घरातील लाकडी फर्निचरला अचानक वाळवी लागल्यास ती नष्ट करण्यासाठी सोपे आणि प्रभावी घरगुती उपाय कोणते? जाणून घ्या

घरातील लाकडी फर्निचरला वाळवी लागल्यामुळे तुमचे लाकूड आतून पूर्णपणे पोकळ आणि खराब होत आहे का? केमिकलशिवाय घरच्या घरी उपलब्ध असणाऱ्या सोप्या साहित्याचा वापर करून वाळवीला कायमचे कसे नष्ट करावे?लगेच घ्या जाणून

• कडुनिंबाच्या पानांचा रस किंवा पावडर वापरल्याने वाळवी नष्ट होऊन फर्निचर सुरक्षित राहण्यास मदत होते.
• व्हिनेगर आणि लिंबाचा रस एकत्र करून फवारल्यास वाळवी कायमची नष्ट होण्यास मोठी मदत मिळते.
• लाकडी फर्निचर काही तास कडक उन्हात ठेवल्याने उष्णतेमुळे वाळवी आणि त्यांच्या अळ्या नष्ट होतात.

घरातील लाकडी फर्निचरला वाळवी लागणे ही एक भलतीच मोठी समस्या असते. वाळवी ही अशी कीटक आहे जी हळूहळू लाकडाला आतून पोखरून पूर्णपणे नष्ट करते. जर तुमच्याही घरातील लाकडी कपाट, बेड किंवा सोफ्याला वाळवी लागली असेल, तर काही सोपे आणि प्रभावी घरगुती उपाय करून तुम्ही त्यावर कंट्रोल मिळवू शकता. हे उपाय अत्यंत साधे असून त्यासाठी महागड्या रसायनांची गरज भासत नाही.

कडुनिंबाच्या पानांचा किंवा पालापाचोळ्याचा वापर

कडुनिंबामध्ये जंतुनाशक आणि कीटकनाशक गुणधर्म असतात, जे वाळवीला दूर ठेवण्यासाठी खूप प्रभावी ठरतात. यासाठी कडुनिंबाची पाने वाळवून त्याची पावडर बनवू शकता किंवा कडुनिंबाची पाने पाण्यात उकळून ते पाणी थंड करून वाळवी लागलेल्या भागात स्प्रे करू शकता. कडुनिंबाच्या तीव्र वासाने वाळवी नष्ट होते आणि ती लाकडापासून दूर राहते.

कामाच्या वेळी सतत झोप आणि आळस येतोय? नेहमी फ्रेश राहण्यासाठी हे नैसर्गिक पर्याय वापरून पाहा? जाणून घ्या

पांढरा व्हिनेगर आणि लिंबाचा रस

व्हिनेगर वाळवी नष्ट करण्यासाठी एक रामबाण उपाय मानला जातो. अर्धा कप पांढऱ्या व्हिनेगरमध्ये दोन ते तीन लिंबाचा रस चांगल्या प्रकारे मिसळा. हे मिश्रण एका स्प्रे बॉटलमध्ये भरा आणि जिथे वाळवी लागली आहे किंवा लाकडाला प्लाईवुडला छिद्रे पडली आहेत, तिथे फवारा. हा उपाय नियमितपणे केल्यास वाळवी कायमची नष्ट होण्यास मदत होते.

खोबरेल तेल आणि नीलगिरीचे तेल

खोबरेल तेल आणि नीलगिरीच्या तेलाचे मिश्रण वाळवीसाठी विषारी ठरते. थोडे खोबरेल तेल गरम करून त्यात नीलगिरीच्या तेलाचे काही थेंब टाका. हे तेल कापसाच्या मदतीने वाळवी लागलेल्या लाकडी भागावर आणि छिद्रांमध्ये लावा. यामुळे वाळवी गुदमरून मरते आणि लाकडाला चमकही मिळते.

सासरच्या लोकांमुळे नवरा-बायकोच्या नात्यामध्ये सतत वाद होतात? मग फॉलो करा ‘या’ टिप्स, भांडण होतील कमी

सूर्यप्रकाशात फर्निचर ठेवणे

वाळवीला अंधारी आणि दमट जागा खूप आवडते. जर तुमचे लाकडी फर्निचर हलण्यासारखे असेल, तर कडक उन्हामध्ये काही तासांसाठी उन्हात ठेवा. सूर्यप्रकाशातील उष्णता आणि अतिनील किरणे वाळवी आणि त्यांच्या अळ्या नष्ट करतात.

बोरिक पावडरचा वापर

बोरिक पावडर ही एक प्रकारची नैसर्गिक कीटकनाशक पावडर आहे. ही पावडर वाळवीच्या जागी किंवा लाकडाच्या भेगांमध्ये टाकल्यास वाळवी नष्ट होते.

या घरगुती उपायांच्या मदतीने तुम्ही तुमच्या लाकडी फर्निचरचे वाळवीपासून रक्षण करू शकता. जर वाळवीचे प्रमाण खूप जास्त असेल, तर मात्र तज्ज्ञांची मदत घेणे योग्य ठरेल.