आरोग्य व्यवस्था डिजिटल करण्यावर प्रशासनाचा भर! उपतक्रारी, जन्म-मृत्यू नोंदी आणि खरेदी प्रक्रियेवर असणार डॅशबोर्डची नजर
Mumbai News: मुंबई महापालिकेच्या रुग्णालयात डॉक्टर वेळेवर आहेत का, नागरिकाची तक्रार किती दिवस प्रलंबित आहे, जन्म-मृत्यू प्रमाणपत्रासाठी अर्ज कुठे अडकला आहे किंवा औषध व उपकरणांची खरेदी कोणत्या टप्प्यावर रखडली आहे, याचा आता अधिक प्रभावी आणि डिजिटल पद्धतीने मागोवा घेण्याची तयारी पालिका प्रशासनाने सुरू केली आहे. आरोग्य सेवा केवळ रुग्णालयापुरती मर्यादित न ठेवता प्रत्येक टप्प्यावर उत्तरदायित्व निश्चित करणारी आणि नागरिक आणि रुग्णाभिमुख व्यवस्था उभारण्यावर भर असल्याची माहिती अतिरिक्त आयुक्त (शहर) डॉ. प्राजक्ता वर्मा-लवंगारे यांनी सायन येथील लो. टिळक सार्वजनिक रुग्णालयात दिली.(फोटो सौजन्य – AI)
महापालिकेच्या आरोग्य व्यवस्थेतील जुन्या आणि दीर्घकाळ प्रलंबित प्रश्नांवर तात्पुरते उपाय करण्याऐवजी कायमस्वरूपी ‘सिस्टम’ उभारण्याचे नियोजन करण्यात आले आहे. मनुष्यबळ भरती, डॉक्टरांची उपस्थिती, नागरिकांच्या तक्रारी, रुग्णालयांचे खरेदी प्रक्रिया आणि डिजिटलायझेशन, रक्तपेढ्यांच्या दर्जावाढीपर्यंत विविध बदल केले जाणार आहेत.
जन्म-मृत्यू प्रमाणपत्रांसाठी नागरिकांना कार्यालयांच्या फेऱ्या माराव्या लागू नयेत, यासाठी’ सेतू’ पद्धतीनुसार सेवा अधिक सुलभ करण्याचा प्रयत्न सुरू आहे. अर्ज, प्रलंबित प्रकरणे आणि वॉर्डनिहाय कामगिरीवर डॅशबोर्डद्वारे देखरेख ठेवली जाणार असून प्रमाणपत्र तयार झाल्यानंतर नागरिकांना एसएमएसद्वारे माहिती देण्याचे नियोजन आहे. नागरिकांच्या आरोग्यविषयक तक्रारींसाठी ‘मार्ग’ प्रणालीचा विस्तार करण्यात येणार आहे. निश्चित कालावधीत तक्रार निकाली न निघाल्यास ती आपोआप वरिष्ठ अधिका-यांकडे वर्ग करण्याची व्यवस्था तयार केली जाणार असल्याचे वर्मा-लवंगारे म्हणाल्या.
Mumbai News : रेल्वे रूळ ओलांडण्याची बेफिकिरी वाढली; सात महिन्यांत ८,४११ प्रकरणांची विक्रमी नोंद
दुसरीकडे, महापालिका रुग्णालयांतील डॉक्टरांच्या उपस्थितीवरही प्रशासनाची अधिक काटेकोर नजर राहणार आहे. बायोमेट्रिक हजेरी प्रभावी करत अनियमित उपस्थितीबाबत चौकशी आणि नियमानुसार कारवाई केली जाईल. रिक्त पदे भरणे, नवीन डॉक्टरांसाठी प्रशिक्षण, बदलत्या वैद्यकीय गरजांनुसार नव्या पदरचनेचा ‘आकृतीबंध’, रुग्णकेंद्रित पीपीपी मॉडेल आणि २०२८ पर्यंत सुरू होणाऱ्या नवीन रुग्णालयांसाठी आगाऊ मनुष्यबळ नियोजनावरही प्रशासनाचा भर आहे. रक्तपेढ्यांना पुढील वर्षभरात एनएबीएल मानांकन मिळवून देण्याचे लक्ष्य ठेवण्यात आले असून रुग्णालयांची स्वच्छता आणि कंत्राटी सेवांची गुणवत्ता तपासण्यासाठी भविष्यात तृतीय पक्षाकडून परीक्षण करण्याचे नियोजन आहे. औषचे आणि उपकरणांच्या खरेदीपासून रुग्णसेवेपर्यंत प्रत्येक प्रक्रियेतील विलंब शोधून तो कमी करण्यासाठी डिजिटल डॅशबोर्ड यवस्था विकसित करण्याचा प्रयत्न आहे.
.png "Videos"){kind=small}
