शनिवार, 24 ऑक्टोबर 2026
(फोटो सौजन्य – istock)
पोषणतज्ञ राजमणी पटेल यांच्या मते , आयुर्वेदात ब्राह्मीला एक औषधी वनस्पती मानले जाते जी मेंदूला तीक्ष्ण करण्यास, शरीराला हलके करण्यास आणि मन शांत करण्यास मदत करते. हे एक औषधी पान आहे ज्याचा वापर स्मरणशक्ती सुधारण्यासाठी, ताण कमी करण्यासाठी, हार्मोन्स संतुलित करण्यासाठी आणि यकृताला विषमुक्त करण्यासाठी केला जाऊ शकतो. पोषणतज्ञांनी स्पष्ट केले आहे की दररोज योग्य पद्धतीने आणि योग्य प्रमाणात ब्राह्मी घेतल्याने अनेक आरोग्य समस्यांपासून आराम मिळू शकतो. चला ब्राह्मीचे फायदे काय आणि त्याचा वापर कसा करावा ते जाणून घेऊया.
मेंदूचे आरोग्य सुधारते
ब्राह्मीचे सेवन स्मरणशक्ती सुधारण्यास आणि शिकण्याची क्षमता वाढवण्यास मदत करते. हे लक्ष केंद्रित करण्यास आणि माहितीवर प्रक्रिया करण्याची गती वाढविण्यात मदत करते.
शरीर स्वच्छ करते
ब्राम्हीचे सेवन शरीरातील विषारी घटक बाहेर काढण्यास आणि शरीराला आतून स्वच्छ करण्यास प्रभावी ठरते. ते थकवा आणि जडपणा कमी करते. यातील अँटीऑक्सिडंट रोगप्रतिकारक शक्ती वाढविण्यासही मदत करतात.
हार्मोन्स संतुलित करते
ब्राह्मीतील नैसर्गिक गुणधर्म हार्मोन्स संतुलित करण्यास मदत करतात. ते ताण कमी करते आणि स्ट्रेस हार्माेन्सचे रेगुलेशन करते. यामुळे मासिक पाळीतील अनियमितता, मूड स्विंग आणि थकवा असलेल्या महिलांना याची बरीच मदत होते. नियमित सेवनाने हार्मोनल आरोग्य सुधारते.
ब्राह्मीचे सेवन कसे करावे?
ब्राह्मीचे सेवन हर्बल टी, ज्यूस किंवा पावडरच्या स्वरुपात केले जाऊ शकते. ब्राह्मी चहा बनवण्यासाठी, प्रथम एक कप पाणी उकळून त्यात ५-६ ताजी किंवा एक चमचे सुकी पाने टाकून, ते ५-७ मिनिटे उकळवा आणि मग गाळून घ्या. कोमट गरम असतानाच याचे सेवन करा. तुम्ही सकाळी उठल्यावर याचे सेवन करू शकता. ब्राह्मीचा रस तयार करण्यासाठी ताजी पाने धुवून मिक्सरमध्ये त्याचा रस तयार करा आणि गाळून मग याचे सेवन करा.
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.
