Ahilyanagar News: एकाही शेतकऱ्याकडे दुर्लक्ष करू नका! पालकमंत्री विखे पाटलांचे 100 टक्के पंचनामे करण्याचे प्रशासनाला निर्देश

अहिल्यानगरमध्ये झालेल्या अवकाळीमुळे शेतकऱ्यांची दुर्दशा झाली आहे. याच गोष्टीची गंभीर दखल घेत पालकमंत्री विखे पाटलांनी 100 टक्के पंचनामे करण्याचे प्रशासनाला निर्देश दिले आहे.

• अहिल्यानगर जिल्ह्याला अवकाळी पावसाचा फटका
• शेतकऱ्याची बिकट अवस्था
• पालकमंत्री डॉ. विखे पाटील यांचे 100 टक्के पंचनामे करण्याचे निर्देश

अवकाळी पाऊस, गारपीट व वादळामुळे राहाता तालुक्यासह जिल्ह्यात झालेल्या शेती पिकांच्या आणि अन्य नुकसानीचे महसूल व कृषी भागाने एकत्रितपणे १०० टक्के अचूक पंचनामे करून अहवाल सादर करावेत, असे निर्देश जलसंपदा तथा पालकमंत्री डॉ. राधाकृष्ण विखे पाटील यांनी प्रशासनाला दिले. एकाही शेतकऱ्याकडे दुर्लक्ष करु नका असे त्यांनी अधिकाऱ्यांना सांगितले. गुरुवारी जिल्ह्यात अवकाळी पाऊस झाल्याच्या पार्श्वभूमीवर त्यांनी जिल्हाधिकारी डॉ. पंकज आशिया यांच्याकडून नुकसानीची माहिती घेतली. तसेच, बाधित शेतकऱ्यांना त्वरित मदत मिळवून देण्याच्या उद्देशाने त्यांनी पाथरे (बु.) येथे शेतकऱ्यांच्या बांधावर जाऊन प्रत्यक्ष पाहणी केली.

शेतकरी संजय भाऊसाहेब घोलप व गोपालक सोपान घोलप यांच्या शेताला व गोठ्याला पालकमंत्र्यांनी भेट दिली. वादळी वाऱ्यामुळे विजेची तार अंगावर पडून आणि विद्युत धक्का बसल्याने ९ गायी दगावल्याच्या दुर्दैवी घटनेची त्यांनी पाहणी केली. मंत्री विखे पाटील यांनी घोलप कुटुंबीयांच्या भेट देऊन त्यांना धीर दिला. यावेळी घोलप कुटुंबीयांना सर्वतोपरी सहकार्य करून शासन स्तरावरून तातडीने मदत कशी मिळेल, यासाठी प्रयत्न करू.

श्रद्धेला प्रश्न विचारणे हे नागरिकांचे मूलभूत कर्तव्य; धाराशिवमध्ये ॲड. असीम सरोदे यांचे परखड विचार!

“घोलप कुटुंबीयांना सर्वतोपरी सहकार्य करून शासन स्तरावरून तातडीने मदत कशी मिळेल, यासाठी अधिकाऱ्यांनी प्रयत्न करावेत. संगमनेरमध्ये २. राहुरीत ९ आणि कोपरगावमध्ये १ घराचे नुकसान झाले आहे, या सर्व नुकसानीचे १०० टक्के पंचनामे करण्याचे आदेश जिल्हा प्रशासनाला दिले आहेत. गुरुवारी पुन्हा जिल्ह्याच्या बहुतांशी भागात झालेल्या पावसाने जामखेडमध्ये १ पशुचन दगावले सर्वांना नुकसान भरपाई मिळेल यासाठी आपण प्रयत्न करत आहोत”, असे वक्तव्य पालकमंत्री राधाकृष्ण विखे पाटील यांनी केले.

अवकाळी पावसामुळे शेतीचे मोठे नुकसान

वादळाने पडलेल्या वीजवाहक तारा व विजेच्या खांबांच्या समस्या तातडीने सोडवून गावातील वीजपुरवठा पूर्ववत करण्याचे निर्देशही वीज वितरण कंपनीला दिले. राहाता तालुक्यात १८ मार्च, ३० मार्च व १ एप्रिल २०२६ रोजी झालेल्या पावसाने १ हजार ८०० हेक्टर क्षेत्रावरील सुमारे २ हजार ७५९ शेतकऱ्यांचे नुकसान झाले आहे. यामध्ये गहू, कांदा, द्राक्ष, मका, डाळिंब, हरभरा, टरबूज आणि आंबा या पिकांचे मोठे नुकसान झाले असल्याची माहिती पालकमंत्री विखे पाटील यांनी पाहणीनंतर दिली.