‘रोज कमी होईल 1-2 किलो वजन’, बाबा रामदेवांनी सांगितली श्वास घेण्याची पद्धत, थुलथुलीत कंबर-मांड्या होतील बारीक

वजन कमी करण्यासाठी योगासनाची मदत घेणे हा सर्वात चांगला उपाय आहे. नैसर्गिक पद्धतीने वजन कमी होण्यासह दिवसाला तुम्ही १-२ किलो वजन कमी करू शकता असे बाबा रामदेव यांनी सांगितले आहे.

वजन कमी केल्याने शरीर तंदुरुस्त राहते आणि आजार दूर राहतात. बाबा रामदेव यांनी अशी पद्धत सांगितली आहे, जी केल्यानंतर दररोज १ ते २ किलो वजन कमी होऊ लागेल. यामध्ये तुम्हाला श्वास घेण्याची पद्धत, काय खावे आणि काय खाऊ नये आणि ७ सर्वोत्तम योगासनांबद्दल सांगितले आहे. बाबा रामदेव यांनी त्यांच्या इंस्टाग्राम अकाउंटवर सांगितले की, असे केल्याने घरी बसून दररोज एक ते दोन किलो वजन कमी करता येते. 

यासाठी नक्की कोणती पद्धत वापरायची आणि कोणते योगा करायचे याबाबतही त्यांनी सविस्तर माहिती दिली आहे. तर योग्य पद्धतीने श्वास घेतल्यास तुमचे वजन वाढणार नाही असंही त्यांनी सांगितले. योगगुरूंच्या मते, दीर्घ श्वास घेणे आणि श्वास सोडणे वजन कमी करण्यास मदत करेल. यासाठी भस्त्रिका, कपालभाती, अनुलोम विलोम, सूर्यभेदी प्राणायाम करा. जर तुम्हाला थायरॉईडची समस्या असेल तर हाताच्या अंगठ्याजवळील बिंदू दाबा आणि मग त्याचा परिणाम पहा असे बाबा रामदेव यांनी सांगितले आहे (फोटो सौजन्य – iStock/Instagram) 

काय सांगता? केवळ पाणी पिऊन होऊ शकते 10 किलो वजन कमी, 15 दिवसात दिसेल परिणाम

काय खावे आणि काय टाळावे?

रामदेव बाबांच्या म्हणण्यानुसार,  वजन कमी करता येत नसल्याने लोक निराश होतात. पण जर तुम्ही दीर्घ श्वास घेतला, ७ योगासन केले आणि योग्य आहार घेतला तर तुम्ही सहज सडपातळ होऊ शकता. यासाठी तुम्हाला मीठ, गोड पदार्थ आणि काही धान्ये खाणं बंद करावे लागतील. भोपळ्याचे सूप किंवा भोपळ्याची भाजी खा आणि एक दिवस निर्जला उपवास करा असेही त्यांनी आवर्जून सांगितले, ज्यामुळे आठवड्याभराचं खाल्लेलं अन्न शरीरातून डिटॉक्स होईल. 

कोणती योगासनं करावीत आणि पद्धत 

• तुमचे पाय पुढे पसरवून बसा. आता दोन्ही हात खांद्याच्या रुंदीपर्यंत पसरवा. आता तुमची कंबर फिरवा आणि उजव्या हाताने डाव्या पायाच्या बोटाला आणि डाव्या हाताने उजव्या पायाच्या बोटाला स्पर्श करा. हे १०-१०, २०-२० वेळा करा
• दुसऱ्या व्यायामात, तुम्हाला पहिल्या स्थितीत बसावे लागेल. फक्त एकदा तुमची कंबर फिरवा आणि दोन्ही हात उजव्या कंबरेजवळ जमिनीला स्पर्श करा. नंतर तुमची कंबर फिरवा आणि दोन्ही हात डाव्या कंबरेजवळ जमिनीला स्पर्श करा
• तुमचे पाय समोर पसरवा आणि त्यांना जोडा. आता दोन्ही तळवे एकमेकांना जोडा. पोटापासून सुरुवात करून, पायाच्या बोटांपर्यंत गोलाकार हालचालीत हालचाल करा आणि त्यांना मागे आणा. काही वेळ असे केल्याने पोटाची चरबी कमी होईल आणि स्नायू घट्ट होतील
• हे योगासन कंबर आणि मांडीच्या वाढलेल्या चरबीसाठी चांगले आहे. पाठीवर झोपा आणि दोन्ही हात खांद्याच्या पातळीवर जमिनीवर राहू द्या. आता दोन्ही पायांच्या टाचा एकत्र करा आणि कंबरेजवळ थोडेसे ठेवा. पाठ जमिनीवर ठेवून, गुडघे एकदा उजव्या बाजूला आणि एकदा डाव्या बाजूला जमिनीवर ठेवा, हे सतत करत रहा. हे कंबर आणि पाठीसाठीदेखील चांगले आहे
• या स्थितीत, तुमचे पाय उघडा आणि दोन्ही घोट्यांमध्ये अंतर ठेवा. आता दोन्ही गुडघे एकदा डावीकडे आणि एकदा उजवीकडे वळवा, हे सतत करत रहा
• तुमच्या पाठीवर सरळ झोपा आणि तुमचे तळवे तुमच्या कंबरेखाली दाबा. आता तुमचे पाय एक एक करून वर करा आणि शक्य तितके तुमच्या डोक्याकडे आणा. तुमचे गुडघे सरळ ठेवा. एक पाय मागे घेताना, दुसरा पाय पुढे आणत रहा
• या आसनात, तुम्हाला मागील स्थितीत राहून एक पाय खालून वरच्या दिशेने घड्याळाच्या दिशेने आणि विरुद्ध दिशेने फिरवावा लागेल. नंतर दुसऱ्या पायानेही असेच करा

Weight Loss: रोज 1-1 किलो वजन होईल कमी, Baba Ramdev यांनी पोट सपाट करण्यासाठी दिला जबरदस्त उपाय

पहा व्हिडिओ

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.