बिंज इटिंग म्हणजे काय? सतत 'खाण्याचा' आजार शरीरासाठी ठरेल धोक्याचा, जाणून घ्या सविस्तर माहिती
शरीर फिट आणि फाइन असण्यासाठी हेल्दी खाण्यासह वेळेवर जेवण करणे महत्वाचे असते. पण सध्याचे दगदगीचं रुटीन, फास्टफूड खाण्याची सवय, वेळेवर न खाणे यामुळे अनेक आजार होत आहेत. सततच्या धावपळीमुळे अनेकवेळा थकल्याने काहीच खाण्याची इच्छा होत नाही तर कधी-कधी खूप खायची इच्छा होते. कितीही खाल्लं तरी वारंवार खावंसं वाटतं, विविध प्रकारचे पदार्थ खाऊनही भूक भागत नाही, असे का होते? तज्ज्ञांच्या मते, हा एक प्रकारचा आजार आहे.(फोटो सौजन्य – istock)
वारंवार खाण्याची इच्छा होणे याला ‘बिंज इटिंग’ असे म्हणतात. हा एक प्रकारचा ‘इटिंग डिसऑर्डर’ आहे. हा आजार महिला, पुरुषांना कोणत्याही वयात होऊ शकतो. एका रिसर्चनुसार हा आजार तरुणांमध्ये अधिक प्रमाणात दिसत आहे. तज्ज्ञांच्या मते, बिंज इटिंग आजार जडलेल्या व्यक्तीला भूकेवर नियंत्रण राहत नाही. भूक नसली तरी व्यक्तीला काही ना काही खाण्याची इच्छा होते. ही समस्या वारंवार जाणवते.
कधी कधी राग, एकटेपणा, स्ट्रेस या नकारात्मक भावनेमुळे व्यक्तीवर दबाव निर्माण होतो. अशा परिस्थितीत व्यक्ती जास्त प्रमाणात खातो. एकदंरच, हा केवळ खाण्याचा आजार नसून मानसिक स्थितीशी संबंधित आहे. नैराश्य, चिंता, शरीराविषयी राग किंवा कडक डाएट यामुळे उद्भवतो. मात्र, ही सवय आरोग्याच्यादृष्टीने योग्य नाही.
देशातील 70% महिलांना PCOS-PCOD, वाढतोय वंध्यत्वाचा धोका; Swami Ramdev नी सांगितला रामबाण उपाय
अनेकांना वाटते सतत खाणे किंवा प्रत्येकवेळी कॅलरीजचा विचार करुन खाणे हे नॉर्मल आहे. मात्र याचा आपल्या आरोग्यावर आयुष्यभरासाठी परिणाम होतो, असे मत तज्ञांनी व्यक्त केले आहे. महत्वाचे म्हणजे याचा परिणाम आपल्या शरिरावरच नाही तर आपल्या मानसिक आरोग्यावरदेखील परिणाम होतो.
.png "Videos"){kind=small}
