हिवाळ्यात शरीराला गरम ठेवतात हे पदार्थ, नियमित सेवन करा… रात्री ब्लँकेट घेण्याचीही गरज भासणार नाही 

What To Eat In Winter : हिवाळ्यात सर्दी, खोकल्यासारखे आजार होणे फार सामान्य समस्या आहे. वातावरणातील थंडावा शरीराला नकोसा होतो, अशात शरीराला ऊबदार ठेवण्यासाठी स्वयंपाकघरातील काही पदार्थांचे सेवन फायद्याचे ठरते.

• हिवाळ्यात अनेक आजारांना खुले आमंत्रण मिळते
• वातावरणातील गारवा अनेकदा शरीराला सहन होत नाही
• शरीराला गरम ठेवण्यासाठी काही पदार्थांचे सेवन अत्यंत फायद्याचे ठरते

हिवाळ्याच्या दिवसांमध्ये हवामानात अनेक बदल घडून येतात. याकाळात वातावरणात थंड वारे वाहू लागतात ज्यामुळे मानवी शरीर पटकन आजारांना बळी पडते. या ऋतूत सर्दी, खोकला, ताप अशा आरोग्याच्या समस्या उद्भवणे फार सामान्य गोष्ट आहे. या काळात शरीराची रोगप्रतिकारक शक्ती कमकुवत होते ज्यामुळे शरीराचे संरक्षण करणे फार महत्त्वाचे ठरते. हिवाळ्यात स्वतःच्या शरीराचे थंडीपासून संरक्षण करण्यासाठी आपण बहुतेकदा उबदार कपड्यांची मदत घेतो पण इतकेच आपल्या शरीरासाठी पुरेसे नाही तर काही पदार्थांचे सेवन देखील शरीराला आतून उबदार ठेवण्यास मदत करते. आज आम्ही तुम्हाला या लेखात काही अशा पदार्थांची माहिती सांगणार आहोत ज्यांचे सेवन करताच शरीरात नैसर्गिक उष्णता निर्माण होते. यामुळे शरीरात थंडीचा परिणाम कमी होतो. चला हे कोणते पदार्थ आहेत ते सविस्तर जाणून घेऊया.

कडुलिंब-तुळशीही यापुढे फेल… या हिरव्या पाल्यात दडलेत औषधी गुणधर्म, यकृतात अडकलेली सर्व घाण-विषारी पदार्थ काढेल बाहेर

तूप

जुन्या काळापासून भारतीय स्वयंपाकघरात तुपाचा वापर केला जातो. तूप फक्त पदार्थाची चव वाढवत नाही तर यातील फॅटी अ‍ॅसिड शरीराला नैसर्गिकरित्या उबदार ठेवण्यास मदत करते. रात्रीच्या वेळी थंडीपासून बचाव करण्यासाठी तुम्ही एक चमचा तूप कोमट दुधात मिसळून पिऊ शकता. याचप्रमाणे भात शिजवताना त्यात चमचाभर तूप टाकून किंवा चपातीवर तूप पसरवून तुम्ही त्याचे सेवन करू शकता. डाळीत टाकला जाणारा तडक देखील तुपात फार खमंग बनतो. तुपाचे सेवन सांधे मजबूत करण्यासही मदत करतात. याचे सेवन शरीरातील मेटाबॉलिजम वाढवते.

नट्स आणि सीड्स

हिवाळ्यात तुमचे शरीर उबदार ठेवण्यासाठी नट्स आणि सीड्सचे सेवन तुमच्या आरोग्यासाठी फायद्याचे ठरू शकते. थंडीच्या काळात बदाम, अक्रोड, तीळ आणि अळशीचे बियाणे खाणे खूप फायदेशीर आहे. या काजूमध्ये असलेले प्रथिने आणि फॅटी ॲसिड शरीराला उबदार ठेवण्यासाठी खूप उपयुक्त आहेत.

मध

हिवाळ्यात मध खाण्याचे अनेक फायदे आहेत, जसे की रोगप्रतिकारशक्ती वाढवणे, सर्दी-खोकल्यापासून आराम मिळवणे आणि पचन सुधारणे. मधातील जीवनसत्त्वे, खनिजे आणि अँटीऑक्सिडंट्स आरोग्यासाठी अत्यंत फायदेशीर ठरते. थंडीत याचे सेवन शरीराला निरोगी ठेवण्यास मदत करते.

गूळ

थंडीत बहुतेक घरात गोडसर आणि हेल्दी लाडू तयार केले जातात. मग ते मेथीचे लाडू असोत वा डिंकाचे… या लाडवांमध्ये गुळाचा प्रामुख्याने वापर केला जातो. पारंपरिकरित्या फार आधीपासून बहुतेक गोड पदार्थांमध्ये गुळाचा वापर केला जातो. याचे सेवन थंडीत शरीराला उबदारपणा मिळवून देण्यास मदत करतो. झोपण्यापूर्वी ते खाल्ल्याने शरीराचे तापमान राखण्यास मदत होते. ते पचन आणि रोगप्रतिकारक शक्ती देखील मजबूत करते आणि सर्दी आणि फ्लू सारख्या हंगामी आजारांपासून शरीराचे संरक्षण करते.

‘या’ लोकांनी चुकूनही खाऊ नये अंड्याच्या आतील पिवळा भाग, कोणत्याही क्षणी येईल हार्ट अटॅक आणि सायंटिस्टचा धोका

काही मसाले देखील फायदेशीर

स्वयंपाकघरातील काही मसाले केवळ चव वाढवत नाहीत तर अनेक आरोग्य समस्या देखील दूर करतात. हिवाळ्यात लवंग, काळी मिरी आणि दालचिनी सारखे मसाले खाल्ल्याने शरीर नैसर्गिकरित्या उबदार राहते आणि पचनसंस्था आणि रक्ताभिसरण सुधारण्यास याची फार मदत होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.