भाजप आमदार गणपत गायकवाड यांनी शिवसेना शहरप्रमुख महेश गायकवाड यांच्यावर गोळीबार केला आणि राजकीय वर्तुळात खळबळ उडाली आहे. या घटनेनंतर आमदार गणपत गायकवाड आणि त्यांच्या दोन साथीदारांना पोलिसांनी अटक केली आहे. तर या हल्ल्यात जखमी झालेले महेश गायकवाड व राहुल पाटील यांच्यावर उपचार सुरु आहेत. तर दुसरीकडे कल्याण पूर्वेत तणावपूर्ण शांतता पसरली आहे. कल्याण पूर्वेककडे पोलीस बंदोबस्त देखील तैनात करण्यात आला आहे. तर आता सोशल मीडियावर मात्र पुन्हा एकदा दोघांच्या समर्थकांकडून समर्थन, पाठिंबा देणारे रिल्स व्हायरल केले जात आहेत.
आमदार गणपत गायकवाड यांच्या समर्थनार्थ आमदार गायकवाड यांचे कार्यकर्ते रिल्स व्हायरल करत आहेत. तर दुसरीकडे शिवसेना शहरप्रमुख महेश गायकवाड यांना पाठिंबा देणारे रिल्स देखील महेश गायकवाड समर्थकांकडून सोशल मीडियावर व्हायरल होत आहेत. एकमेकांना आवाहन प्रति आव्हान देणारे हे रील्स वायरल होत असल्याने एकूणच आता सोशल मीडियावर देखील तणावाचे वातावरण तयार झाले आहे.
भाजपाचे आमदार गणपत गायकवाड यांनी जमिनीच्या वादातून उल्हासनगर हिल लाईन पोलीस ठाण्यात शिवसेना शहरप्रमुख महेश गायकवाड आणि त्यांचा साथीदार राहुल पाटील यांच्यावर गोळीबार केला. या हल्ल्यात गंभीर जखमी झालेल्या महेश गायकवाड आणि राहुल पाटील यांच्यावर खाजगी रुग्णालयात उपचार सुरू आहेत. तर भाजपा आमदार गणपत गायकवाड यांच्यासह सहा जणांविरोधात गुन्हा दाखल करण्यात आला आहे. याप्रकरणी भाजपा आमदार गणपत गायकवाड आणि त्यांच्या दोन साथीदारांना अटक करण्यात आली आहे. आमदार गायकवाड यांच्यासह दोघे आरोपी पोलीस कोठडीत आहेत. या गोळीबाराच्या घटनेनंतर कल्याण पूर्वेत तणावाचे वातावरण आणि शांतता पसरली आहे. काही अनुचित प्रकार घडू नये यासाठी कल्याण पूर्वेत कडेकोट पोलीस बंदोबस्त ठेवण्यात आला आहे.
शिवसेना भाजपाच्या नेत्यांकडून शांततेचे आवाहन करण्यात आले, मात्र समर्थकांकडून अप्रत्यक्षरीत्या एकमेकांना आव्हान प्रति आव्हान देणारे हे रील्स मोठ्या प्रमाणात व्हायरल होत आहेत .त्यामुळे या समर्थकांमध्ये सोशल वॉर सुरू झाल्याचे दिसून येत आहे.
.png "Videos"){kind=small}
