रस्त्याच्या कडेला लावलेल्या कारने घेतला अचानक पेट; आगीत कार जळून खाक

तळेगाव ढमढेरे (ता.शिरुर) येथे रस्त्याचे कडेला लावलेल्या कारने (Car Fire) अचानक मोठा पेट घेतला. त्यामुळे कार जळून खाक झाली असून, यामध्ये कोणतीही हानी झाली नसल्याचे समोर आले आहे. मात्र, दोन माजी उपसरपंचांच्या सतर्कतेने पुढील अनर्थ टळला.

Follow Us:

Follow Us:

शिक्रापूर : तळेगाव ढमढेरे (ता.शिरुर) येथे रस्त्याचे कडेला लावलेल्या कारने (Car Fire) अचानक मोठा पेट घेतला. त्यामुळे कार जळून खाक झाली असून, यामध्ये कोणतीही हानी झाली नसल्याचे समोर आले आहे. मात्र, दोन माजी उपसरपंचांच्या सतर्कतेने पुढील अनर्थ टळला.

तळेगाव ढमढेरे (ता.शिरुर) येथील शेळ्यांच्या आठवडे बाजारात आज सकाळच्या सुमारास तुळापूर येथील मनोज कनीचे हे त्यांच्याकडील कार घेऊन आले होते. कार रस्त्याच्या कडेला लावून मनोज हे शेळ्यांच्या बाजारात गेले असता कारने अचानक मोठा पेट घेतला. मात्र, कार शेजारीच गॅसचे दुकान असल्याने खळबळ उडाली. दरम्यान, येथे उपस्थित असलेले माजी उपसरपंच मच्छिंद्र भुजबळ, नवनाथ ढमढेरे यांनी समोरील सावता माळी मंगल कार्यालयातून पाण्याचा पाईप चालू करुन शर्थीचे प्रयत्न करत कारला लागलेली आग आटोक्यात आणली.

तब्बल 25 मिनिटांच्या प्रयत्नानंतर आग आटोक्यात आणण्यास यश आले. सुदैवाने यावेळी कोणतीही हानी झाली नसून कार जळून खाक झाली. या घडलेल्या घटनेबाबत शिक्रापूर पोलीस ठाण्यात वाहन जळाल्याची नोंद करण्यात आली असून, पुढील तपास शिक्रापूर पोलीस करत आहे.

Web Title: A car parked on the side of the road caught fire suddenly burn the car in the fire nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com