खंडाळा : फुले दाम्पत्याने शिक्षणाची गंगा खेड्यापाड्यात पोहचवली. हे दाम्पत्य देशाला लाभलेले वरदान आहे. त्यांचा इतिहास जतन करणे आपल काम आहे. तरुणाईला प्रेरणा देण्यासाठी हे स्मारक उभे केले आहे. या स्मारकासाठी सरकारकडून दहा एकर जमीन, शंभर कोटींचा निधी दिला जाईल, अशी घोषणा राज्याचे मुख्यमंत्री एकनाथ शिंदे यांनी केली.
तालुक्यातील नायगाव येथे सातारा जिल्हा परिषद,पंचायत समिती खंडाळा व ग्रामपंचायत नायगाव यांच्या संयुक्त विद्यमाने ज्ञानज्योती सावित्रीबाई फुले यांचा जयंती उत्सव,भारतीय स्त्री मुक्ती दिन व महिला शिक्षण दिन आणि सोहळा पार पडला.दरम्यान,प्रारंभी राज्याचे मुख्यमंत्री ना.एकनाथ शिंदे,माजी उपमुख्यमंत्री छगन भुजबळ यांच्यासह मान्यवरांनी स्मारकामध्ये असणाऱ्या सावित्रिबाई फुले अणि महात्मा फुले यांच्या अर्धपुतळ्यास पुष्पहार अर्पण करत अभिवादन केले.
यावेळी मुख्यमंत्री शिंदे म्हणाले, स्त्री स्वातंत्र्य हा शब्द माहीत नसण्याच्या काळात फुले दांपत्याने मुलींना शिक्षण देणे सुरु केले. पुरोगामी महाराष्ट्र घडवला. त्यामुळे आज महिला पुरुषांच्या पुढे एक पाऊल आहेत. स्त्री शिक्षणाच्या माध्यमातून त्यांनी समाजाला प्रकाश दिला. शिक्षण साठी प्रोत्साहन निधी देण्यात सरकार कमी पडणार नाही. महिलांना अनेक सवलती दिल्या जात आहेत. बचत गटाच्या माध्यमातून महिला सक्षमीकरण करण्यासाठी प्रयत्न सुरु आहेत. नोकरदार महिलासाठी शक्ती सदन नावाने वसतिगृह सुरु करतोय. नायगावला वर्षभर पर्यटक, अभ्यासक येतील असे काम करू.
छगन भुजबळ यांनी समाज व्यवस्थेतील अंधश्रद्धा अनिष्ट प्रथा यांच्यावर प्रहार करताना क्रांतीज्योती सावित्रीबाई फुले यांच्या सावित्रीबाई फुले या महात्मा फुले यांच्या खांद्याला खांदा लावून लढल्या, असे सांगून नायगाव येथील त्यांच्या स्मारकासाठी हरी नरके यांनी दिलेल्या योगदानाची आठवण केली. शालेय मुलींच्या उपस्थिती भत्त्याचा ठराव 32 वर्षांपूर्वी केला होता. त्यामध्ये वाढ होण्याची आवश्यकता व्यक्त केली.
माजी मंत्री जानकरांची श्रोत्यांमध्ये बैठक !
सावित्रीबाई फुले यांच्या जयंतीदिनाचे औचित्य साधत माजी मंत्री आमदार जानकर यांनी स्मारकास भेट देऊन अभिवादन केले. स्मारकाची पाहणी करून लवकरच सभास्थळी पोहोचले. मुख्यमंत्री येईपर्यंत जानकर यांनी श्रोत्यांमध्ये बैठक ठोकली होती.
.png "Videos"){kind=small}
