सोलापूर : मध्य रेल्वेच्या सोलापूर विभागातील बेलापूर, चितळी आणि तांबा स्थानक (दौंड-मनमाड सेक्शन) दरम्यान नॉन इंटरलॉक, दुहेरीकरण व ब्लॉक बसविण्याच्या कामासाठी रेल्वे प्रशासनाने दि. १ ते २३ मार्च २०२३ या कालावधीत ब्लॉक घेतला आहे. या ब्लॉक कालावधीत दौंड-निजामाबाद एक्स्प्रेस, निजामाबाद. पुणे एक्स्प्रेस, भुसावळ- दौंड डेमू व दौंड भुसावळ डेमू या गाड्या २३ मार्चपर्यंत रद्द करण्यात आल्या आहेत.
दि. ६, १३, २० मार्चला पुणे जबलपूर एक्स्प्रेस पुणे स्थानकातून आपल्या निर्धारित वेळेपेक्षा ३:५५ मिनिटे उशिरा सुटणार असून ही गाडी संध्याकाळी ३.२५ वाजता सुटणार आहे. दि. ७, १४, २१ मार्चला पुणे लखनौ एक्स्प्रेस पुणे स्थानकातून आपल्या निर्धारित वेळेपेक्षा ४:३० उशिरा सुटणार असून, ही गाडी दुपारी ३:२५ ला सुटणार आहे. दि. १, ५, ८, १२, १५, १९ आणि २२ मार्चला सुटणारी पुणे हटिया एक्स्प्रेस पुणे स्थानकातून आपल्या निर्धारित वेळेपेक्षा ४:४० मिनिटे उशिरा सुटणार आहे. ही गाडी दुपारी ३:२५ वाजता सुटणार आहे. याशिवाय दि. ४, ११, १८ रोजी सुटणारी पुणे हटिया एक्स्प्रेस पुणे स्थानकातून आपल्या निर्धारित वेळेपेक्षा ४.४० मिनिटे उशिरा सुटणार असून, संध्याकाळी ३:२५ वाजता सुटणार आहे.
चार गाड्या रद्द
मध्य रेल्वेतील सोलापूर मिनिटे विभागाच्या बेलापूर, चितळी आणि पंतांबा (दौंड मनमाड सेक्शन) दरम्यान नान इंटरलॉक, दुहेरी मार्ग सुरू करण्यासंबंधी ट्रॅफिक ब्लॉक चालणार आहे. हा ब्लॉक १ मार्च ते २३ मार्च २०२३ या कालावधीपर्यंत असणार आहे. या कामासाठी चार गाड्या रद्द करण्यात आल्या असून, काही गाड्या रिशेड्यूल केल्या आहेत.
