एसटी कर्मचाऱ्यांच्या सेवाज्येष्ठतेचा प्रश्न ऐरणीवर! 'परिपत्रकांचा अर्थ समजत नसेल तर पगार कशाचा घेता?' श्रीरंग बरगेंचा संतप्त सवाल
बरगे हे आज बीड जिल्ह्यात श्रीरंग बरगे यांनी भेट दिली असून आले असून त्यांनी आज एसटीच्या विभागीय कार्यालयाला भेट दिली. व कर्मचाऱ्यांच्या समस्या ऐकून घेतल्या. यावेळी संघटनेचे उपाध्यक्ष वसंत बोराडे, प्रादेशिक सचिव बालाजी ढेपे, बीड विभागाचे विभागीय अध्यक्ष अशोक महानोर, कार्याध्यक्ष शेशेराव नागरगोजे, विभागीय सचिव ईश्वर माळवाले, कोषाध्यक्ष भगवान गर्जे, श्रीकृष्ण येवले, राजकुमार आंधळे, बालकृष्ण पेंटुळे, उल्हास भड, संभाजी घाडगे, आदी पदाधिकारी उपस्थित होते.
एसटीत अधिकारी व कर्मचाऱ्यांना सेवाज्येष्ठतेसंदर्भात महामंडळाने आतापर्यंत तीन वेगवेगळी परिपत्रके काढली असून त्यात स्पष्ट सूचना प्रसारित करण्यात आल्या असताना, सुद्धा या परिपत्रकांचा गैर अर्थ लाऊन राज्यभरातील काही विभागात अंमलबजावणी केली जात आहे. बीड विभागाने सुद्धा तोच कित्ता गिरवला असून सेवा ज्येष्ठता यादीत घोळ झाला असून परिपत्रकाची नीट अंमलबजावणी करण्यात न आल्याने कर्मचाऱ्यांमध्ये असंतोष आहे.
परिपत्रकात स्पष्ट सूचना असून देखील बीड विभागातील प्रशासन या संदर्भात मुंबईतील एसटीच्या मुख्य कार्यालयाकडून वारंवार मार्गदर्शन मागवित असून अधिकाऱ्यांनी अडाणीपणाना कळस गाठला आहे.हे दुर्दैवी असून परिपत्रकांचा अर्थ समजत नसेल तर स्थानिक प्रशासनाने अपयश आहे.अशीच स्थिती एसटीच्या राज्यभरातील अजून काही विभागात असल्याने कर्मचाऱ्यांनी सेवाज्येष्ठता सूचिबद्दल न्यायालयात धाव घेतली असून सर्वांना सारखा न्याय मिळावा यासाठी पुन्हा एकदा स्पष्ट सूचना देण्यात याव्यात यासाठी एक सविस्तर निवेदन राज्याचे परिवहन मंत्री तथा एसटी महामंडळाचे अध्यक्ष प्रताप सरनाईक यांच्याकडे गेल्याच आठवड्यात संघटनेमार्फत प्रत्यक्ष भेटून देण्यात आले असून त्यांनीही सेवाज्येष्ठता परिपत्रकाच्या नीट अंमलबजावणी बद्दल सूचना दिल्या आहेत.
एसटी महामंडळाचे राज्यात एकूण ३१ विभाग आहेत. या सर्व विभागांमध्ये सेवाज्येष्ठता निश्चित करण्यासाठी एकसमान पद्धत आहे. मात्र, मध्यवर्ती कार्यालयाने जारी केलेल्या परिपत्रकाचा बीड विभागांकडून चुकीच्या पद्धतीने अर्थ लावण्यात आल्यामुळे सेवाज्येष्ठता याद्यांमध्ये विसंगती निर्माण झाली असल्याचा आरोपही बरगे यांनी केला आहे.
येत्या गुरुवारच्या अगोदर बीड विभागात सेवा ज्येष्ठतासूची संदर्भातील परिपत्रकांची नीट अंमलबजावणी करण्यात आली नाहीतर इथले स्थानिक अन्यायग्रस्त कर्मचारी १५ ऑक्टोबर पासून एसटीच्या बीड विभागीय कार्यालयासमोर बेमुदत उपोषण करतील व त्याची जबाबदारी स्थानिक प्रशासनाची राहील असा इशाराही बरगे यांनी दिला आहे.
ST Bus Service: मुंबईकरांसाठी विमानतळ प्रवास आणखी सोपा! दादर ते NMIA थेट ST बससेवा सुरू
.png "Videos"){kind=small}
