पुण्यात थंडी वाढणार (फोटो -ai gemini)
शहरात गेल्या आठवड्यापासून थंडीचा प्रभाव वाढत आहे. विशेषतः मध्यरात्रीनंतर तापमानात घट होत असल्याने पहाटेच्या वेळी गारवा अधिक जाणवत आहे. सकाळी दहाच्या सुमारासही हवेत थंडावा टिकून राहत असल्याने मॉर्निंग वॉक, व्यायामासाठी बाहेर पडणाऱ्या नागरिकांच्या पेहरावात स्वेटर, जॅकेट आणि कानटोप्यांची भर पडली आहे. दरम्यान, दिवसभर उन्हाची तीव्रता तुलनेने कमी असल्याने दुपारचे वातावरण मात्र आल्हाददायक राहत आहे.
Pune Weather: माणसं काय झाडं पण गारठली! तापमान ११.३ अंशांवर; पुढील दोन दिवसांत…
शनिवारी शहरात कमाल तापमान ३१ अंश सेल्सिअस नोंदविण्यात आले. दिवसभर आकाश निरभ्र आणि वातावरण कोरडे होते. शहराच्या विविध भागांतही तापमानात फरक जाणवत असून, हवेली, पाषाण, एनडीए आणि सिंहगड रस्ता परिसरात थंडीचा प्रभाव अधिक आहे. तर मगरपट्टा आणि चिंचवड परिसरात तुलनेने अधिक तापमानाची नोंद झाली.
रविवारी (ता. २२) किमान तापमानात किंचित वाढ होऊन ते १२ अंश सेल्सिअसपर्यंत जाण्याची, तर कमाल तापमान ३२ अंश सेल्सिअस राहण्याची शक्यता आहे. राज्यातही थंडीचा प्रभाव वाढला असून, जळगाव येथे सर्वात कमी ८ अंश सेल्सिअस किमान तापमानाची नोंद झाली. सोलापूर येथे राज्यातील सर्वाधिक ३४.४ अंश सेल्सिअस कमाल तापमान नोंदविण्यात आले.
पुढील चार दिवस राज्यात हवामान कोरडे राहणार असून, सकाळचा गारवा कायम राहील. त्यानंतर किमान तापमानात हळूहळू वाढ होण्याचा अंदाज हवामान विभागाने व्यक्त केला आहे. दरम्यान, पुढील दोन दिवसांत किमान आणि कमाल तापमानात किंचित वाढ होण्याची शक्यता हवामानशास्त्र विभागाने वर्तविली आहे. पुणे शहर आणि परिसरात गेल्या काही दिवसांपासून थंडीचा कडाका वाढत आहे. पहाटे आणि रात्रीच्या वेळी बोचऱ्या वाऱ्यांमुळे गारठ्याची तीव्रता अधिक जाणवत आहे.
Pune Weather: हुडहुडी भरणार! कारण पुण्यात गारठा वाढणार; स्वेटर घालूनच फिरा; पुढील काही दिवसांत…
Ans: पुण्यात शनिवारी (२१ नोव्हेंबर) किमान तापमान ११.२ अंश सेल्सिअस नोंदवले गेले.
Ans: भारतीय हवामानशास्त्र विभागाच्या (IMD) अंदाजानुसार, पुणे शहरात पुढील दोन दिवसही थंडीचा गारठा कायम राहण्याची शक्यता आहे.






