Bhandara News: २५ किलो गांजासह दोघे ताब्यात! पालांदूर येथे गांजातस्करीचा पर्दाफाश; ओडिशातून आणल्याचा संशय

भंडारा-नागपूर मार्गावर पालांदूर येथे मालवाहू वाहनातून 25.430 किलो गांजा जप्त करण्यात आला. या कारवाईत नागपूरमधील दोघांना ताब्यात घेण्यात आले असून, जप्त मुद्देमालाची किंमत 32 लाखांहून जास्त आहे. या तस्करीमागे आणखी कोण आहे, याचा तपास सुरू आहे.

• पालांदूर येथे मालवाहू वाहनातून 25.430 किलो गांजा जप्त करत एएनटीएफने दोघांना ताब्यात घेतले.
• जप्त गांजाची अंदाजे किंमत 12 लाख 71 हजार 500 रुपये असून वाहनासह मुद्देमाल जप्त करण्यात आला.
• तस्करीच्या साखळीत आणखी कोणाचा सहभाग आहे का, याचा तपास एएनटीएफ नागपूरकडून सुरू आहे.

भंडारा-नागपूर मार्गावरून मालवाहू वाहनातून गांजाची तस्करी होत असल्याची गोपनीय माहिती मिळाल्यानंतर अमलीपदार्थ विरोधी टास्क फोर्सने (एएनटीएफ) पालांदूर येथे कारवाई केली. संशयित वाहनाची झडती घेतल्यानंतर त्यामध्ये २५.४३० किलो गांजा आढळून आला. जप्त गांजाची अंदाजे किंमत १२ लाख ७१ हजार ५०० रुपये असून वाहनासह एकूण ३२ लाख ९६ हजार ७०० रुपयांचा मुद्देमाल जप्त करण्यात आला. या प्रकरणी नागपूर येथील दोघांना ताब्यात घेण्यात आले.

Bhandara News: वीज गेली अन् ऑनलाइन परीक्षेचा बोजवारा! प्रवेशपूर्व परीक्षेत गोंधळ; परीक्षार्थी संतप्त, पोलिसांना पाचारण

तस्करीसाठी मालवाहू वाहनाचा वापर : या कारवाईत गुलाम वाजिद गुलाम वजीर, रा. महाकालीनगर, झिंगाबाई टाकळी, मानकापूर, नागपूर आणि वाहनचालक शेख शहाबाज शेख सरवर, रा. कपिलनगर, नागपूर यांना ताब्यात घेण्यात आले आहे. या तस्करीच्या साखळीत आणखी कोणाचा सहभाग आहे का, याचा तपास सुरू आहे. या प्रकरणी पालांदूर पोलिस ठाण्यात गुन्हा क्रमांक २४६/२०२६ दाखल करण्यात आला आहे. आरोपींविरुद्ध कलम ८ (क), २० (ब) (२) (क) आणि २९, एनडीपीएस कायदा १९८५ अन्वये गुन्हा नोंदविण्यात आला. तपास एएनटीएफ नागपूरकडून करण्यात येत आहे.

Bhandara News: भंडारा जिल्ह्यात २६९ परवानाधारक सावकार! एकही तक्रार नाही; अवैध सावकारी नाही की तक्रारीच पोहोचत नाही?

एएनटीएफची तस्करीविरोधी मोहीम कायम

ही कारवाई विशेष पोलिस महानिरीक्षक तथा एएनटीएफ महाराष्ट्र ज्योतीप्रिया सिंह, पोलिस उपमहानिरीक्षक प्रवीण पाटील यांच्या मार्गदर्शनाखाली आणि एएनटीएफ नागपूरचे पोलिस अधीक्षक अजित टिके यांच्या निर्देशानुसार करण्यात आली. पोलिस निरीक्षक नंदकुमार केंजळे यांच्या नेतृत्वाखाली सहाय्यक पोलिस निरीक्षक कोळेकर, पोलिस उपनिरीक्षक टिपुर्णे, महिला पोलिस उपनिरीक्षक कडू तसेच एएनटीएफ नागपूरच्या पथकाने केली.