चेहऱ्यावर आलेल्या सुरकुत्या कायमच्या होतील नष्ट! त्वचा कायमच तरुण ठेवण्यासाठी फॉलो करा ‘या’ सोप्या टिप्स

सुंदर त्वचेसाठी महिला पार्लरमध्ये जाऊन फेशिअल किंवा क्लीनअप करून घेतात. पण यामुळे त्वचेवर फारसा फरक दिसून येत नाही. त्वचा कायमच तरुण राहावी म्हणून जीवनशैलीत बदल करणे आवश्यक आहे. चुकीच्या जीवनशैलीचा परिणाम आरोग्यासोबतच त्वचेवर सुद्धा लगेच दिसून येतो. म्हणूनच आज आम्ही तुम्हाला त्वचा कायमच तरुण ठेवण्यासाठी काही सोप्या आणि महत्वपूर्ण टिप्स सांगणार आहोत. या टिप्स फॉलो केल्यामुळे त्वचा अधिक सुंदर आणि हायड्रेट राहते. दैनंदिन आयुष्यातील छोटे मोठे बदल त्वचेमध्ये मोठा परिणाम दिसून येतो.

त्वचेचे तारुण्य टिकवून ठेवण्यासाठी सोप्या टिप्स:

त्वचा कायमच तरुण राहावी असे प्रत्येक महिलेले वाटते. त्वचेची काळजी घेण्यासाठी वेगवेगळ्या स्किन केअर प्रॉडक्टचा कायमच वापर केला जातो. त्वचा कायमच मुलायम आणि तरुण ठेवण्यासाठी भरपूर पाणी प्यावे पाणी प्यायल्यामुळे शरीरात साचून राहिलेले विषारी घटक बाहेर पडून जातात आणि स्वच्छ राहते.शरीर डिटॉक्स केल्यामुळे चेहऱ्यावर कोणतेही पिंपल्स किंवा फोड येत नाहीत. भरपूर पाणी प्यायल्यामुळे शरीर शुद्ध राहते आणि त्वचेवर ग्लो कायम टिकून राहतो.

रोजच्या आहारात वेगवेगळ्या फळांचे सेवन करावे. हंगामी फळांचे सेवन केल्यामुळे शरीराला अनेक फायदे होतात. फळांमध्ये विटामिन सी, ॲण्टीऑक्सिडंट्स आणि खनिजे मुबलक प्रमाणात आढळून येतात. त्यामुळे त्वचेवरील सौंदर्य कायम टिकवून ठेवण्यासाठी फळांचे सेवन करावे. लहान मुलांपासून अगदी मोठ्यांपर्यंत सगळ्यांचं फळे खायला खूप जास्त आवडतात.

कायमच निरोगी राहण्यासाठी आहारात तेलकट, तुपकट, जंकफूड, जास्त मीठ असलेले पदार्थ अजिबात खाऊ नये. या पदार्थांच्या सेवनामुळे शरीरात कोलेस्ट्रॉल आणि चरबी वाढू लागते. आहारात ज्या दिवशी तेलकट किंवा तिखट पदार्थांचे सेवन कराल तेव्हा भरपूर पाण्याचे सेवन करावे. यामुळे शरीरातील घाण बाहेर पडून जाईल.

डोळे कायमच थकल्यासारखे-ताणल्यासारखे वाटते? मग स्वयंपाक घरातील ‘या’ पदार्थांचा करा वापर, डोळे होतील टवटवीत

वय वाढल्यानंतर शरीराला जास्त आरामाची आवश्यकता असते. त्यामुळे नियमित ७ ते ८ तासांची शांत झोप घ्यावी. झोप पूर्ण झाल्यानंतर शरीर कायमच हेल्दी राहते आणि त्वचेवरील तारुण्य टिकून राहते. चेहरा स्वच्छ केल्यानंतर त्वचेवर मॉईश्चराईज आणि रात्री झोपण्याआधी नाईट क्रीम लावणे आवश्यक आहे. यामुळे त्वचा नितळ आणि सुंदर दिसते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या