Recipe : मैद्यापासून नाही तर गव्हाच्या पिठापासून घरी बनवा कुरकुरीत मठरी, झटपट तयार होईल रेसिपी

Mathri Recipe : कुरकुरीत आणि खुसखुशीत चवीची मठरी चहासोबत खायला फार चवदार लागते. विकत कशाला तुम्ही अवघ्या काही मिनिटांतच या पदार्थाला घरी सहज आणि सोप्या पद्धतीमध्ये तयार करु शकता.

• मठरी हा एक पारंपारिक स्न्रॅक्सचा पदार्थ आहे.
• तुम्ही चहासोबत खाण्यासाठी याला घरीच बनवू शकता.
• ही मठरी आपण गव्हाच्या पिठापासून तयार करणार आहोत.

चहाच्या वेळी नेहमीच काहीतरी कुरकुरीत खाण्याची इच्छा होत असते. यासाठी एक पारंपारिक नाश्ता म्हणजे मठरी. हा पदार्थ मूळचा राजस्थानचा आहे पण देशभरात याला फार आवडीने बनवले आणि खाल्ले जाते. हा पदार्थ साधारणपणे मैद्यापासून तयार केला जातो पण आज आपण गव्हाच्या पिठापासून मठरी कशी बनवायची याची एक सोपी रेसिपी जाणून घेणार आहोत.

Summer Special : तुम्ही कधी खाल्लाय का ‘मँगो मलाई रोल’, एकदा चाखाल तर पदार्थाचे फॅन व्हाल

मठरी तयार करण्यासाठी तुम्हाला फार वेळ किंवा फार मेहनतीची गरज लागत नाही. तुम्ही फार निवडक साहित्यांपासून या पदार्थाला तयार करु शकता. मुख्य म्हणजे एकदाच बनवलेली ही मठरी महिनाभर साठवताही येते. पुढच्या वेळी अचानक पाहुणे घरी आले आणि चहासोबत द्यायला घरात स्नॅक्स शिल्लक नसतील तर ही मठरी त्यांना जरुर करुन खायला घाला. चला नोट करुन घेऊयात यासाठी लागणारे साहित्य आणि कृती.

साहित्य

• 5 काजू
• २ वेलची
• 1/4 कप रवा
• अर्धा कप साखर
• 5 काजू
• २ वेलची
• 1/4 कप दूध
• अर्धा कप साखर

महिनाभर टिकून राहील आंबटगोड चवीची चिंच चटणी! स्नॅक्ससोबत खाण्यासाठी उत्तम पर्याय, नोट करून घ्या रेसिपी

कृती

• मठरी बनवण्यासाठी सर्वप्रथम एका वाडग्यात रवा आणि अर्धा कप साखर घालून मिक्स करा.
• आता यात 5-6 काजू आणि 2 इलायचीचे तुकडे घाला.
• आता सर्व साहित्य मिक्सरच्या भांड्यात घाला आणि याला बारीक वाटून घ्या.
• मिक्सरमध्ये वाटलेल्या पिठाला एका परातीत काढा आणि यात गव्हाचे पीठ घालून मिसळा.
• यासोबतच यात दोन चमचे तूप आणि 1/4 कप दूध घालून पीठ मळून घ्या.
• पिठाला छान मऊ मळून झाले की 15 मिनिटे याला झाकूण ठेवा.
• मळलेल्या पिठाचे लहान गोळे तयार करा आणि पुरीप्रमाणे लाटून याला मठरीचा आकार द्या.
• तुम्ही याला तुमच्या आवडीचा कोणताही आकार देऊ शकता.
• आता गॅसवर एक कढई ठेवून यात तेल गरम करत ठेवा.
• तेल जेव्हा गरम होईल तेव्हा गॅसची फ्लेम मध्यम करा आणि सर्व मठरी तेलात छान खुसखुशीत तळून घ्या.
• तयार मठरी एका परातीत काढा आणि थंड झाल्यावर यांना एका हवाबंद डब्यामध्ये बंद करुन ठेवा.
• तुम्ही चहासोबत या कुरकुरीत मठरीचा आस्वाद घेऊ शकता.