Kalyan Burial Dispute: मृतदेह घरात, पण दफनसाठी जागाच नाही! कल्याणमध्ये माणुसकीला काळिमा फासणारी घटना

Kalyan Burial Dispute: कल्याण पश्चिमेतील मोहने परिसरात राहणाऱ्या ६० वर्षीय वसीमुन्नीसा काझी यांचे निधन झाल्यानंतर त्यांच्या पार्थिवाच्या दफनविधीसाठी नातेवाईकांची फरफट सुरू आहे. शहाड येथील कब्रस्तान आणि कल्याणमधील टेकडी कब्रस्तान येथे दफनविधीस नकार दिल्याचा आरोप कुटुंबीयांनी केला आहे.

• एका कब्रस्तानातून दुसऱ्या कब्रस्तानात नातेवाईकांची फरफट
• ६० वर्षीय महिलेच्या दफनविधीचा प्रश्न कायम
• मृत्यूनंतरही वसीमुन्नीसा काझी यांच्या पार्थिवाची परवड
• शहाड आणि टेकडी कब्रस्तानात दफनास नकार दिल्याचा आरोप

Kalyan Burial Dispute: मृत्यूनंतर प्रत्येक व्यक्तीला सन्मानाने अंत्यसंस्कार मिळणे हा मूलभूत मानवी हक्क आणि माणुसकीचा प्रश्न आहे. मात्र, कल्याणमध्ये एका ६० वर्षीय महिलेच्या निधनानंतर तिच्या पार्थिवाच्या दफनविधीसाठी जागा मिळत नसल्याचा धक्कादायक प्रकार समोर आला आहे. कल्याण पश्चिमेतील मोहने परिसरात राहणाऱ्या वसीमुन्नीसा काझी यांचे निधन झाले. मात्र, निधनानंतरही दफनविधीची जागा उपलब्ध होत नसल्याने त्यांच्या नातेवाईकांची मोठी फरफट सुरू आहे. (Kalyan Burial Dispute)

शहाड कब्रस्तानात दफनविधीस नकार दिल्याचा आरोप

मिळालेल्या माहितीनुसार, वसीमुन्नीसा काझी यांचे निधन झाल्यानंतर त्यांच्या नातेवाईकांनी दफनविधीसाठी शहाड येथील कब्रस्तान गाठले. मात्र, तेथे दफनविधी करण्यास नकार देण्यात आल्याचा आरोप कुटुंबीयांनी केला आहे. त्यामुळे नातेवाईकांसमोर मोठा प्रश्न निर्माण झाला.

Diwali Fire Incidents: “आनंदाचा सण ठरला जीवघेणा!” शहरात फटाक्यांच्या आतषबाजीत ५५ हून अधिक जण जखमी; ३० ठिकाणी आगीचा तांडव!

टेकडी कब्रस्तानातही निराशा

शहाड येथे दफनविधी होऊ न शकल्याने नातेवाईकांनी कल्याण पश्चिमेतील टेकडी कब्रस्तानात जाण्याचा निर्णय घेतला. मात्र, तेथेही बाहेरची बॉडी दफन करत नाही, असे सांगून दफनविधीस नकार दिल्याचा आरोप करण्यात आला आहे. त्यामुळे एका कब्रस्तानातून दुसऱ्या कब्रस्तानात धावपळ करूनही कुटुंबीयांना दफनविधीसाठी जागा मिळू शकली नसल्याचे समोर आले आहे.

घरात पार्थिव, नातेवाईक हतबल

एकीकडे घरात मृतदेह ठेवलेला असताना दुसरीकडे दफनविधीसाठी जागा मिळत नसल्याने कुटुंबीय हतबल झाले आहेत. मृत्यूनंतरही अंत्यविधीसाठी अशी फरफट सहन करावी लागत असल्याने नातेवाईकांकडून नाराजी व्यक्त होत आहे. या प्रकरणामुळे शहरातील कब्रस्तानांमधील उपलब्ध जागा आणि बाहेरील व्यक्तींच्या दफनविधीबाबतचे नियम यांचा प्रश्नही चर्चेत आला आहे.

प्रशासनाने तातडीने हस्तक्षेप करण्याची मागणी

या गंभीर प्रकरणात कल्याण-डोंबिवली महानगरपालिका प्रशासन आणि संबंधित अधिकाऱ्यांनी तातडीने लक्ष घालावे, अशी मागणी होत आहे. मृत महिलेच्या पार्थिवाचा सन्मानपूर्वक दफनविधी होण्यासाठी प्रशासनाने आवश्यक मदत करावी, अशी अपेक्षा कुटुंबीयांकडून व्यक्त केली जात आहे. या प्रकरणात नातेवाईक फजलउद्दीन काझी यांनी आपली बाजू मांडली आहे. आता महापालिका प्रशासन या प्रकरणाची दखल घेऊन काय भूमिका घेते आणि कुटुंबीयांना दफनविधीसाठी मदत मिळते का, याकडे सर्वांचे लक्ष लागले आहे.

Best Bus Accident News: “अनियंत्रित बसने सिग्नलवर आणला प्रलय!” मुंबईतील लोढा जंक्शनवर बेस्ट बसचा भीषण अपघात, अनेक वाहने उद्ध्वस्त