Bhandara News: भंडाऱ्यात ९ महिन्यांत ७,२९६ जणांना चावले कुत्र्यांनी! नागरिकांनी सतर्क राहणे गरजेचे

भंडारा जिल्ह्यात जानेवारी ते सप्टेंबर 2026 या 9 महिन्यांत तब्बल 7,296 जणांना कुत्र्यांनी चावा घेतल्याची नोंद झाली आहे. जिल्ह्यातील एकूण प्राणिदंशाच्या घटना 9,124 वर पोहोचल्या असून, मागच्या वर्षाच्या तुलनेत त्यात 529 घटनांची वाढ झाली आहे.

• भंडारा जिल्ह्यात 9 महिन्यांत 7,296 श्वानदंशाच्या घटना नोंदल्या गेल्या असून, एकूण प्राणिदंशाच्या घटना 9,124 झाल्या आहेत.
• मागच्या वर्षाच्या तुलनेत यंदा प्राणिदंशाच्या घटनांमध्ये 529 ने वाढ झाली असून, नागरिकांनी भटक्या प्राण्यांपासून सावध राहणे आवश्यक आहे.
• प्राण्याने चावा घेतल्यास जखम साबण आणि वाहत्या पाण्याने 15 मिनिटे धुऊन त्वरित वैद्यकीय उपचार घ्यावेत.

जिल्ह्यात प्राणिदंशाच्या घटनांमध्ये वाढ नोंदविण्यात आली. श्वानदंशाचा प्रश्न अधिक गंभीर बनला आहे. जानेवारी ते सप्टेंबर २०२६ या नऊ महिन्यांत जिल्ह्यात श्वान, मांजर, माकड आणि अन्य प्राण्यांच्या दंशाच्या एकूण ९,१२४ घटना नोंदविण्यात आल्या. त्यापैकी ७,२९६ घटना श्वानदंशाच्या आहेत. मागील वर्षी याच कालावधीत ८,५९५ घटना नोंदल्या गेल्या होत्या. यंदा त्यात ५२९ घटनांची, म्हणजेच सुमारे ६.१५ टक्क्यांची वाढ झाली आहे. या पार्श्वभूमीवर रेबीज प्रतिबंधक उपचारांची उपलब्धता, भटक्या श्वानांचे नियंत्रण आणि नागरिकांमधील जनजागृती यांना महत्त्व प्राप्त झाले आहे. श्वानदंशाचे प्रमाण सर्वाधिक; जानेवारीत घटनांचा उच्चांक : जिल्ह्यातील प्राणिदंशाच्या आकडेवारीनुसार, एकूण घटनांपैकी सुमारे ८० टक्के घटना श्वान दंशाच्या आहेत. जानेवारीत १,०९० श्वानदंशाच्या घटना नोंदविण्यात आल्या, तर फेब्रुवारीत ९७९ आणि मार्चमध्ये १,०११ घटना घडल्या. एप्रिलमध्ये ८८२, मेमध्ये ८८४ आणि जूनमध्ये ७९७ घटना नोंदविण्यात आल्या. जुलैमध्ये हा आकडा ५५७, ऑगस्टमध्ये ५३५, तर सप्टेंबरमध्ये

दंश झाल्यास जखम १५ मिनिटांपर्यंत धुवा- श्वान किंवा अन्य सस्तन प्राण्याने चावा घेतल्यास जखम तातडीने वाहत्या पाण्याने आणि साबणाने किमान १५ मिनिटे स्वच्छ धुवावी. त्यानंतर विलंब न करता डॉक्टरांकडे जाऊन वैद्यकीय तपासणी करून घ्यावी. डॉक्टरांच्या सल्ल्यानुसार रेबीज प्रतिबंधक लस आणि आवश्यकतेनुसार इम्युनोग्लोब्युलिन घ्यावे. जखमेवर माती, तेल, हळद, मिरची पावडर, लिंबू किंवा अन्य घरगुती पदार्थ लावू नयेत. जखमेवर घट्ट पट्टी बांधू नये आणि उपचार घेण्यास विलंब करू नये.

प्राणिदंशाच्या घटनांमध्ये झालेली वाढ लक्षात घेता नागरिकांनी भटक्या प्राण्यांपासून सुरक्षित अंतर ठेवावे. लहान मुलांना कुत्रे किंवा अन्य प्राण्यांजवळ एकटे सोडू नये. प्राणिदंश झाल्यानंतर जखम लहान असली तरी त्याकडे दुर्लक्ष न करता त्वरित उपचार घेणे आवश्यक आहे. मांजरांच्या दंशाच्या ९९१, अन्य प्राण्यांच्या दंशाच्या ४६१ आणि माकडांच्या दंशाच्या ३७६ घटना नोंदविण्यात आल्या. सर्व प्राणिदंशाच्या घटनांचा विचार करता जानेवारीत सर्वाधिक १,२७८ घटना नोंदल्या गेल्या. त्यानंतर मार्चमध्ये १,१९५, फेब्रुवारीत १,१४९, मेमध्ये १,०९७, एप्रिलमध्ये १,०५३ आणि जूनमध्ये १,०२८ घटना नोंदविण्यात आल्या. जुलैमध्ये ७९३, ऑगस्टमध्ये ७७५ आणि सप्टेंबरमध्ये ७५६ घटना नोंदल्या गेल्या.

Bhandara News: मानव-वन्यजीव संघर्षाचा विळखा! नऊ महिन्यांत ७ जणांचा बळी; पशुधन व पीक नुकसानीचेही सावट

रेबीजचा धोका टाळण्यासाठी तातडीने वैद्यकीय उपचार घेणे आवश्यक आहे. जिल्हा आरोग्य विभागाच्या माहितीनुसार, जिल्ह्यातील प्राथमिक आरोग्य केंद्रांमध्ये रेबीज प्रतिबंधक लस (एआरव्ही) उपलब्ध असून ग्रामीण, उपजिल्हा आणि जिल्हा रुग्णालय स्तरावर एआरव्हीसह रेबीज इम्युनोग्लोब्युलिनचा साठा ठेवण्यात आला आहे. डॉक्टरांच्या सल्ल्यानुसार रेबीज प्रतिबंधक लसीचे वेळापत्रक पूर्ण करावे आणि आवश्यकतेनुसार इम्युनोग्लोब्युलिन घ्यावे. जिल्ह्यातील शासकीय आरोग्य संस्थांमध्ये लसींचा साठा उपलब्ध ठेवण्याचे नियोजन आहे. – डॉ. नितीन कापसे जिल्हा आरोग्य अधिकारी, भंडारा.

भटक्या श्वानांच्या नियंत्रणासाठी समन्वय शहरांसह ग्रामीण भागात भटक्या श्वानांचा प्रश्नही प्राणिदंशाच्या घटनांशी जोडलेला आहे. श्वानांची संख्या नियंत्रित करणे, त्यांचे लसीकरण करणे आणि प्राणिदंशाच्या घटना कमी करण्यासाठी पशुसंवर्धन विभाग व स्थानिक स्वराज्य संस्थांशी समन्वय साधण्याबाबत पत्रव्यवहार करण्यात आला आहे. नगर परिषदांनाही आवश्यक उपाययोजनांसाठी सूचित करण्यात आले.

Bhandara News: बनावट दस्तऐवज सादर करून लाखोंची फसवणूक! दोघांविरुद्ध गुन्हा दाखल; सायबर गुन्ह्याची कारवाई

💡 Frequently Asked Questions

प्रश्न 1: भंडारा जिल्ह्यात 2026 च्या पहिल्या 9 महिन्यांत किती श्वानदंशाच्या घटना नोंदल्या गेल्या?

उत्तर: जानेवारी ते सप्टेंबर 2026 या कालावधीत भंडारा जिल्ह्यात 7,296 श्वानदंशाच्या घटना नोंदविण्यात आल्या.

प्रश्न 2: कुत्रा चावल्यानंतर सर्वप्रथम काय करावे?

उत्तर: चावलेली जखम साबण आणि वाहत्या पाण्याने किमान 15 मिनिटे स्वच्छ धुवावी. त्यानंतर त्वरित डॉक्टरांकडे जाऊन तपासणी करून घ्यावी. डॉक्टरांच्या सल्ल्यानुसार रेबीज प्रतिबंधक लस आणि आवश्यक असल्यास इम्युनोग्लोब्युलिन घ्यावे.

प्रश्न 3: भंडारा जिल्ह्यात रेबीज प्रतिबंधक लस उपलब्ध आहे का?

उत्तर: दिलेल्या माहितीनुसार, जिल्ह्यातील प्राथमिक आरोग्य केंद्रांमध्ये रेबीज प्रतिबंधक लस (ARV) उपलब्ध ठेवण्यात आली आहे. ग्रामीण, उपजिल्हा आणि जिल्हा रुग्णालय स्तरावर आवश्यकतेनुसार रेबीज इम्युनोग्लोब्युलिनचाही साठा ठेवण्यात आला आहे.