हस्तनिर्मित खिडक्यांवर आधारित चित्रप्रदर्शन! १६ ते २१ मार्चदरम्यान कमलनयन बजाज आर्ट गॅलरी येथे आयोजन
खिडकीमध्ये एक शांत पण प्रभावी अशी ताकद असते. ती ना आपल्याला बंदिस्त करते, ना पूर्णपणे बाहेर घेऊन जाते; ती फक्त आपल्याला पाहण्याची, थांबण्याची आणि अंतर्मन व बाह्य जगाच्या दरम्यान श्वास घेण्याची एक जागा देते. ‘द पेंटेड विंडो’ या त्यांच्या पाचव्या एकल प्रदर्शनामध्ये बहुपुरस्कारप्राप्त समकालीन कलाकार नंदिता देसाई यांनी या साध्या वास्तुशिल्प घटकाला कलाकृतींच्या केंद्रस्थानी आणले आहे. विंटेज आणि हस्तनिर्मित खिडक्यांना त्यांनी कलाकृतींचे रूप दिले आहे. हे प्रदर्शन १६ ते २१ मार्चदरम्यान मुंबईतील नरिमन पॉईंट येथील कमलनयन बजाज आर्ट गॅलरी येथे आयोजित करण्यात आले आहे. या प्रदर्शनात सुमारे ५० कलाकृती सादर केल्या जाणार आहेत. या खिडक्या जणू बाहेरच्या जगाकडे पाहण्याची आणि अंतर्मनातील आठवणी व चिंतनाकडे वळण्याची संधी देतात. या प्रदर्शनाची कल्पना एका योगायोगातून सुचली. लोणावळा-खंडाळा रस्त्यावरून गाडीने जात असताना देसाई यांच्या नजरेस अचानक सूर्यप्रकाशात चमकणारे रंगीत कोरीव काचेचे तुकडे दिसले. त्या थांबल्या आणि त्यांना तिथे एका जुन्या घरातून उरलेल्या टाकून दिलेल्या खिडक्यांचा संग्रह दिसला.(फोटो सौजन्य – AI)
लोणावळा परिसरातील सोडून दिलेल्या किवा पाडलेल्या घरांमधून मिळालेल्या अनेक खिडक्या विशेषतः कोविडनंतर या प्रदर्शनाचा मुख्य भाग आहेत. काही खिडक्या देसाई यांनी स्वतः पुनर्वापरित आणि शाश्वत लाकडपासून तयार केल्या आहेत. लहानपणी वारंवार घर बदलल्यामुळे देसाई याच्या आठवणी घरातील खोल्यांपेक्षा खिडकीजवळ घालवलेल्या क्षणाशी जोडलेल्या आहेत. वाचन करणे, बाहेरचे जग पाहत बसणे किया धाचा ग्लास संपवण्याची धडपड! त्या म्हणतात, माझ्यासाठी खिडकी म्हणजे अंतर्मन आणि बाह्य जग यावर विचार करण्याची जागा आहे. ती जीवनाचे रूपक आहे. दोन्ही जगांमध्ये समतोल राखण्याची आणि आपण ज्या सुंदर जगात राहतो त्याचे कौतुक करण्याची, आपल्या छोट्या चौकटीत अडकून न घडण्याची.
LPG Crisis: मुंबईत ‘गॅस माफिया’ सक्रिय! पोलिसांनी १७२ सिलिंडर जप्त करत काळाबाजार उधळला
या प्रदर्शनात विविध साहित्य आणि तंत्रांचा वापर करण्यात आला आहे. विशेष काचेच्या रंगानी रंगवलेले काच, नैसर्गिक ऑक्साइड पॉलिश, स्टेन, वार्निश, वॅक्स क्रेयॉन्स आणि शेलॅक वापरून तयार केलेले लाकूड, तसेच ज्यूट आणि हेम्पवर तेलरंग, अॅक्रिलिक आणि पेस्टल्स वापरून तयार केलेल्या कलाकृती या सर्वांमधून देसाई यांचे नैसर्गिक साहित्यांवरील प्रेम दिसून येते, जुन्या लाकूड आणि काचेवर चित्र काढणे कॅनव्हासवर चित्र काढण्यापेक्षा खूप वेगळे असते. प्रत्येक खिडकीवर काम करण्यापूवीं मोठी तयारी करावी लागते, स्वच्छता, कीटकनियंत्रण, अतिरिक्त भाग काढून टाकणे आणि त्याच वेळी तिची मूळ रचना, रंग आणि वैशिष्ट्य जपणे.
.png "Videos"){kind=small}
