झोपेत हृद्यविकाराचा झटका येऊन मृत्यू का होतो? ‘स्लीप पॅरालिसिस’ म्हणजे काय? जाणून घेऊया सविस्तर

काहीवेळा झोपेतून अचानक जाग येते, मात्र शारीरिक हालचाली होत नाही. कोणाशी बोलण्याचा प्रयत्न केला तरीसुद्धा काहीच हालचाली होत नाही. संपूर्ण शरीर जड झाल्यासारखे वाटू लागते. तर काहींना भूतकाळातील स्वप्नात असल्याचा भास होतो. या स्थितीला 'स्लीप पॅरालिसिस' म्हणून ओळखले जाते.त्यामुळे आज आम्ही तुम्हाला स्लीप पॅरालिसिस झाल्यानंतर कोणती लक्षणे उद्भवतात, याबद्दल सांगणार आहोत. चला तर जाणून घेऊया.

भारतासह जगभरातील इतर सर्वच देशांमध्ये हृदयविकाराचा झटका येऊन मृत्यू होणाऱ्या लोकांची संख्या मोठी आहे. हृदयविकाराचा झटका येण्यापूर्वी शरीरात काही लक्षणे दिसू लागतात. या लक्षणांकडे दुर्लक्ष केल्यास आरोग्यासंबंधित आणखीन गंभीर समस्या उद्भवण्याची शक्यता असते. काहीवेळा झोपेतून अचानक जाग येते, मात्र शारीरिक हालचाली होत नाही. कोणाशी बोलण्याचा प्रयत्न केला तरीसुद्धा काहीच हालचाली होत नाही. संपूर्ण शरीर जड झाल्यासारखे वाटू लागते. तर काहींना भूतकाळातील स्वप्नात असल्याचा भास होतो. या स्थितीला ‘स्लीप पॅरालिसिस’ म्हणून ओळखले जाते. शरीरामध्ये ही स्थिती निर्माण झाल्यानंतर झोपलेल्या व्यक्तीला झोपेतून जाग होताना किंवा झोपताना शरीराच्या कोणत्याही हालचाली होत नाही. त्यामुळे आज आम्ही तुम्हाला ‘स्लीप पॅरालिसिस’आजाराची नेमकी लक्षणे काय आहेत? याबद्दल सविस्तर माहिती सांगणार आहोत.(फोटो सौजन्य-istock)

स्लीप पॅरालिसिसची लक्षणे:

शारीरिक हालचाली न होणे:

स्लीप पॅरालिसिस झाल्यानंतर शारीरिक हालचाली पूर्णपणे थांबून जातात. तुम्ही झोपेत जागे असताना किंवा अंथरुणावर पडून असताना सुद्धा तुमच्या शरीराची हालचाल होत नाही. मेंदूला जाग येते मात्र शरीर झोपलेल्या अवस्थेमध्ये तसेच राहते. शरीरात ही स्थिती काही सेकंदांपूर्ती किंवा मिनिटांसाठी मर्यादित असते. पण रात्रभर किंवा काही दिवस हा त्रास जर तुम्हाला सतत होत असेल तर योग्य वेळी डॉक्टरांच्या सल्ल्याने औषध उपचार घेणे गरजेचे आहे.

हे देखील वाचा: Weight Loss: केवळ अंडी आणि बटाटे खाऊन केले 31 किलो वजन! महिलेने केला दावा, काय सांगतात एक्स्पर्ट?

श्वास घेण्यास त्रास होणे:

काही वेळा झोपल्यानंतर किंवा इतर वेळी श्वास घेण्यास त्रास होऊ लागतो. स्लीप पॅरालिसिसचा थेट परिणाम हृदयाच्या आरोग्यावर होतो. या स्थितीमध्ये शरीरावर दाब पडतो. स्लीप पॅरालिसिसचा त्रास झाल्यानंतर काहींच्या छातीवर दाब पडतो तर काहींना दडपण असल्यासारखे वाटते. अनेकदा यामुळे पॅनिक अटॅक येण्याची शक्यता असते.

सतत काहींना काही भास होणे:

अनेकदा रात्री झोपल्यानंतर किंवा इतर वेळी भास झाल्यासारखे वाटते. भास झाल्यानंतर अचानक दचकून जग येते. झोपल्यानंतर काहींना भीतीदायक दृश्य दिसतात, तर काहींना कोणाच्याही सावल्या दिसू लागतात. झोपेत असताना आपल्या आजूबाजूला अस्तित्वात नसलेल्या अदृश्य शक्ती आहेत, असे वाटू लागते. तसेच आपल्या बाजूला कोणतीतरी हालचाल किंवा सावली आहे, असे वाटू लागते.

हे देखील वाचा: मधुमेह नियंत्रणात ठेवण्यासाठी आहारात करा ‘या’ पदार्थांचे सेवन, साखरेचे प्रमाण राहील नियंत्रणात

शरीर बधीर होणे:

स्लीप पॅरालिसिसचा त्रास जाणवू लागल्यानंतर संपूर्ण शरीर बधिर झाल्यासारखे वाटू लागते. शरीरात कोणताही जीव नाही असा भास होऊ लागतो. यामुळे मनात भीती वाढू लागते. आजूबाजूला काय चालू आहे की नाही याचा कोणताच अंदाज लागत नाही. अनेकदा अस्वथ झाल्यासारखे वाटू लागते. अशावेळी शांत राहणे फार गरजेचे आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.