माण झालेली पाण्याची पातळी भरून काढण्यासाठी रसाळ फळांचे सेवन करावे. कारण या फळांमध्ये खूप जास्त पाणी असते. कलिंगड, खरबूज, द्राक्षे, विविध बेरीज, संत्री आणि लिची इत्यादी फळांमध्ये ९० टक्क्यांपेक्षा जास्त प्रमाणात पाणी असते. तसेच उन्हाळ्यात आवर्जून खाल्लेले जाणारे फळ म्हणजे ताडगोळे. शरीरात वाढलेला थकवा, अशक्तपणा भरून काढण्यासाठी जांभूळ आणि चेरी इत्यादी पाणीदार फळांचे सेवन करावे. या फळांच्या सेवनामुळे शरीराला आवश्यक जीवनसत्वे मिळतात आणि पाण्याची पातळी कमी होऊन जाते.

फळे खाण्याची योग्य वेळ कोणती?

अनेकांना कोणत्या वेळी फळे खावीत? फळे खाण्याची योग्य वेळ कोणती? असे अनेक प्रश्न सगळ्यांचं कायमच पडतात. सकाळच्या नाश्त्यात किंवा दुपारच्या जेवणाआधी आहारात फळांचे सेवन करावे. तसेच संध्याकाळच्या वेळी फळे खाणे शरीरासाठी खूप जास्त फायदेशीर मानले जाते. यामुळे रक्तातील साखरेची पातळी नियंत्रणात राहते आणि शरीराला भरपूर ऊर्जा मिळते. जर तुम्ही नियमित व्यायाम करत असाल नियमित फळांचे सेवन करावे. यामध्ये असलेल्या नैसर्गिक साखरेमुळे शरीराला तात्काळ ऊर्जा मिळते.

Pregnancy Tips: बाळ होण्यासाठी प्रयत्न करताय? 5 सोप्या पद्धतीने लवकर होईल Conceive

मीठ किंवा चाट मसाला टाकून खाणे योग्य आहे का?

फळांचे सेवन करताना अनेकांना त्यावर मीठ किंवा चाट मसाला टाकून खाण्याची सवय असते. तर काही फळांचे कस्टर्ड बनवून खातात. पण आरोग्याच्या दृष्टीने ही सवय अजिबात चांगली नाही. फळांना स्वतःचा नैसर्गिक गोडवा आणि पोषक मूल्य असतात. त्यामुळे फळांवर मीठ टाकून नये. फळांवर जास्तीचे मीठ टाकल्यामुळे शरीरात सोडियमची पातळी वाढते. उन्हाळ्याच्या दिवसांमध्ये फळांचा रस पिण्याऐवजी ताजी फळे कापून खावीत. यामुळे शारीरिक खूप जास्त फायदे होतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.