Jalgaon News: शिकार चार, पण बिबट्या बेपत्ता! अमळनेरमध्ये वनविभागाला ‘खो’ देणाऱ्या बिबट्याची चर्चा

Jalgaon News: अमळनेर तालुक्यातील रंजाणे परिसरात बिबट्याचा पुन्हा वावर दिसून आला असून, पहाटे चार वाजण्यापूर्वी एका शेतकऱ्याचे पारडू बिबट्याने फस्त केले. शेतकरी अशोक भाऊराव पाटील यांना सकाळी म्हशीचे दूध काढण्यासाठी गेल्यानंतर ही घटना लक्षात आली.

• रंजाणे येथे बिबट्याने शेतकऱ्याचे पारडू फस्त केले; आतापर्यंत चार जनावरे बळी.
• अमळनेरसह अनेक परिसरांत यापूर्वीही बिबट्याचा वावर आणि हल्ले झाले आहेत.
• पिंजरे लावूनही बिबट्या सापडत नसल्याने वनविभागाविरोधात नागरिकांमध्ये संताप.

अमळनेर (वा.) तालुक्यातून बट्या जाईना आणि वनविभागाला सापडेना अशी परिस्थिती निर्माण झाली आहे. रंजाणे येथे पहाटे चार वाजेपुर्वी बिबट्याने एका शेतकऱ्याचे पारडू खाल्याने शेतकरी व मजुरांमध्ये दहशत पसरली आहे. आतापर्यंत चार जनावरांना बिबट्याने खाल्ले आहे.

अशोक भाऊराव पाटील हे सकाळी म्हशीचे दूध धुवायला गेले असता त्यांना त्यांच्या म्हशीचे पारडू हिंस्र प्राण्याने खाल्लेले दिसले. त्यांनी सरपंच सह गावातल्या नागरिकांना बोलावले. वनपाल गुलाब पिंजारी याना बोलावले असता त्यांनी शिकार करण्याच्या पद्धतीवरून बिबट्या असल्याची खात्री दिली.गेल्या १५ दिवसांपासून बिबट्या गायब झाला होता. मात्र त्यापूर्वी हिंगोणे, नंदगाव, अंतुरली रंजाणे, पिंपळे, ढेकू रस्ता, शिरूड, मंगरूळ, गांधली, गडखांब परिसरात बिबट्याने धुमाकुळ घातला होता. Jalgaon News:

बिबट्‌याचा वावर दिसून आला

शेतकरी शेतात जायला तयार नव्हते, मजूर मिळत नव्हते आधीच दुष्काळात उत्पन्न कमी आणि त्यात बिबट्याच्या भीतीने माल काढता येत नसल्याने शेतकऱ्यांचे मोठे नुकसान होत होते. आठ दहा दिवसापासून बिबट्या दिसत नसल्याने शेतकरी निचीन्त झाले होते. वनपाल गुलाब पिंजारी, पशुवैद्यकीय अधिकारी डॉ. संदेश वाठोरे, सरपंच सचिन पाटील, ग्रामसेवक, तलाठी यांच्यासमक्ष मृत पारडूचे शवविच्छेदन करण्यात आले.

यापूर्वी हिंगोणे येथे संतोष शंकर पाटील यांच्याही जनावराचा फडशा पाडण्यात आला होता. तर उमेश पारधी रा. अंतुर्ली यांच्या एक गाय आणि वासरू बिबट्याने खाल्ले होते. निम गावात बिबट्‌याचा वावर दिसून आला. तांदळी रस्त्याला गुलाब आनंदा पाटील यांच्या केळीच्या शेतीमधून निघून बाळू मुलचंद पाटील यांच्या शेताकडे जाताना प्रत्यक्ष ग्रामसेवक मंगळे यांना आढळून आला.

Jalgaon News: यावलकरांसाठी मोठी बातमी! ५६ कोटींची पाणीपुरवठा योजना प्रगतीपथावर, ५० टक्के काम पूर्ण

बिबट्या खेळतोय वनविभागाशी लंपडाव…

बिबट्या दिसला की वनविभागाला बोलावले जाते. वनविभाग बिबट्याचे पदमार्क मिळाले नाहीत तर बिबट्या नसल्याचे सांगतात. वन विभाग एकीकडून पिंजरा काढून दुसरीकडे लावतात तर चिबट्या दुसरीकडे दिसतो. लगेच वनविभाग तिकडचा पिंजरा काढून संबंधित ठिकाणी लावतात, पण विवट्चा मात्र सापडत नाही. त्यामुळे वनविभागावर प्रचंड संताप व्यक्त केला जात आहे. यापूर्वी आमदार अनिल पाटील आणि खासदार स्मिता वाघ यांनी देखील संताप व्यक्त केला आहे.

गुलाब पिंजारी वनपाल अमळनेर

“शेतकऱ्यांनी आपली गुरे बंदिस्त करून ठेवावीत, रात्री एकट्याने बाहेर जाण्याऐवजी सोबत कोणालातरी घेऊन काठी आणि वेंटरी घेऊन जावे, पिंजऱ्यात बिबट्यासाठी शिकार म्हणून शेळी ठेवत आहोत पण बिबट्या हाती लागत नाही.”

Jalgaon News: पाणीटंचाईची चाहूल लागताच प्रशासन अलर्ट! ‘या’ तारखेरपूर्वी पाणी आराखडा तयार करण्याचे आदेश

सचिन पाटील, सरपंच रंजाणे ता अमळनेर

“आमच्याच गावाची तीन गुरे बिबट्याने शकत नाहीत. वनविभागाने ठोस उपाययोजना करावी नुसता देखावा करू नये अन्यथा शेतकऱ्यांच्या रोषाला सामोरे जावे लागेल”