वाईत उमेदवारांची वाढली धाकधूक; निकालाच्या प्रतीक्षेतच तापले राजकीय वातावरण
Maharashtra Nagarparishad Election Result: राज्यातील 264 नगरपालिका आणि नगरपंचायतीच्या निवडणुकीसाठी आज (2 डिसेंबर) मतदान होत असून, त्यासाठी संपूर्ण मतदान यंत्रणा सज्ज झाली आहे. सकाळी 7.30 वाजता मतदानास सुरुवात झाली असून सायंकाळी 5.30 पर्यंत मतदानाची वेळ असणार आहे . याचदरम्यान आता मोठी बातमी समोर येत आहे. नगरपरिषद आणि नगरपालिका निवडणुकीची मतमोजणी पुढे ढकलण्यात आली आहे. ही मतमोजणी आता 21 डिसेंबर रोजी होणार आहे. यापूर्वी आयोगाने उद्या म्हणजेच 3 डिसेंबर रोजी मतदानाचा निकाल जाहीर केले होते.
दरम्यान राज्यातील नगरपरिषदा आणि नगरपंचायत निवडणुकांबाबत उच्च न्यायालयाच्या नागपूर खंडपीठाने एक महत्त्वाचा निर्णय दिला आहे. काही नगर परिषदांबाबत प्रलंबित न्यायालयीन कार्यवाहीमुळे राज्यातील सुमारे २० नगर परिषदांची मतदान प्रक्रिया पुढे ढकलली होती. ही निवडणूक २० डिसेंबर रोजी होणार होती. त्यामुळे सर्व निवडणुकांचे निकाल एकाच दिवशी जाहीर व्हावेत. अन्यथा २० नगर परिषदांच्या निकालावर प्रभाव पडू शकतो, अशी याचिका उच्च न्यायालयात दाखल करण्यात आली होती. या संदर्भातील सर्व युक्तिवाद ऐकल्यानंतर उच्च न्यायालयाच्या खंडपीठाने सर्व नगर परिषदा आणि नगर पंचायत मतदानाचे निकाल एकाच दिवशी म्हणजे २१ डिसेंबर रोजी घेण्याचे निर्देश दिले आहेत. आज मतदान होईल आणि त्याचे निकाल २१ तारखेला जाहीर केले जातील. तसेच, २० तारखेला निवडणुका संपल्यानंतर अर्धा तासाने जाहीर करता येतील. तसेच २० डिसेंबरपर्यंत नगर परिषदा आणि नगर पंचायत निवडणुकीची आदर्श आचारसंहिता लागू राहील, असे न्यायालयाने म्हटले आहे.
ज्या ठिकाणी निवडणूक रद्द झाली आहे, त्या ठिकाणी निवडणूक प्रक्रियेत मिळालेल्या उमेदवारांचे निवडणूक चिन्ह अबाधित राहतील. फक्त, ज्या ठिकाणी निवडणूक रद्द झाली आहे, त्या ठिकाणी उमेदवारांनी केलेल्या खर्चाची मर्यादा वाढवण्याची मागणी न्यायालयाने मान्य झालेली नाही.
* ईव्हीएम सुरक्षित ठेवण्यासाठी प्रशासनाला २१ डिसेंबरपर्यंत स्ट्राँग रूम आणि मतदान केंद्र ठेवावे लागेल.
* निवडणूक सुमारे २८० ठिकाणी होत असल्याने आणि प्रत्येक मतदान केंद्र स्वतंत्र असल्याने, २१ डिसेंबरपर्यंत २८० हून अधिक मतदान केंद्रे आणि स्ट्राँग रूम सुरक्षित ठेवावे लागतील.
* याशिवाय, गुरुवारी स्ट्राँग रूममध्ये ईव्हीएम सुरक्षित ठेवण्यासाठी पोलिस बंदोबस्त ठेवण्यात येईल.
* ईव्हीएम स्ट्राँग रूममध्ये असताना, निवडणूक निर्णय अधिकारी आणि निवडणूक प्रक्रिया कर्मचारी दररोज स्ट्राँग रूममध्ये जातात. स्वाक्षरी करणे बंधनकारक आहे. २१ डिसेंबरपर्यंत ही प्रक्रिया दररोज पूर्ण केली जाईल.
* साधारणपणे, विधानसभेच्या निवडणुका २८८ ठिकाणी होतात, त्यापैकी सुमारे १९२ मतदान केंद्रे नगर परिषद निवडणुकीत असतात. फक्त एक गोष्ट लक्षात ठेवायची आहे की विधानसभा निवडणुका मतदानानंतर लगेच एक किंवा दोन दिवसांनी होतात.
मात्र आज मतमोजणी समोर ढकलली गेली, तर विधानसभा निवडणूक सुमारे तीन आठवडे सांभाळावी एवढी प्रशासन आणि पोलिसांची यंत्रणा कामी लागेल.
.png "Videos"){kind=small}
